2 CORINTIOS 11:4 - Chatino Tataltepec

⁴ Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

2 CORINTIOS 11:4 ပူးပေါင်းရင်းမြစ်များ

SAN MARCOS 7:9

Lo'o li' xa' nchcui' yu lo'o ngu' bi': ―Tso'o tsa nti' ma̱ cha' nguxtyanu ma̱ cña nu ngulo ycui' Ndyosi ji'na; ndulo la cha' nu ngulu'u jyo'o cusu' ji'na, nti' ma̱ ―nacui̱ Jesús―.

LOS HECHOS 4:12

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

ROMANOS 8:15

Na cua nda ycui' Ndyosi Xtyi'i Ni ji'i̱ ma̱, cha' ndu'ni Xtyi'i Ni cha' caca ma̱ sñi' ycui' Ndyosi; ndu'ni bi' cha' ndi'ya̱ taca chcui' na lo'o ycui' Ndyosi: “Sti ya”, ñacui̱ na ji'i̱ Ni. Si'i cha' cuxi ndu'ni Xtyi'i Ni nu lo'o nclyo bi' cña ji'i̱ ma̱, si'i cha' xcutsi̱i̱ ji'i̱ ma̱ ñi'ya̱ nu ntsi̱i̱ ma̱ cua sa'ni la, si'i jua'a̱ cña ndu'ni nu bi'.

1 CORINTIOS 3:11

Jua'a̱ laca cha' lacua: cua laca ngusta ycui' Ndyosi ji'i̱ Jesucristo, cha' sca ti yu bi' caca su̱u̱ lcaa cha' bi', cha' ycui' Jesús laca nu ntucua quiya' cha' nu cua ngusñi na ji'i̱ ycui' Ndyosi Sti na; nga'aa ntsu'u xa' la jo'ó xa' la ñati̱ nu laca su̱u̱ cha' bi'.

2 CORINTIOS 11:1

Lo'o juani tyu'u cha' clyu ti' ji'i̱ ma̱ lo'o na', talo tyiquee ma̱ xi jna', masi cha' tonto ti na' nchcui' tsa na' cha' ji'i̱ ycui' ca ti na'.

2 CORINTIOS 2:12

Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua.

GÁLATAS 3:2

Xacui̱ ma̱ cha' 'na lacua: ¿Ha cua ndyanu Xtyi'i ycui' Ndyosi ne' cresiya ji'i̱ ma̱ juani? ¿Ñi'ya̱ ngua ji'i̱ ma̱ cha' ngujui Xtyi'i ycui' Ndyosi ji'i̱ ma̱ lacua? ¿Ha ngujui Xtyi'i Ni ji'i̱ ma̱ xqui'ya cha' cua ngua'ni ma̱ cña nu nscua lo cha' cusu' bi' cha' cua'ni ma̱? Si'i. Cua jlo ti' ma̱ cha' ngujui Xtyi'i ycui' Ni ji'i̱ ma̱ lo'o ngusñi ma̱ cha' liñi nu cua nda ya lo'o ma̱, cha' ji'i̱ ycui' Cristo.

1 TIMOTEO 1:3

Lo'o cua tsa'a ti na' ca Macedonia, li' cua nchcui' na' lo'o nu'u̱ cha' tyanu nu'u̱ nde quichi̱ Efeso; chaca quiya' chcui' na' lo'o nu'u̱ juani, cha' tyanu nu'u̱ ca quichi̱ bi'. Ntsu'u ngu' quichi̱ Efeso nu nclu'u xa' lo cha' ji'i̱ ngu' tya'a na; nga'a̱ cha' culo nu'u̱ cña ji'i̱ ngu' bi', cha' nga'aa culu'u tsa ngu' xa' la cha' ji'i̱ tya'a ngu'.

1 TIMOTEO 2:5

Sca ti ycui' Ndyosi ntsu'u tsiya' ti, lo'o jua'a̱ ntsu'u sca ti ñati̱ nu ndi'i̱ slo ycui' Ni nu nchcui' lo'o Ni cuentya ji'i̱ ñati̱ chalyuu; la cui' Jesucristo laca nu ñati̱ bi'.