2 CORINTIOS 11:32 - Chatino Tataltepec

³² Ndi'ya̱ cha' ngua 'na lo'o nguti'i̱ na' ca quichi̱ Damasco: Nu laca xu'na quichi̱ ca jua, cuentya ji'i̱ rey Aretas laca yu cña; lo'o jua'a̱ ngulo yu bi' cña ji'i̱ ngu' policia cha' tsatu̱ ngu' to' lo'o quichi̱ bi' cha' tejeya' ngu' 'na, cha' tyaa lo'o ngu' 'na nde ne' chcua̱ li'.

2 CORINTIOS 11:32 ပူးပေါင်းရင်းမြစ်များ

LOS HECHOS 9:10

La cui' quichi̱ Damasco ndi'i̱ sca nu qui'yu nu naa Ananías, nu ngusñi cha' ji'i̱ Jesucristo. Ñi'ya̱ laca lo'o nchcui' xcalá na, jua'a̱ nchcui' ycui' nu Xu'na na lo'o Ananías bi'. ―Ananías ―nacui̱ Ni. ―Nde ti nga'a̱ na', Xu'na ―nacui̱ Ananías.

LOS HECHOS 9:2

cha' nti' yu culo yu quityi chacuayá' ji'i̱ cha' tsaa sca̱' yu ji'i̱ ngu' nu ngusñi cha' ji'i̱ Jesucristo. Nti' yu tsaa yu quichi̱ Damasco cha' culu'u yu quityi chacuayá' bi' ji'i̱ ngu' nu laca loo ne' laa bi', nu laa ji'i̱ ngu' judío bi'. Li' nti' Saulo sca̱' ji'i̱ ñati̱ ji'i̱ Jesucristo quichi̱ bi', cha' xtyu̱u̱ yu tya̱a̱ lo'o yu ji'i̱ ngu' nde Jerusalén; masi ngu' qui'yu, masi ngu' cuna'a̱, lcua ti ña'a̱ ñati̱ bi' tejeya' yu ji'i̱ ngu', nti' yu.

LOS HECHOS 9:8

Li' ndatu̱ Saulo, ngusaala yu cloo yu; pana nga'aa ngua ña'a̱ yu, ngua talya loo yu tsiya' ti. Li' ntejeya' chaca ñati̱ ya' yu cha' nga'aa ngua ña'a̱ yu, ndyaa lo'o ngu' ji'i̱ yu nde quichi̱ Damasco.

2 CORINTIOS 11:26

Quiña'a̱ tsa se'i̱ ndya'a̱ na' tyucui̱i̱ su caca cuxi 'na nquicha': ntsu'u hora ndyacua na' cla'be sta'a̱ lo'o ndyaluu bi'; la cui' jua'a̱ ntsu'u tsa ñati̱ cuaana tyucui̱i̱; masi ngu' judío tya'a na', masi ngu' xa' tsu', ngua ti' ngu' cua'ni cuxi ngu' lo'o na'; la cui' jua'a̱ masi ndya'a̱ na' nde quichi̱ tonu, masi ndya'a̱ na' nde ne' quixi̱', masi ndya'a̱ na' nde lo tyujo'o, ntsu'u tsa cha' cuxi nu ndyacua 'na; lo'o jua'a̱ ntsu'u ngu' nu stu'ba ndya'a̱ lo'o ñati̱ ji'i̱ Jesucristo, pana cha' cuiñi ndyu'ni ngu' bi', cuxi ti ngulacua ti' ngu' ña'a̱ ngu' 'na.