2 CORINTIOS 11:23 - Chatino Tataltepec

²³ Nacui̱ ngu' bi', cha' cña ji'i̱ Cristo ndyu'ni ngu'; la cui' cña bi' ndyu'ni na'. Masi tonto ti nchcui' na', pana tso'o la cña nu ndyu'ni na' que cña nu ndyu'ni ngu' bi'; lye la ngua'ni na' cña, lu'ba la ngusu'ba ngu' 'na ne' chcua̱, tyu̱u̱ tsa quiya' cua ngujui'i̱ ngu' juata hichu̱' na', lu'ba ti ndyaca cha' cua cajaa ti na' xqui'ya Cristo.

2 CORINTIOS 11:23 ပူးပေါင်းရင်းမြစ်များ

LOS HECHOS 14:19

Lo'o li' ndyalaa la xi ngu' judío nu xña'a̱ tsa tyiquee, ngu' nu ndu'u quichi̱ Antioquía bi'; lo'o xa' la tya'a ngu' nu ndu'u quichi̱ Iconio ndyalaa ngu'. Nchcui' ngu' bi' lo'o ngu' quichi̱ cha' su'ba ñasi̱' ngu' ji'i̱ ngu' quichi̱ bi' lo'o Pablo. Li' ngu̱ ngu' quichi̱ quee ji'i̱ Pablo cha' ngua ti' ngu' cujuii ngu' ji'i̱ yu bi'. Lo'o ngua ti' ngu' cha' cua ngujuii yu, li' ngujolaqui ngu' ji'i̱ yu ndyaa lo'o ngu' ji'i̱ yu ca to' quichi̱.

LOS HECHOS 20:23

Tsa bi' ti cha' jlo ti' na' cha' lcaa quichi̱ su ndya'a̱ na' nacui̱ ngu' cha' cua tejeya' ti ngu' jna', cha' su'ba ngu' jna' ne' chcua̱; nacui̱ ngu' cha' lye tsa ca quicha ti' na' ca quichi̱ Jerusalén bi'. Tsa lo cua ti cha' jlo ti' na', cha' jua'a̱ laca cha' nu cua nda Xtyi'i ycui' Ndyosi lo'o na'.

LOS HECHOS 21:11

Lo'o ndyalaa yu ca slo ya, li' ngulo yu juata nu ndyaaca̱' sii' Pablo, li' ya' yu lo'o quiya' yu ngusca̱' yu lo'o juata bi'. ―Cua nchcui' Xtyi'i ycui' Ndyosi lo'o na' cha' ñi'ya̱ nu ndyaaca̱' ycui' na', jua'a̱ sca̱' ngu' judío tya'a na ji'i̱ ñati̱ nu ca ji'i̱ juata re ca Jerusalén ―nacui̱ Agabo ji'i̱ ya―. Tsaa lo'o ngu' ji'i̱ ñati̱ bi' slo ngu' xa' tsu' cha' xcube' ngu' ji'i̱ yu ―nacui̱.

LOS HECHOS 25:14

Tyu̱u̱ tsa̱ ndyanu ngu' slo Festo. Laja li' nchcui' Festo cha' ji'i̱ Pablo lo'o ngu': ―Ntsu'u sca ñati̱ ca nde nu ngusu'ba Félix ji'i̱ ne' chcua̱ ―nacui̱ Festo ji'i̱ ngu'―.

LOS HECHOS 27:1

Lo'o li' ngua stu'ba cha' ji'i̱ ngu' lo'o tya'a ngu' cha' ta ngu' ji'i̱ Pablo tsaa yu ca loyuu su cuentya Italia. Lo'o na' nu nscua̱ quityi re, nguta'a̱ na' lo'o ngu' li'. Ngulo ngu' cña ji'i̱ sca capitán ji'i̱ sendaru nu naa Julio cha' tsaa lo'o ji'i̱ Pablo lo'o xa' preso. Julio laca capitán ji'i̱ taju sendaru nu cuentya ji'i̱ Augusto.

LOS HECHOS 28:16

Ndyalaa ya ca quichi̱ tlyu nu naa Roma li', ndyalaa lo'o capitán ji'i̱ lcaa preso bi' slo xu'na chaca latya sendaru nu ndi'i̱ cua̱ cajua. Lo'o li' nda ngu' chacuayá' ji'i̱ Pablo cha' tyi'i̱ yu xa' ni'i̱, masi ña'a̱ ti ndi'i̱ sca sendaru cua̱ ji'i̱ yu lcaa hora.

LOS HECHOS 28:30

Tucua yija̱ ndyanu Pablo ca Roma ne' sca ni'i̱ ngüijña ti. Tso'o ntsu'u tyiquee yu ña'a̱ yu ji'i̱ lcaa ngu' nu ndya'a̱ slo yu,

LOS HECHOS 9:16

Culu'u na' ji'i̱ yu ñi'ya̱ cha' ti'í nu tyacua ji'i̱ yu lo'o ta yu cha' jna' lo'o ñati̱.

ROMANOS 8:36

Ndi'ya̱ nchcui' sca cha' nu nscua lo quityi ji'i̱ ycui' Ndyosi: Xqui'ya ycui' Ndyosi, cua ña'a̱ ca hora ndyujuii ngu' ji'na. Ndyu'ni ngu' lo'o na ñi'ya̱ si laca na xlya', la cui' xlya' nu ndya'a̱ lo'o ngu' ji'i̱ slo ñati̱ nu ndujuii ji'i̱.

1 CORINTIOS 15:10

Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na.

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.

1 CORINTIOS 4:1

Nga'a̱ cha' tyi'u ti' ma̱ cha' cña ji'i̱ ycui' Cristo ndyu'ni ya. Na ndi'ya lo ya cña cha' culu'u ya ji'i̱ ñati̱ lcaa cha' nu cua ngulu'u ycui' Ndyosi ji'i̱ ya; sca cha' nu bilya cuna ñati̱ chalyuu tsiya' ti, bi' laca cha' nu culu'u ya ji'i̱ ngu'.

1 CORINTIOS 4:11

Masi la cui' tyempo juani ti ntsu'u quiya' lo'o ná ndyiji na cacu ya, ná ndyiji na co'o ya, masi late' cusu̱ lacu' ya ntsu'u quiya'; ntyiji'i̱ ngu' ji'i̱ ya, ni ná ntsu'u tyi cua, xcui' na ndya'a̱ yu'u ti ya.

1 CORINTIOS 4:9

Nti' na' cha' cua nguxtyanu ycui' Ndyosi ji'i̱ cuare, masi clyo ngulo Ni cña ji'i̱ ya cha' tsaa ya tyijyu' cha' chcui' ya cha' ji'i̱ Ni; pana nu juani tyanu chu̱' la ya ji'i̱ lcaa ngu' tya'a na, ñi'ya̱ laca preso nu tyiquee' ntajatya cha' cujuii ngu' ji'i̱. Cua laca ya sca cuxe', masi ña'a̱ ñati̱ chalyuu ji'i̱ ya, masi xca̱ nu ntsu'u ji'i̱ ycui' Ndyosi nde cua̱ ña'a̱ ji'i̱ ya.

2 CORINTIOS 10:7

Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

2 CORINTIOS 11:5

Ni si'i na cuxi la laca cha' nu nchcui' na', si'i na tso'o la cha' nu nchcui' nu xa' ñati̱ bi'; nti' ma̱ jua'a̱, masi cua nguñilo'o ngu' ji'i̱ ma̱ lo'o nchcui' ngu' cha' laca ngu' cña ji'i̱ Cristo.

2 CORINTIOS 3:6

Laca bi' sca cha' nu cua nguxana ca ti, sca cña nu ndyu'ni Xtyi'i ycui' Ndyosi laca. Ná laca bi' ñi'ya̱ laca sca cña nu ndacane ti quityi cusu' ji'na cha' cua'ni na. Ndyijii na xqui'ya yabe' nu ntsu'u ji'na xqui'ya cña nu nclyo quityi cusu' bi' ji'na, pana juani ndyiji chalyuu cucui ji'na xqui'ya Xtyi'i ycui' Ndyosi.

2 CORINTIOS 4:11

Cua ña'a̱ ca hora lo'o ndi'i̱ ya chalyuu ntsu'u tsa cha' cuxi nu taca cujuii ji'i̱ ya, cha' quiña'a̱ tsa cha' cuxi ndyacua ji'i̱ ya lcaa se'i̱ su ndya'a̱ ya xqui'ya Jesús. Pana jua'a̱ taca ña'a̱ ngu' cha' tya ndi'i̱ Jesús lo'o ya; bi' cha' laca tya ntsu'u chalyuu ji'i̱ ya, masi quicha ti ti' ya ndya'a̱ ya.

2 CORINTIOS 6:9

Ntsu'u quiya' ndu'ni ngu' cha' ndyuloo ngu' ji'i̱ ya; xa' la quiya', li' ndu'ni ngu' cha' ná nslo ngu' ji'i̱ ya tsiya' ti. Ntsu'u quiya' ndya'a̱ ya su cua cajaa ti ya nchca, pana ña'a̱ ti tya lu'ú ya; nchcube' tsa ngu' ji'i̱ ya, pana ná nchca cujuii ngu' ji'i̱ ya.

GÁLATAS 6:17

Tya tsubi' la, tlyu tsa cña nda ma̱ 'na, cha' ná ndaquiya' ma̱ ji'i̱ cha' nu nchcui' na' lo'o ma̱; bi' cha' juani nga'aa cua'ni ma̱ cha' cusu̱u̱ lo'o na' chaca quiya'. Cua ntsu'u cuayá' nu nscua lo cuaña' na', bi' laca cuayá' su nguxcube' ngu' 'na xqui'ya cha' ndyu'ni na' cña ji'i̱ Jesús.

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

EFESIOS 6:20

Cua ngusubi Ni 'na cha' tsa'a̱ tyijyu', cha' ta na' cha' bi' lo'o ñati̱; bi' cha' laca na' preso juani. Chcui' ma̱ lo'o ycui' Ndyosi cuentya jna' lacua, cha' taca chcui' liñi na' cha' bi' lo'o ñati̱, ñi'ya̱ nu nga'a̱ cha' chcui' na'.

FILIPENSES 1:13

Nga'a̱ na' ne' chcua̱ juani, bi' cha' jlo ti' lcaa ñati̱ nu ndi'i̱ ni'i̱ tlyu ji'i̱ gobierno re, cha' cua ngusu'ba ngu' 'na ne' chcua̱ xqui'ya cha' ndya'a̱ na' lo cña ji'i̱ Cristo; masi lcaa sendaru nu ndi'i̱ ca nde, masi xa' la ñati̱, cua jlo ti' ngu'.

FILIPENSES 2:17

Jlo ti' na' cha' si'i cha' xca ti laca nu ngua'ni ma̱ lo'o ngusñi ma̱ cha' ji'i̱ ycui' Ndyosi; quiña'a̱ tsa na nguxtyanu ma̱, tyu̱u̱ quiya' cua nda ma̱ tyucui ña'a̱ ma̱ cha' caca ma̱ cña ji'i̱ Cristo, xqui'ya cha' cua ngusñi ma̱ cha' ji'i̱ Ni. Lo'o juani lo'o na' ni, cujuii ngu' 'na, nti' na'; chcuna' chalyuu 'na jua'a̱ ti cuentya ji'i̱ cu'ma̱. Pana ná ntsi̱i̱ na'; masi jua'a̱ caca 'na, chaa tsa ti' na' ndi'i̱i̱. Lo'o jua'a̱ nti' na' cha' ca chaa ti' cu'ma̱, cha' stu'ba ti ca chaa ti' na' lo'o cu'ma̱.

COLOSENSES 1:24

Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.

COLOSENSES 1:29

Bi' cha' lye tsa ndyu'ni na' cña cuentya ji'i̱ cha' bi'; nguula tsa cña ndyu'ni na', lo'o jua'a̱ tlyu tsa juersa nda ycui' Cristo 'na cha' tyu'ú ne' cresiya 'na, cha' talo na' cua'ni na' cña bi'.

1 TIMOTEO 4:6

Culu'u nu'u̱ lcaa cha' nu nscua na' lo quityi re ji'i̱ ca ta'a ñati̱ ji'i̱ Jesucristo cajua, cha' caca nu'u̱ sca ñati̱ nu tso'o tsa ndu'ni cña ji'i̱ Jesucristo, Timoteo. Tyi'u tso'o ti' nu'u̱ lcaa cha' liñi nu cua ngusñi nu'u̱, cha' ji'i̱ ycui' Ni; ña'a̱ ti xñi tso'o nu'u̱ tyucui̱i̱ ji'i̱ ycui' nu Xu'na na li', ñi'ya̱ nu ndyu'ni ti nu'u̱.

2 TIMOTEO 1:16

Sca ti yu Onesíforo ni, nguxtyucua tsa yu bi' 'na; ná ngua tyuju'u ti' yu cha' ntsu'u na' ne' chcua̱, pana ndyaa yu ndyaa na'a̱ yu 'na ca bi'. Bi' cha' nti' na' cha' cua'ni tya'na ti' ycui' Ndyosi ji'i̱ yu, lo'o jua'a̱ ji'i̱ lcaa ngu' nu ndi'i̱ slo yu bi'.

2 TIMOTEO 1:8

Ná ca tyuju'u ti' nu'u̱; ta nu'u̱ cha' lo'o ngu', ñi'ya̱ nu ngusñi nu'u̱ cha' ji'i̱ ycui' nu Xu'na na. La cui' ti ná ca tyuju'u ti' nu'u̱ cha' ntsu'u na' ne' chcua̱. Nchcube' ngu' jna' xqui'ya cha' nchcui' na' cha' ji'i̱ ycui' nu Xu'na na, bi' cha' ná quiña'a̱ tsa culacua ti' nu'u̱ si lo'o jinu'u̱ xcube' ngu' cha' nchcui' nu'u̱ cha' tso'o ji'i̱ Jesucristo lo'o ngu'. Ta ycui' Ndyosi juersa ji'na cha' talo na,

2 TIMOTEO 2:9

bi' cha' ndu'ni lya' ti' ngu' 'na juani. Ñi'ya̱ nu nchcube' ngu' ji'i̱ sca ñati̱ cuxi, jua'a̱ ngusca̱' ngu' jna' ne' chcua̱ juani. Ngusu'ba ngu' jna' ne' chcua̱ tu'ni, pana ná nchca ji'i̱ ngu' su'ba yacu̱' ngu' ji'i̱ cha' tso'o ji'i̱ ycui' Ndyosi jua'a̱;

2 TIMOTEO 3:11

masi lye tsa ndyu'ni lya' ti' ngu' 'na, masi quicha ti' na'. Cua jlo ti' nu'u̱ ñi'ya̱ ndalo na' ca quichi̱ Antioquía, ca quichi̱ Iconio, ca quichi̱ Listra, nu lo'o ngua'ni lya' ti' ngu' 'na ca bi'; pana cua ngulo ycui' nu Xu'na na 'na ji'i̱ lcaa cha' cuxi bi'.

HEBREOS 10:34

Lo'o jua'a̱ ndyaa na'a̱ ma̱ ji'i̱ ngu' tya'a ma̱ nu lo'o ntsu'u ngu' bi' ne' chcua̱, nguxtyucua ma̱ ji'i̱ ngu' bi' li'; masi nguaana xa' ñati̱ lcaa cha' tso'o nu ntsu'u ji'i̱ ma̱, ndalo tsa tyiquee ma̱ li'. Tso'o ntsu'u tyiquee ma̱, cha' cua jlo ti' ma̱ cha' tso'o la tsiya' ti laca nu cha' ji'i̱ Jesús nu cua ngusñi ma̱ bi'; jlo ti' ma̱ cha' ná tye chca cha' bi', cha' nu cua ndyuna ma̱ cuentya ji'i̱ Jesús.