2 CORINTIOS 11:18 - Chatino Tataltepec

¹⁸ Pana ná ndube ti' na', chcui' na' xi juani, cha' ntsu'u tsa ngu' nu jua'a̱ nchcui' tsa ngu' cha' caca chi̱ la loo ycui' ca ngu', nti' ngu'; bi' cha' lo'o na' ntsu'u chacuayá' chcui' na' xi, nti' na'.

2 CORINTIOS 11:18 ပူးပေါင်းရင်းမြစ်များ

1 CORINTIOS 4:10

¡Xqui'ya ycui' Cristo tonto tsa ya tu'ni! Lo'o cu'ma̱ ni, nti' ma̱ cha' tso'o tsa jlo ti' ma̱ cha' ji'i̱ Cristo. ¡Xti la cña nchca ji'i̱ cuare, nguula la cña nchca ji'i̱ cu'ma̱ nti' ma̱! ¡Chiya'a̱ la ndu'ni ngu' lo'o cuare tu'ni; chi̱ la ndu'ni ngu' loo cu'ma̱!

2 CORINTIOS 1:17

Pana lo'o ná ya̱a̱ na' slo cu'ma̱ ni, li' ngua ti' ma̱ cha' ná ngulacua tso'o ti' na'. Ná tso'o cha' chcui' ma̱ cha' laca na' sca ñati̱ nu nchcui' tucua ti cha'; nu lo'o ngüiñi tyucui̱i̱ 'na tya clyo, ná nñilo'o na' ji'i̱ ni sca ñati̱.

2 CORINTIOS 11:12

Lo'o jua'a̱ tya cua'ni la na' ña'a̱ nu ndu'ni ti na' juani, cha' jua'a̱ ná caca chcui' lye nu xa' ñati̱ bi' ji'i̱ ya, lo'o ñacui̱ ngu' cha' ndyu'ni ya cña ñi'ya̱ nu ndu'ni ycui' ngu'.

2 CORINTIOS 12:1

Tya nti' cha' chcui' na' la xi cha' ji'i̱ ycui' ca ti na', masi ná tso'o chcui' na' jua'a̱ lo'o xa' ñati̱. Juani ta na' sca cha' lo'o ma̱ ñi'ya̱ nu cua nchcui' xcalá na' tsaca quiya'. Laja xcalá ti na', li' ngulu'uloo ycui' nu Xu'na na 'na, lo'o jua'a̱ nda Ni sca cha' lo'o na' li'.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 12:9

Pana ndi'ya̱ nacui̱ Ni 'na li': “Tsa bi' ti cha' nga'a̱ cha' tyi'u ti' nu'u̱, cha' xcui' cha' tso'o ndu'ni na' lo'o nu'u̱ jua'a̱ ti. Lye la caca cua'ni na' cña xqui'ya nu'u̱, nu lo'o ná quiña'a̱ tsa juersa ntsu'u ji'i̱ ycui' ca nu'u̱”, nacui̱ Ni jna'. Bi' cha' juani tso'o tsa nti' na' masi ná ndyiji juersa 'na, cha' li' taca tyanu juersa ji'i̱ ycui' Cristo ne' cresiya 'na.

2 CORINTIOS 5:16

Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.