2 CORINTIOS 11:14 - Chatino Tataltepec

¹⁴ Ná tlyu cña laca cha' ndu'ni ngu' bi' jua'a̱, cha' lo'o nu xña'a̱ nu naa Satanás taca ji'i̱ ñilo'o ji'i̱ ñati̱, nu lo'o xa' ña'a̱ cua'ni loo yu ña'a̱ cuayá' nu ca ti' ngu' cha' laca yu sca xca̱ nu ndyu'u tucua lo'o xee ji'i̱ ycui' Ndyosi; pana ná chañi laca cha' bi'.

2 CORINTIOS 11:14 ပူးပေါင်းရင်းမြစ်များ

2 CORINTIOS 11:3

ndube tsa ti' na' si quiñu'u̱ chca cresiya ji'i̱ ma̱. Tya sa'ni ni, cua nguñilo'o nu cuaña ji'i̱ Eva, cha' tajua' tsa nchcui' nu xña'a̱ bi'. Pana ná nti' na' cha' quiñu'u̱ cha' ji'i̱ ma̱ lo'o Cristo jua'a̱, ná nti' na' cha' ñilo'o nu xña'a ji'i̱ ma̱ xqui'ya xa' ñati̱; juani tso'o tsa cha' tyucui tyiquee ma̱ cua ngusñi ma̱ cha' ji'i̱ ycui' Cristo.

2 CORINTIOS 2:11

cha' ná caca tyiji̱loo nu xña'a̱ nu naa Satanás ji'na; cua jlo tsa ti' na cha' tajua' tsa nu xña'a̱ bi'.

GÁLATAS 1:8

Pana tlyu tsa qui'ya sta Ni ji'i̱ ñati̱ nu chcui' sca cha' cuiñi lo'o ma̱ ñi'ya̱ nu caca clyaá ma̱ ji'i̱ cha' cuxi, nu culu'u ji'i̱ ma̱ sca cha' nu si'i la cui' cha' liñi laca, nu si'i cha' nu cua nchcui' ya lo'o ma̱ tya clyo. Lo'o cuare, sta ycui' Ndyosi qui'ya ji'i̱ ya si xcutsa'a̱ ya cha' nu cua nda ya lo'o ma̱; masi sca xca̱ nu ngutu'u ca slo ycui' Ndyosi laca nu chcui' cha' cuiñi jua'a̱, xcube' Ni ji'i̱, cha' tlyu tsa qui'ya laca bi'.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.

COLOSENSES 1:12

Lo'o jua'a̱ tya ma̱ xlya'be ji'i̱ ycui' Ndyosi Sti ma̱ nu cua nda chacuayá' cha' tyacua cha' tso'o ji'i̱ ma̱, la cui' ti cha' nu cua nchco'o Ni cha' tyacua ji'i̱ ñati̱ ji'i̱ ycui' Ni, nu lo'o tyalaa ngu' ca su xee tsa ca su ntucua ycui' Ni.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.