2 CORINTIOS 11:12 - Chatino Tataltepec

¹² Lo'o jua'a̱ tya cua'ni la na' ña'a̱ nu ndu'ni ti na' juani, cha' jua'a̱ ná caca chcui' lye nu xa' ñati̱ bi' ji'i̱ ya, lo'o ñacui̱ ngu' cha' ndyu'ni ya cña ñi'ya̱ nu ndu'ni ycui' ngu'.

2 CORINTIOS 11:12 ပူးပေါင်းရင်းမြစ်များ

SAN MATEO 26:16

Lo'o li' nclyana yu ñi'ya̱ caca xtyucua yu ji'i̱ ngu' bi', ni jacua' caca ji'i̱ yu cha' cuaana ti culu'u yu tyucui̱i̱ ji'i̱ ngu', cha' tsaa ngu' su nga'a̱ Jesús.

1 CORINTIOS 5:6

Si'i cha' tso'o ndu'ni ma̱ cha' ndu'ni tyucuaa ti' ma̱ ji'i̱ tya'a ma̱. ¿Ha ná jlo ti' ma̱ ñi'ya̱ ndu'ni scua̱ tiye'? Masi xti ti scua̱ tiye' tyu'u ji'i̱ catyá xlyá, cua'ni bi' cha' tyacui̱ quiña'a̱ scua̱ li'.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

2 CORINTIOS 1:17

Pana lo'o ná ya̱a̱ na' slo cu'ma̱ ni, li' ngua ti' ma̱ cha' ná ngulacua tso'o ti' na'. Ná tso'o cha' chcui' ma̱ cha' laca na' sca ñati̱ nu nchcui' tucua ti cha'; nu lo'o ngüiñi tyucui̱i̱ 'na tya clyo, ná nñilo'o na' ji'i̱ ni sca ñati̱.

2 CORINTIOS 10:17

Si nga'a̱ cha' chcui' na ji'i̱ sca cha', tso'o la chcui' na ji'i̱ sca cña nu ndyu'ni ycui' Ndyosi lacua.

2 CORINTIOS 11:18

Pana ná ndube ti' na', chcui' na' xi juani, cha' ntsu'u tsa ngu' nu jua'a̱ nchcui' tsa ngu' cha' caca chi̱ la loo ycui' ca ngu', nti' ngu'; bi' cha' lo'o na' ntsu'u chacuayá' chcui' na' xi, nti' na'.

2 CORINTIOS 11:9

Tyucui tyempo nu lo'o nguti'i̱ na' lo'o cu'ma̱, nu lo'o lyiji cñi 'na, li' ná ngüijña na' ji'i̱ ma̱ cha' xtyucua ma̱ xi 'na; nu ngu' ca tyi Macedonia, tya'a ngusñi na cha' ji'i̱ Cristo, cua ya̱a̱ ya̱lo'o ngu' bi' lcaa na nu nguliji ti xi 'na. Jua'a̱ ngua'ni na' nu ngua li', cha' ná ta na' quiña'a̱ tsa cña ji'i̱ cu'ma̱, ngua ti' na'. La cui' jua'a̱ tya cua'ni la na' tyempo nde loo la, nti' na'.

2 CORINTIOS 5:12

si'i cha' tyixi ti ya nchcui' tso'o ti ya cha' ji'i̱ ycui' ca ti ya. Ndi'ya̱ nti' ya: caja ñi'ya̱ xtyacui ma̱ cha' lo'o ngu' cuentya ji'i̱ ya, si tso'o ti nti' ma̱ ña'a̱ ma̱ ji'i̱ ya. Ntsu'u ñati̱ ca bi' nu ná ndube ti' ñi'ya̱ ndu'ni ngu' lo'o tya'a ngu', pana ndube la ti' ngu' bi' ñi'ya̱ ndu'ni chi̱ ngu' loo ycui' ca ngu'.

GÁLATAS 1:7

Pana liñi la ñacui̱ na cha' nga'aa ntsu'u xa' la cha' tso'o ji'i̱ Jesucristo nu taca cua'ni lyaá ji'na. Ndi'ya̱ ndyaca cha': Ntsu'u xi ñati̱ nu ndyu'ni cha' quichi̱ yaa cha' hique ma̱; cua nti' tsa ngu' bi', cha' xcutsa'a̱ ngu' ñi'ya̱ ntsu'u cha' ji'i̱ Cristo.

1 TIMOTEO 5:14

Bi' cha' tso'o la si xa' caja clyo'o nu cuna'a̱ cuañi' nu ndyanu ti'i, nti' na'; caja sñi' ngu' li', ña'a̱si̱i̱ ngu' to' tyi ycui' ngu', cha' ná caja ñi'ya̱ nu sta ngu' qui'ya ji'na xqui'ya nu cuna'a̱ bi'.