2 CORINTIOS 10:4 - Chatino Tataltepec4 si'i na nxu̱u̱ tya'a na lo'o ngu' cuxi ñi'ya̱ nu nxu̱u̱ tya'a sca ñati̱ chalyuu. Ycui' Ndyosi ni, nchca tsa ji'i̱ Ni, bi' laca nu stu'ba ti ndu'ni cña lo'o na cha' taca tyiji̱loo na ji'i̱ lcaa cha' cuxi nu nxu̱u̱ lo'o na. အခန်းကိုကြည့်ပါ။ |
2 CORINTIOS 10:4
28 ပူးပေါင်းရင်းမြစ်များ
Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.
Ni sca ti tsu' ya' ma̱, ni sca ti tsu' quiya' ma̱, ná ta ma̱ ji'i̱ cha' jña nu xña'a̱, cha' ná caca ma̱ msu ji'i̱ nu bi', cha' ná cua'ni ma̱ cha' cuxi lo'o. Xa' ña'a̱ culacua ti' ma̱ juani; ta ma̱ tyucui ña'a̱ ma̱ cha' caca ma̱ cuentya ji'i̱ ycui' Ndyosi, ñi'ya̱ laca si ngujuii ma̱ tsaca quiya', lo'o li' xa' ndyu'ú ma̱ chaca quiya'. Bi' cha' juani nga'a̱ cha' ta ma̱ tyucui ña'a̱ ma̱ cha' cua'ni ma̱ cña ji'i̱ ycui' Ndyosi, laja lo'o ndu'ni ma̱ cha' tso'o ca su ndi'i̱ ma̱.
¿Ha ná jlo ti' ma̱ ñi'ya̱ ndu'ni ñati̱ chalyuu cha' tyiji̱ yu'u ji'i̱ ngu' chalyuu? Ñi'ya̱ nti' ngu' sendaru ni, ná ndya'a̱ bi' cusu̱u̱ laja ti, ntsu'u nu nda caya' ji'i̱ ngu'. Lo'o jua'a̱ ñati̱ nu ntsu'u cña ne' quixi̱' ni, ndyiji na cacu ngu' lo na nu ntyaa ngu'; nu ngu' nu ndya'a̱ lo'o scu̱' ñati̱ ni, ndyi'yu ngu' styi' nu ndyu'u ji'i̱ scu̱' ngu'. Bi' cha' ntsu'u chacuayá' ji'i̱ ya cha' caja na nu tyiji̱ yu'u ji'i̱ ya chalyuu. Jua'a̱ ni na' ji'i̱ ngu' bi'.
Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.
Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.
Masi tlyu tsa cha' tso'o nu ntsu'u ne' cresiya ji'na xqui'ya Cristo, pana ñati̱ chalyuu ti laca na, si'i na nguula tsa ti' na ycui' ca na. Ñi'ya̱ laca sca quityu̱' nu ndya' lo'o yuu ti nu xtyi'i ti ncla'a, jua'a̱ ti laca na. Tso'o la jua'a̱, cha' li' taca ca cuayá' ti' na cha' sca ti ycui' Ndyosi laca nu lcaa cña nchca ji'i̱ Ni; nga'aa si'i ycui' ca na nu nchca ji'na.
liñi tsa cha' ji'i̱ ycui' Ndyosi nu nchcui' ya lo'o ñati̱, lo'o jua'a̱ tyucui chacuayá' ji'i̱ ycui' Ndyosi nda Ni nu ndya'a̱ lo'o ya. Bi' cha' nu lo'o ña'a̱ ngu' lcaa cha' nu ndyaca ji'i̱ ya, li' taca ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o. Na cua ngua tso'o cresiya ji'i̱ ya juani cuentya ji'i̱ ycui' Ni, bi' cha' cua ngujui juersa ji'i̱ ya cha' taca xu̱u̱ tya'a ya lo'o nu xña'a̱; jua'a̱ taca cua'a ya ji'i̱ nu bi', cha' ná cua'ni ñu'u̱ nu bi' ji'i̱ ya.
Pana nu na ni, ntsu'u xee ji'i̱ ycui' Ndyosi ne' cresiya' ji'na, bi' cha' tii ti ti' na tyi'i̱ na chalyuu; cua ngusñi na cha' ji'i̱ ycui' Ni, na cua ntsu'u tyiquee na ña'a̱ na ji'i̱ tya'a ñati̱ na xqui'ya Ni, lo'o jua'a̱ nga'a̱ cha' cua'a na ji'i̱ ycui' ca na cha' ná cua'ni na cha' cuxi nu nti' cua'ni ñu'u̱ ji'i̱ cresiya ji'na. Na ndu̱ ti' na ji'i̱ ycui' Ndyosi, ni jacua' tye cuityi̱ Ni ji'i̱ lcaa cha' cuxi nu ntsu'u ji'na, bi' cha' nga'a̱ cha' ña'a̱si̱i̱ na ji'i̱ ycui' ca na.
Culo na' cña jinu'u̱ juani, Timoteo, cha' ñi'ya̱ nti' na' ña'a̱ na' ji'i̱ sca sñi' na', jua'a̱ nti' na' ña'a̱ na' jinu'u̱: Tya cua'ni la nu'u̱ cña ji'i̱ ycui' Ndyosi ñi'ya̱ nu cua nacui̱ ngu' nu laca tu'ba ji'i̱ ycui' Ni cha' cua'ni nu'u̱; tyi'u ti' nu'u̱ cha' nu cua nchcui' ngu' bi' jinu'u̱ tya tsubi' la, cha' caca nguula la ti' tyiquee nu'u̱. Li' ñi'ya̱ caca ji'i̱ sca sendaru tso'o, jua'a̱ taca jinu'u̱ xu̱u̱ tya'a lo'o nu cuxi nu ntsu'u chalyuu;
ကြော်ငြာတွေ