2 CORINTIOS 10:2 - Chatino Tataltepec

² Nu juani tya'na nchcui' na' lo'o ma̱, cha' ná cua'ni lye ma̱ lo'o na', cha' jua'a̱ ná cua'ni tyaala na' lo'o ma̱ chaca quiya' lo'o tyalaa na' ca su ndi'i̱ ma̱. Taca cua'ni tyaala na' lo'o ñati̱ tu'ni, ñati̱ nu cua nñilo'o ji'i̱ ma̱ cha' cuxi tsa cña ndyu'ni ya.

2 CORINTIOS 10:2 ပူးပေါင်းရင်းမြစ်များ

ROMANOS 8:1

Pana juani ni, ndi'ya̱ ngua'ni ycui' Ndyosi: Nga'aa ndyanu yabe' hichu̱' na, si stu'ba ntsu'u cha' ji'na lo'o Jesucristo; nga'aa taca ji'i̱ nu cuxi nu ntsu'u chalyuu cojolaqui ji'na juani, cha' Xtyi'i ycui' Ndyosi laca loo ji'na lo'o ndi'i̱ na nde chalyuu.

ROMANOS 8:4

Lo'o nu juani taca cua'ni na cña nu ngulo Ni ji'na, la cui' cña laca nu nchcui' cha' cusu' bi' cha' cua'ni na; taca cua'ni na ji'i̱ juani, xqui'ya cha' nga'aa caca cojolaqui nu cuxi nu ntsu'u chalyuu ji'na, cha' Xtyi'i ycui' Ndyosi laca loo ji'na lo'o ndi'i̱ na chalyuu juani.

ROMANOS 8:5

Nu lo'o cua'ni na ñi'ya̱ nu ndu'ni ñati̱ chalyuu ti, la cui' cha' cuxi nu ntsu'u ji'i̱ ñati̱ bi', bi' laca loo ne' cresiya ji'na li'; pana si Xtyi'i ycui' Ndyosi laca loo ji'na lo'o ndi'i̱ na chalyuu, li' taca taquiya' na ji'i̱ lcaa cha' nu nchcui' ycui' Ndyosi.

2 CORINTIOS 1:17

Pana lo'o ná ya̱a̱ na' slo cu'ma̱ ni, li' ngua ti' ma̱ cha' ná ngulacua tso'o ti' na'. Ná tso'o cha' chcui' ma̱ cha' laca na' sca ñati̱ nu nchcui' tucua ti cha'; nu lo'o ngüiñi tyucui̱i̱ 'na tya clyo, ná nñilo'o na' ji'i̱ ni sca ñati̱.

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.