2 CORINTIOS 10:1 - Chatino Tataltepec

¹ Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

2 CORINTIOS 10:1 ပူးပေါင်းရင်းမြစ်များ

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN MATEO 21:5

Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”

LOS HECHOS 8:32

Stu'ba ti nchcui' tyucuaa ngu' lo quityi ji'i̱ ycui' Ndyosi nu ntsu'u ya' nu cusu' bi'; la cui' laca' quityi su na'a̱ cui'ya nu cusu' bi', la cui' se'i̱ bi' nchcui' tyucuaa ngu' li'. Ndi'ya̱ nchcui' quityi bi': Tsaa lo'o ngu' ji'i̱ yu cha' cujuii ngu' ji'i̱, ñi'ya̱ si laca yu sca xlya'. Lo'o jua'a̱, ñi'ya̱ ndu'ni xlya' nu ná nxi'ya lo'o nsi'yu ngu' quicha̱' hichu̱' ni', jua'a̱ cua'ni yu nu cala nde loo la; masi cujuii ngu' ji'i̱ yu, ná sca cha' xacui̱ yu ji'i̱ ngu' bi' li'.

ROMANOS 10:20

Lo'o jua'a̱ liñi tsa cha' nu nda jyo'o Isaías nu ngua sa'ni cuentya ji'i̱ ycui' Ndyosi: La cui' ñati̱ nu bilya clyana ngu' cha' 'na, cua ngujui cha' jna' ji'i̱ ngu' juani, nacui̱ Ni. Masi bilya jña ngu' sca cha' tso'o jna', cua nclyu'uloo na' ji'i̱ ngu' bi' juani.

ROMANOS 12:1

Cu'ma̱ ngu' tya'a ntsu'u cha' ji'na lo'o Cristo, xqui'ya cha' lye tsa ndu'ni tya'na ti' Ni ji'na, bi' cha' nchcui' na' lo'o ma̱ juani. Ta ma̱ tyucui ña'a̱ ma̱ ji'i̱ ycui' Ndyosi, cha' cua'ni ma̱ cua ña'a̱ ca cña nu nti' Ni cha' cua'ni ma̱ nde chalyuu; ta ma̱ tyucui ña'a̱ ma̱ ji'i̱ Ni cha' xcui' na tyi'i̱ ma̱ chalyuu cuentya ji'i̱ ycui' Ni, cha' laca ma̱ ñi'ya̱ nti' sca msta̱ lu'ú ti. La cui' jua'a̱ nti' ycui' Ndyosi, cha' laca ma̱ ñati̱ ji'i̱ Ni. Na cua laca ntsu'u cha' cua'ni ma̱ jua'a̱.

ROMANOS 15:15

Cua nscua na' quityi re cha' ca̱a̱ ca su ndi'i̱ ma̱; ná ntsi̱i̱ na' tsiya' ti cha' chcui' na' cha' bi' lo'o ma̱, cha' xñi tso'o la ma̱ cha' bi'. Ntsu'u chacuayá' cha' chcui' na' lo'o ma̱, cha' ycui' Ndyosi cua nda Ni cña bi' 'na, cha' tso'o tsa ndu'ni Ni lo'o na'.

1 CORINTIOS 2:3

Lo'o ndyalaa na' su ndi'i̱ ma̱, nguna'a̱ tya ti' na' ndu̱ na' li'; nchcua̱ tya na' cha' ngulacua tsa ti' na' ni cha' xacui̱ ma̱ 'na li'.

1 CORINTIOS 4:10

¡Xqui'ya ycui' Cristo tonto tsa ya tu'ni! Lo'o cu'ma̱ ni, nti' ma̱ cha' tso'o tsa jlo ti' ma̱ cha' ji'i̱ Cristo. ¡Xti la cña nchca ji'i̱ cuare, nguula la cña nchca ji'i̱ cu'ma̱ nti' ma̱! ¡Chiya'a̱ la ndu'ni ngu' lo'o cuare tu'ni; chi̱ la ndu'ni ngu' loo cu'ma̱!

1 CORINTIOS 4:21

Cua jlo ti' na' cha' tso'o la caca ji'i̱ ma̱ si tso'o ti tyu'u tyiquee na' ña'a̱ na' ji'i̱ ma̱ lo'o tyalaa na' ca slo ma̱; tso'o la si tso'o ti chcui' na' lo'o cu'ma̱ li'. Ná tso'o ca ti' ma̱ si ta na' cha' cusu̱u̱ lo'o ma̱ li'.

2 CORINTIOS 10:10

Nacui̱ ngu': Tonu tsa cha' nu nda nu Pablo bi', tyaala tsa ndu'ni yu lo'o na, nu lo'o ndi'i̱ yu tyijyu'. Nda yu cha' nu lijya̱ ca slo na, nacui̱ ngu' ji'i̱ ma̱, pana ná nchca culo tso'o yu cña ji'na nu lo'o ndi'i̱ yu slo na; ná nduna na tsiya' ti cha' nu nda yu li', nacui̱ ngu' bi' li'.

2 CORINTIOS 10:2

Nu juani tya'na nchcui' na' lo'o ma̱, cha' ná cua'ni lye ma̱ lo'o na', cha' jua'a̱ ná cua'ni tyaala na' lo'o ma̱ chaca quiya' lo'o tyalaa na' ca su ndi'i̱ ma̱. Taca cua'ni tyaala na' lo'o ñati̱ tu'ni, ñati̱ nu cua nñilo'o ji'i̱ ma̱ cha' cuxi tsa cña ndyu'ni ya.

2 CORINTIOS 10:7

Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

2 CORINTIOS 11:30

Laja lo'o nchcui' ti na', tso'o si chcui' na' ji'i̱ lcaa cha' nu ná nda chacuayá' cha' caja juersa jna' su ntucua ycui' ti na'.

2 CORINTIOS 12:5

Pana tso'o si chcui' na' xi lo'o ma̱, cha' jua'a̱ ngua 'na tya li'; ná tso'o chcui' na' xa' la cha' cuentya ji'i̱ ycui' ca na', sca ti si chcui' la na' xi ji'i̱ scaa cha' nu ná nda chacuayá' 'na cha' caja juersa 'na su ntucua na' ycui' ti na'.

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

2 CORINTIOS 5:20

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

2 CORINTIOS 7:4

Tso'o tsa nti' na' lo'o ndyi'u ti' na' ji'i̱ cu'ma̱, la cui' jua'a̱ nti' na' lo'o nchcui' na' cha' ji'i̱ ma̱ lo'o xa' ñati̱. Ña'a̱ ti ndyaca tlyu tyiquee na', ña'a̱ ti chaa ti ti' na' ndi'i̱i̱, masi cua ngua lcaa cha' ti'í bi' ji'i̱ ya.

GÁLATAS 4:13

Cua jlo ti' ma̱ ñi'ya̱ ngua 'na nu lo'o nda na' cha' lo'o ma̱ tya clyo, cha' taca cua'ni lyaá Cristo ji'na; quicha tsa na' nu ngua li', bi' cha' ngua laja 'na cha' ta na' cha' bi' lo'o ma̱.

GÁLATAS 5:2

Cua'a̱ jyaca̱ ma̱ ji'i̱ cha' nu nchcui' na' lo'o ma̱. Pablo laca na' nu nda na' cha' re lo'o ma̱. Ndi'ya̱ nacui̱ na' ji'i̱ ma̱: Nga'aa caca xtyucua Cristo ji'i̱ ma̱ si ta ma̱ chacuayá' cha' si'yu ngu' quiji̱ ma̱ ñi'ya̱ nu ndu'ni ngu' judío cha' culacua̱ ngu'.

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

FILIPENSES 4:5

Xcui' cua'ni tya'na tsa ti' ma̱ lo'o lcaa ñati̱, cha' ca cuayá' ti' ñati̱ cha' jua'a̱ ndu'ni ma̱. Cua ngulala ti ca̱a̱ ycui' nu Xu'na na chaca quiya'.

COLOSENSES 1:23

Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.

2 TESALONICENSES 3:17

Xlyo ni'i̱ ji'i̱ ma̱. Pablo laca na' lo'o ycui' na' nscua na' letra juani, cha' caca cuayá' ti' ma̱ cha' chañi cha' quityi nu nguscua na' lijya̱ slo ma̱ laca quityi re.

FILEMÓN 1:19

tya na' cñi bi' jinu'u̱, bi' cha' nscua na' xtañi na' ca nde ndi'ya̱: Pablo. Ná chcui' na ji'i̱ cha' nu ndacui nu'u̱ jna', masi sca tane' tlyu laca bi', cha' ngujui chalyuu nu ná nga'a̱ cha' tye jinu'u̱ xqui'ya na'.

1 PEDRO 2:11

Cu'ma̱ ngu' tya'a tso'o na, cua nscua cha' tyi'i̱ na ca slo ycui' Ni tyempo ca nde loo la, bi' cha' nga'a̱ cha' tyi'i̱ na chalyuu juani ñi'ya̱ si laca na ngu' tyijyu' nu ná ntsu'u tyi ngu'. Lye tsa chcui' na' lo'o ma̱ juani cha' nga'aa cua'ni ma̱ cua ña'a̱ ca cha' cuxi nu ndijña tyiquee ma̱ cha' cua'ni ma̱; nga'aa taquiya' ma̱ ji'i̱ cha' cuxi bi', cha' jua'a̱ nga'aa caca ji'i̱ nu cha' cuxi bi' cua'ni ñu'u̱ ji'i̱ ma̱.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.