2 CORINTIOS 1:8 - Chatino Tataltepec

⁸ Cu'ma̱ tya'a ngusñi na cha' ji'i̱ Cristo, cua nti' ya cha' caca cuayá' ti' ma̱ ñi'ya̱ ngua lo'o ngujui cha' ti'í ji'i̱ ya ca quichi̱ su ndyaa ya ca loyuu su cuentya Asia, cha' tlyu tsa cha' cuxi nu ndyacua ji'i̱ ya nu ngua li'. Ná jlo ti' ya tsiya' ti ñi'ya̱ caca cha' tyiji̱loo ya ji'i̱ cha' cuxi bi' nquicha'; ngua ti' ya cha' nga'aa tyu'ú ya,

2 CORINTIOS 1:8 ပူးပေါင်းရင်းမြစ်များ

LOS HECHOS 16:6

Lo'o li' ná nda Xtyi'i ycui' Ndyosi chacuayá' ji'i̱ ngu' cha' culu'u ngu' cha' ji'i̱ Jesucristo ca quichi̱ nde loyuu su cuentya Asia, bi' cha' nteje tacui ngu' loyuu su cuentya Frigia, lo'o jua'a̱ loyuu su cuentya Galacia,

LOS HECHOS 19:41

Jua'a̱ nchcui' scaranu lo'o ñati̱ quiña'a̱, lo'o li' ngulo yu cña ji'i̱ ngu' cha' tyaa ngu' to' tyi ngu'. Lo'o jua'a̱ ngua cha' ngua ti̱ cha' bi', ndyaa ngu' li'.

LOS HECHOS 2:9

Quiña'a̱ tsa quichi̱ ndu'u na: laca na ngu' Partia, ngu' Media, ngu' Elam, ngu' Mesopotamia, ngu' Judea, ngu' Capadocia, ngu' Ponto, ngu' loyuu su cuentya Asia,

ROMANOS 1:13

Cu'ma̱ tya'a ngusñi na cha' ji'i̱ Jesús, nti' na' cha' caca cuayá' ti' ma̱ ñi'ya̱ nu ntsu'u tyiquee na' ña'a̱ na' ji'i̱ cu'ma̱. Tyu̱u̱ quiya' ngua ti' na' ca̱a̱ na' ca su ndi'i̱ ma̱, pana hasta juani bilya caja ñi'ya̱ caca nu ca̱a̱ na'. Ñi'ya̱ nu ngua'ni na' ca xa' loyuu chalyuu, jua'a̱ cua nti' na' cha' caca su ndi'i̱ cu'ma̱; nti' na' cha' taquiya' xa' la ñati̱ cha' ji'i̱ Jesús, lo'o jua'a̱ nti' na' cha' tya culu'u la na' cha' bi' ji'i̱ ma̱.

1 CORINTIOS 15:32

Lo'o nguta'a̱ na' ca quichi̱ Efeso, lye tsa ngua'ni lya' ti' ngu' quichi̱ bi' 'na; tyaala tsa ngua'ni ngu' 'na, hasta ngusu̱u̱ tya'a ngu' lo'o na' ñi'ya̱ ndu'ni na'ni tyaala. ¿Ni cha' laca ndya'a̱ na' cajua si ná jlo ti' na' cha' cua ndyu'ú Jesús chaca quiya'? Si'i ngana ndya'a̱ na' cajua. Ntsu'u ñati̱ nu nchcui' ndi'ya̱: “Cacu na tyaja, co'o na lcui, cha' la quee ti cajaa na”, ndu'ni ngu' lo'o na. Jua'a̱ cua'ni na' si ná jlo ti' na' cha' lu'ú Jesús.

1 CORINTIOS 16:9

Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.

1 CORINTIOS 4:8

Ndu'ni ma̱ cha' ndulo tsa cha' ji'i̱ ycui' ma̱, nga'aa ntsu'u na nu lyiji ji'i̱ ma̱ tsiya' ti, nti' ma̱; ndyu'ni ma̱ ñi'ya̱ nu ndu'ni ngu' culiya', ndi'i̱ ma̱ ñi'ya̱ ndi'i̱ nu laca loo chalyuu. Lo'o cuare ni, si'i ñati̱ tlyu laca ya, nti' ma̱. Pana si chañi cha' laca ma̱ loo ji'i̱ ya, ¿ha ná ta ma̱ chacuayá' masi caca stu'ba xi cha' ji'i̱ ya lo'o ma̱ li', cha' lo'o ya caca ya ñati̱ tlyu li'?

2 CORINTIOS 1:9

cha' cua ndyalaa tyempo nu cua cajaa ti ya. Pana jua'a̱ ngua cha' tso'o la jlya ti' ya ji'i̱ sca ti ycui' Ndyosi, cha' nchca ji'i̱ Ni cua'ni Ni cha' tyu'ú ñati̱ chaca quiya' masi cua ngujuii ngu'; bi' cha' nchca ji'i̱ Ni cua'ni lyaá Ni ji'na, si'i na culacua ti' na cha' ycui' ca ti na ntsu'u cha' cua'ni na cha' clyaá na laja cha' cuxi bi'.

2 CORINTIOS 6:9

Ntsu'u quiya' ndu'ni ngu' cha' ndyuloo ngu' ji'i̱ ya; xa' la quiya', li' ndu'ni ngu' cha' ná nslo ngu' ji'i̱ ya tsiya' ti. Ntsu'u quiya' ndya'a̱ ya su cua cajaa ti ya nchca, pana ña'a̱ ti tya lu'ú ya; nchcube' tsa ngu' ji'i̱ ya, pana ná nchca cujuii ngu' ji'i̱ ya.