Tyempo bi' nde quichi̱ Jerusalén ndi'i̱ sca nu cusu' nu naa Simeón; ñati̱ tso'o laca yu, nu ndaquiya' tsa cña ji'i̱ ycui' Ndyosi, nu ndalo tsa tyiquee nchcui' lo'o ycui' Ndyosi. Ntajatya tsa yu ji'i̱ sca ñati̱ tlyu nu ta ycui' Ndyosi ji'i̱ cha' ca̱a̱ nde chalyuu, bi' laca Cristo nu ca̱a̱ cha' cua'ni lyaá ji'i̱ ngu' Israel ji'i̱ nu cuxi. Lo'o jua'a̱ cua ndi'i̱ Xtyi'i ycui' Ndyosi lo'o nu Simeón bi';
2 CORINTIOS 1:5 - Chatino Tataltepec5 Ñi'ya̱ lo'o ngua'ni lya' ti' ñati̱ ji'i̱ Cristo tya sa'ni la, jua'a̱ nda ngu' quiña'a̱ tsa cha' ti'í ji'na juani, nu lo'o nchcui' na cha' ji'i̱ Cristo; pana ña'a̱ ti nxtyucua tsa Cristo ji'na, la cui' hora lo'o nchcube' na. အခန်းကိုကြည့်ပါ။ |
2 CORINTIOS 1:5
13 ပူးပေါင်းရင်းမြစ်များ
Nu lo'o cua laca na sñi' ycui' Ni, lo'o ji'na tyacua lcaa cha' tso'o nu ta Ni li', lcaa ña'a̱ cha' nu cua nda Ni ji'i̱ Cristo; pana si cua nti' na cha' stu'ba ti tyi'i̱ na lo'o Cristo ca su tlyu ca su ntucua Ni, li' ntsu'u cha' talo na lo'o ndyu'ni lya' ti' ngu' ji'na nde chalyuu ti, ñi'ya̱ ndalo ycui' Cristo lo'o ngua'ni lya' ti' ngu' ji'i̱ yu.
Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.
Ná tyiquee' cua nguula la ti' tyiquee ma̱ juani, xqui'ya cha' cua ngusñi ma̱ cha' ji'i̱ Cristo; cua tso'o la nti' ma̱ cha' ntsu'u tsa tyiquee Ni ña'a̱ Ni ji'i̱ ma̱. La cui' ti cha' xqui'ya nu Xtyi'i ycui' Ndyosi stu'ba ti ntsu'u cha' ji'i̱ ma̱ lo'o tya'a ma̱, jua'a̱ lo'o ycui' Ni, ña'a̱ cuayá' nu nchca tya'na ti' ma̱ ña'a̱ ma̱ ji'i̱ tya'a ma̱, ña'a̱ cuayá' nu tso'o ntsu'u tyiquee ma̱ ña'a̱ ma̱ ji'i̱ tya'a ma̱.
Lo'o juani ni, tsa bi' ti cha' nti' na', cha' tyuloo lyiji na' ji'i̱ Cristo, cha' ca tii na' cha' tya ndyu'ni ycui' Ndyosi cña lo'o na' lo'o la cui' tya'a juersa nu cua ntsu'u ji'i̱ Ni lo'o ngua'ni Ni cha' ndyu'ú Jesús chaca quiya'. Ná ndu'ni cha' masi jua'a̱ chcube' na' ñi'ya̱ nu cua nchcube' ycui' Jesús, masi chcuna' chalyuu 'na tsiya' ti ñi'ya̱ lo'o cua ngujuii ycui' Cristo lo crusi.
Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.
Nga'a̱ cha' caca tso'o tyiquee ma̱ lo'o tyi'u ti' ma̱ cha' ñi'ya̱ ngua lya' ti' ngu' ji'i̱ ycui' Cristo, jua'a̱ ca lya' ti' ngu' ji'i̱ cu'ma̱ juani. Tlyu tsa laca Cristo cuentya ji'i̱ ycui' Ndyosi, lye tsa quiji'i̱ xee ji'i̱ Ni lo'o ca̱a̱ ycui' Cristo chaca quiya' nde loo la; li' ca chaa la ti' ma̱, ca tso'o la tyiquee ma̱.
ကြော်ငြာတွေ