2 CORINTIOS 1:18 - Chatino Tataltepec

¹⁸ Cua jlo ti' ycui' Ndyosi cha' ná nchcui' ya tucua cha' lo'o cu'ma̱, ñi'ya̱ si nacui̱ ya cha' jua'a̱ laca, lo'o li' nacui̱ ya cha' si'i jua'a̱. Ná ndu'ni ya jua'a̱,

2 CORINTIOS 1:18 ပူးပေါင်းရင်းမြစ်များ

SAN JUAN 7:28

Bi' cha' cui̱i̱ nchcui' Jesús ca su ndu̱ yu nclyu'u ji'i̱ ngu' ne' laa tonu bi': ―Chañi cha' nslo ma̱ 'na, chañi cha' jlo ti' ma̱ mala ngutu'u na' ―nacui̱―, pana si'i cuentya jna' lijya̱ na' ca nde. Sca ti ycui' Ndyosi nda 'na lijya̱a̱ chalyuu, lo'o jua'a̱ ná nslo ma̱ ji'i̱ nu bi' ―nacui̱―.

SAN JUAN 8:26

Tya quiña'a̱ la cha' taca chcui' na' lo'o ma̱ nquicha' cuentya ji'i̱ qui'ya nu ntsu'u ji'i̱ ma̱; pana liñi tsa cha' nu nda ycui' Ndyosi nu nda 'na lijya̱a̱, lo'o jua'a̱ cua ña'a̱ ca cha' nu nda Ni lo'o na', bi' ti cha' laca nu nda na' lo'o ñati̱ chalyuu.

1 CORINTIOS 1:9

Ycui' Ndyosi ndu'ni cña, lcaa cña nu cua nacui̱ Ni cha' cua'ni Ni; bi' laca nu ngusubi ji'i̱ ma̱ cha' caca stu'ba cha' ji'i̱ ma̱ lo'o Jesucristo nu Xu'na na, nu sca ti Sñi' ycui' Ndyosi.

2 CORINTIOS 1:23

Ná nguta'a̱ na' quichi̱ tyi ma̱ tu'ni, cha' ná nti' na' cha' caca ñasi̱' na' ji'i̱ cu'ma̱. Chañi cha' xqui'ya cha' bi' ti, bi' cha' ná ndya'a̱ na' ca slo ma̱ li'. Cua jlo ti' ycui' Ndyosi cha' bi'. Qui'ya ycui' Ndyosi cresiya 'na si ná chañi cha' nu nchcui' na' re.

2 CORINTIOS 11:31

Ycui' Ndyosi Sti Jesucristo nu Xu'na na ni, tyucui tyempo nga'a̱ cha' cua'ni tlyu na ji'i̱ Ni: la cui' Ni jlo ti' Ni cha' si'i cha' cuiñi laca nu nda na' lo'o cu'ma̱.

2 CORINTIOS 2:17

Si'i ngana ndyu'ni ya lo'o cha' ji'i̱ ycui' Ndyosi bi', si'i na nchcutsa'a̱ ya ji'i̱ lo'o xa' la cha'; tyucui ti' tyiquee ya nchcui' ya lo'o ñati̱ ñi'ya̱ laca si na ndi'i̱ ycui' Ndyosi slo ya, xqui'ya cha' ycui' Ndyosi laca nu ngua'a̱ loo ji'i̱ ya cha' cua'ni ya cña bi' cuentya ji'i̱ Cristo.

2 CORINTIOS 6:8

Ntsu'u quiya' nu ndu'ni chi̱ ngu' loo ya; xa' la tyempo, li' nchcui' ngu' cha' ti'í ji'i̱ ya. Nchcui' ngu' cha' tso'o ji'i̱ ya, lo'o jua'a̱ nchcui' ngu' cha' cuxi ji'i̱ ya. Nchcui' ngu' cha' nu cuiñi tsa ya; xa' la tyempo, li' nchcui' ngu' cha' liñi tsa cha' nu nchcui' ya.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

APOCALIPSIS 3:14

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.

APOCALIPSIS 3:7

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Filadelfia, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi: Xcui' lubii tsa cresiya 'na, xcui' cha' liñi ndu'ni na'. Juani laca na' loo ji'i̱ ñati̱ 'na ñi'ya̱ ngua jyo'o David loo ji'i̱ ngu' tya sa'ni la. Nu lo'o ta na' chacuayá' cha' cua'ni ñati̱ sca cña, ná tucui taca ji'i̱ tacu̱' cha' ji'i̱ ngu' bi' li'; nu lo'o tacu̱' na' cha' ji'i̱ ñati̱ cha' ná cua'ni ngu' sca cña, ná tucui taca ji'i̱ cua'ni cña bi' li'.