2 CORINTIOS 1:11 - Chatino Tataltepec

¹¹ Lo'o jua'a̱ taca xtyucua ma̱ ji'i̱ ya nu lo'o chcui' ma̱ lo'o ycui' Ndyosi cuentya ji'i̱ cuare. Tucuá Ni cha' nu chcui' ma̱ lo'o Ni, cha' tyu̱u̱ tya'a ma̱; li' cua'ni Ni cha' caca tso'o ji'i̱ ya. Lo'o li' tyu̱u̱ tya'a ma̱ taca tya ma̱ xlya'be ji'i̱ ycui' Ndyosi cuentya ji'i̱ ya, nu lo'o cua ngulaá ya ji'i̱ nu cuxi.

2 CORINTIOS 1:11 ပူးပေါင်းရင်းမြစ်များ

LOS HECHOS 12:5

bi' cha' ntsu'u cha' ña'a̱si̱i̱ tso'o sendaru ji'i̱ yu lo'o ntsu'u yu ne' chcua̱. Pana laja li' lye tsa nchcui' tya'a ñati̱ ji'i̱ Jesucristo lo'o ycui' Ndyosi cha' cua'ni lyaá Ni ji'i̱ Pedro.

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

2 CORINTIOS 9:14

Li' chcui' ngu' bi' lo'o ycui' Ndyosi cuentya ji'i̱ ma̱, cha' tso'o tsa ntsu'u tyiquee ngu' ña'a̱ ngu' ji'i̱ ma̱; tyi'u ti' ngu' cha' quiña'a̱ tsa cha' tso'o ndu'ni ycui' Ndyosi lo'o ñati̱ xqui'ya msta̱ nu cua nda ma̱ ji'i̱ ngu' bi'.

FILIPENSES 1:19

Ndu̱ ti' na' cha' yala ti caca tso'o la cha' jna' re, cha' cua jlo ti' na' ñi'ya̱ ndijña tsa ma̱ ji'i̱ ycui' Ndyosi cha' tyu'u na' ne' chcua̱ re, cha' tyu'u na' nde liya'; jlo ti' na' cha' nxtyucua tsa la cui' Xtyi'i ycui' Jesucristo 'na.

COLOSENSES 4:3

La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.

1 TESALONICENSES 5:25

Cu'ma̱ ngu' tya'a na, ña'a̱ ti tya chcui' ma̱ lo'o ycui' Ndyosi cuentya ji'i̱ ya.

2 TESALONICENSES 3:1

Cu'ma̱ tya'a ngusñi na cha' ji'i̱ Jesús, chcui' ma̱ lo'o ycui' Ndyosi cuentya ji'i̱ ya, cha' xtyucua Ni ji'i̱ ya laja lo'o nclyu'u ya cha' ji'i̱ ycui' nu Xu'na na ji'i̱ ngu', cha' ná tacu̱' ngu' lo cua ña'a̱ ca cha' nu nclyu'u ya ji'i̱ ngu'. Ñi'ya̱ lo'o ngusñi ma̱ cha' bi' juani, jua'a̱ nti' ya cha' yala ti xñi tya quiña'a̱ la ñati̱ cha' bi', nde lcaa quichi̱ su nchcui' ya cha' bi'.

FILEMÓN 1:22

Lo'o chaca cha' ni, nduna ycui' Ndyosi cha' lu'ba ti ndijña ma̱ sca cha' cuentya jna', bi' cha' tso'o si cua'ni cho'o ma̱ sca se'i̱ su tyi'i̱ na'; ndu̱ ti' na' cha' laja ti tyu'u na' ne' chcua̱ nde, ca̱a̱ na' ca slo cu'ma̱ li'.

HEBREOS 13:18

Ña'a̱ ti chcui' ma̱ lo'o ycui' Ndyosi cuentya ji'i̱ cuare. Tyucui tyiquee ya jlo ti' ya cha' ni sca cha' cuxi ná ntsu'u ji'i̱ ya nu caca tyuju'u ti' ya ji'i̱. Lcaa tyempo nti' ya cua'ni ya cua ña'a̱ ca cha' nu tso'o la cuentya ji'i̱ ycui' Ndyosi.