2 CORINTIOS 1:1 - Chatino Tataltepec

¹ Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

2 CORINTIOS 1:1 ပူးပေါင်းရင်းမြစ်များ

LOS HECHOS 16:1

Ndyalaa Pablo lo'o Silas ca quichi̱ Derbe, li' ndyalaa ngu' ca quichi̱ Listra. Quichi̱ bi' ndyacua tya'a ngu' lo'o sca yu cuañi' tya'a ngusñi ngu' cha' ji'i̱ Jesucristo nu naa Timoteo. Xtya'a̱ yu laca sca nu cuna'a̱ judío nu ntsu'u cha' ji'i̱ lo'o Jesucristo, pana ngu' griego ngua sti yu.

ROMANOS 16:21

Lo'o Timoteo tya'a ndya'a̱ na' cña, lo'o Lucio, lo'o Jasón, lo'o Sosípater ngu' tya'a quichi̱ tyi na', cua nti' ngu' chcuicha' ngu' ji'i̱ ma̱.

ROMANOS 16:5

Cuati chcuicha' ma̱ ji'i̱ lcaa ñati̱ ji'i̱ Cristo nu ndyu'u ti'i̱ ca toni'i̱ ji'i̱ nu Aquila bi'. Lo'o jua'a̱ chcuicha' ma̱ ji'i̱ Epeneto tya'a tso'o na', ngu' Asia nu clyo ngusñi cha' ji'i̱ Cristo laca yu bi'.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

1 CORINTIOS 16:10

Si tyalaa Timoteo cajua, chcui' tso'o ma̱ lo'o yu, cha' ná ca xñi'i̱ ti' yu laja lo'o tyi'i̱ yu lo'o ma̱. Cuentya ji'i̱ ycui' nu Xu'na na ndya'a̱ yu, la cui' tya'a cña nu ndya'a̱ na'.

1 CORINTIOS 16:15

Cu'ma̱ tya'a ngusñi na cha' ji'i̱ Jesús, cua jlo ti' ma̱ cha' lcaa ngu' tya'a Estéfanas ngusñi ngu' cha' ji'i̱ Jesús clyo; clyo ca ngua ngu' bi' ji'i̱ lcaa cu'ma̱ ngu' quichi̱ nu ndi'i̱ cacua ti nde Acaya. Lcaa tsa̱ ntaja'a̱ ngu' bi' xtyucua ngu' ji'i̱ ñati̱ tya'a ngusñi na cha' ji'i̱ ycui' Ndyosi.

1 CORINTIOS 16:24

Tyi'u ti' ma̱ 'na, cha' ntsu'u tsa tyiquee na' ña'a̱ na' ji'i̱ ma̱ xqui'ya Jesucristo. Jua'a̱ caca cha' lacua.

1 CORINTIOS 6:11

Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.

2 CORINTIOS 1:19

cha' nu Jesucristo bi', nu sca ti Sñi' ycui' Ndyosi ni, si'i tucua cha' ntsu'u tyiquee Ni. Cua nchcui' ya cha' ji'i̱ Ni su ndi'i̱ cu'ma̱, lo'o na', lo'o Silvano, lo'o Timoteo, nchcui' cua cha' ji'i̱ Ni. Ná chcui' Ni cha' si'i jua'a̱ laca sca cha' si cua nchcui' Ni tsaca quiya' cha' jua'a̱ laca cha' bi'. Sca ti Cristo laca nu chañi cha' nchcui' Ni cha' liñi,

2 CORINTIOS 1:23

Ná nguta'a̱ na' quichi̱ tyi ma̱ tu'ni, cha' ná nti' na' cha' caca ñasi̱' na' ji'i̱ cu'ma̱. Chañi cha' xqui'ya cha' bi' ti, bi' cha' ná ndya'a̱ na' ca slo ma̱ li'. Cua jlo ti' ycui' Ndyosi cha' bi'. Qui'ya ycui' Ndyosi cresiya 'na si ná chañi cha' nu nchcui' na' re.

2 CORINTIOS 11:10

Tso'o la nti' na' cha' ndyaca jna' jua'a̱. Bi' cha' juani macala su tya'a̱ na' tyucui loyuu su cuentya Grecia, nga'aa nti' na' cha' ta ngu' caya' 'na; cua jlo ti' ma̱ cha' chañi tsa cha' nu nchcui' na' re, xqui'ya cha' laca na' ñati̱ ji'i̱ Cristo.

2 CORINTIOS 9:2

cha' cua jlo ti' na' cha' tso'o ti nti' ma̱ ña'a̱ ma̱ ji'i̱ ngu'. Lu'ba ti nchcui' na' lo'o ngu' ca tyi re, ca loyuu su cuentya Macedonia re, cha' tso'o tsa ndyu'ni ma̱, cu'ma̱ ngu' ca tyi nde loyuu su cuentya Acaya bi'; ni na' ji'i̱ ngu' cha' yala tsa ti' cu'ma̱, cha' tya yija̱ na ngua'ni cña ti' ma̱ cha' xti'i̱ ma̱ msta̱ bi'. Lo'o nu ngu' Macedonia re ni, cua ngua chaa la ti' tyiquee ngu' lo'o na'a̱ ngu' cha' yala tsa ndyu'ni ma̱ cña.

GÁLATAS 1:1

Pablo laca na' nu nscua̱ quityi re. Cña 'na laca cha' tsa'a na' chcui' na' cha' ji'i̱ Jesucristo lo'o lcaa ñati̱. Si'i ñati̱ chalyuu ti laca nu cua nda cña bi' 'na, si'i ñati̱ laca nu nguane 'na cha' cua'ni na' cña bi'; Jesucristo lo'o ycui' Ndyosi Sti Jesús, bi' laca nu cua nda cña bi' 'na. Ycui' Ndyosi ni, bi' laca nu ngua'ni cha' ndyu'ú Jesús chaca quiya' lo'o ngujuii yu.

GÁLATAS 3:26

Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.

EFESIOS 1:1

Pablo laca na' nu nscua na' quityi re. Ngulo ycui' Ndyosi cña 'na, bi' cha' ndya'a̱ na' nchcui' na' cha' ji'i̱ Jesucristo lo'o ngu' xa' quichi̱ tyijyu' la. Lo'o nu juani nscua na' quityi re cha' ca̱a̱ ca slo cu'ma̱ ngu' Efeso, cha' laca ma̱ ñati̱ ji'i̱ ycui' Ndyosi, cha' tso'o tsa ngusñi ma̱ cha' ji'i̱ Jesucristo.

FILIPENSES 1:1

Pablo lo'o Timoteo laca cuare. Tyucuaa ya ndyu'ni ya cña ji'i̱ Jesucristo, bi' cha' nscua ya quityi re cha' ca̱a̱ ca slo cu'ma̱, cha' tya'a ñati̱ ji'i̱ ycui' Ndyosi laca na. Cua ngusñi na cha' ji'i̱ Jesucristo, bi' cha' laca na ñati̱ ji'i̱ ycui' Ndyosi. La cui' jua'a̱ lo'o quityi re chcui' ya xi lo'o lcaa ngu' cusu' nu laca loo ji'i̱ ña'a̱ taju cu'ma̱, jua'a̱ chcui' ya xi lo'o xa' la ngu' nu laca cña, nu ntsu'u cha' xtyucua ji'i̱ ma̱.

1 TESALONICENSES 1:1

Pablo laca na'. Lo'o Silvano lo'o Timoteo ndi'i̱ ngu' ca nde lo'o na'. Nscua ya quityi re cha' tsaa slo cu'ma̱, ña'a̱ taju ti ma̱ ngu' quichi̱ Tesalónica nu ntsu'u cha' ji'i̱ ma̱ lo'o ycui' Ndyosi Sti na, jua'a̱ ntsu'u cha' ji'i̱ ma̱ lo'o Jesucristo nu Xu'na na. Nti' tsa ya cha' ña'a̱ ti cua'ni ycui' Ndyosi cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱.

2 TESALONICENSES 1:1

Pablo, Silvano, Timoteo naa ya. Nscua ya quityi re cha' tsaa ca slo ña'a̱ taju cu'ma̱ ngu' quichi̱ Tesalónica nu ngusñi cha' ji'i̱ ycui' Ndyosi Sti na, cu'ma̱ nu cua ngusñi cha' ji'i̱ Jesucristo nu Xu'na na.

1 TIMOTEO 1:1

Pablo laca na'. Sca ñati̱ nu ndya'a̱ nchcui' cha' ji'i̱ Jesucristo nde xa' quichi̱ laca na', cha' ycui' Ndyosi nu ndu'ni lyaá ji'i̱ ñati̱ ngulo cña jna' cha' cua'ni na' cña bi'; ngulo Jesucristo cña jna', la cui' nu Cristo nu ndu̱ ti' na ji'i̱ cha' tya̱a̱ Ni chaca quiya'.

2 TIMOTEO 1:1

Pablo laca na'. Cua nda ycui' Ndyosi cña 'na cha' lijya̱ na' tyijyu' ca nde quichi̱ tyi ma̱, cha' ta na' cha' ji'i̱ Jesucristo lo'o ma̱. Nacui̱ Ni cha' ná nga'a̱ cha' tye chalyuu ji'i̱ ñati̱ nu xñi cha' ji'i̱ Jesucristo.

TITO 1:1

Pablo laca na'. Ndya'a̱ na' lo cña ji'i̱ ycui' Ndyosi, lo'o jua'a̱ ngua'a̱ lo Jesucristo cña 'na cha' tsa'a̱ chcui' na' cha' tso'o ji'i̱ Jesús lo'o xa' ñati̱; nga'a̱ cha' chcui' na' lo'o ñati̱ nu cua laca ngusubi ycui' Ndyosi ji'i̱ cha' caca ngu' ñati̱ ji'i̱ ycui' Ni, cha' jlya tso'o la ti' ngu' bi' ji'i̱ Ni li'. Cua nda Jesucristo 'na lijya̱a̱ cha' ca cuayá' ti' ngu' lcaa cha' liñi ji'i̱ Ni, cha' taca cua'ni tlyu lcaa na ji'i̱ ycui' Ndyosi,

FILEMÓN 1:1

Pablo laca na', lo'o juani ntsu'u na' ne' chcua̱ cuentya ji'i̱ Jesucristo. Nscua na' quityi re lo'o Timoteo tya'a na, cha' ta ya cha' lo'o nu'u̱, Filemón, cha' tso'o tsa tya'a tso'o na laca nu'u̱, cha' la cui' tya'a cña ndyu'ni na.

HEBREOS 13:23

Chaca cha' nti' na' chcui̱' lo'o ma̱: Cua ngulaá ngu' ji'i̱ Timoteo, tya'a ndya'a̱ na cña, ca su ngutu'ú yu ne' chcua̱; nu lo'o ca̱a̱ na', ca̱lo'o na' ji'i̱ yu li', si yala ti tyalaa yu slo na'.