1 TIMOTEO 3:3 - Chatino Tataltepec

³ Ná caca yu cña bi' si cu'bi yu, si xu̱u̱ tya'a yu lo'o ñati̱; nga'a̱ cha' talo tyiquee yu ji'i̱ tya'a ñati̱ yu, cha' ná caja tya'a cusu̱u̱ yu. Ná tso'o cha' jña yu cñi ji'i̱ tya'a ñati̱, cha' caca culiya' tsa ycui' ca yu.

1 TIMOTEO 3:3 ပူးပေါင်းရင်းမြစ်များ

SAN MATEO 21:13

―Ndi'ya̱ nscua cha' lo quityi ji'i̱ ycui' Ndyosi cuentya ji'i̱ laa re ―nacui̱ Jesús li'―: “Ni'i̱ su caca chcui' lcaa ñati̱ lo'o ycui' Ndyosi, jua'a̱ ñacui̱ ngu' cha' ji'i̱ ni'i̱ 'na, nacui̱ Ni.” Jua'a̱ nscua lo quityi, pana juani, cua ngua'ni ma̱ cha' to' tyi ngu' cuaana laca ni'i̱ re ―nacui̱ Jesús ji'i̱ ngu' bi'.

LOS HECHOS 20:33

Ná ngua ti' na' xñi na' cñi ji'i̱ ngu'; ni late' nu ta ngu' 'na, ná ntaja'a̱ na' xñi na' ji'i̱.

ROMANOS 16:18

cha' si'i cña ji'i̱ Cristo laca bi', si xa' la cha' nchcui' ngu' lo'o ma̱. Ndu'ni ngu' bi' lcaa cha' cuxi nu nclyacua ti' ycui' ngu' cha' cua'ni ngu'. Lo'o jua'a̱ ndyu'ni ngu' cha' quichi̱ yaa cha' hique ngu' ti'i, cha' tso'o tsa ndañi cha' nu nda ngu', cha' tajua' ti nchcui' ngu'.

EFESIOS 5:18

Ná ca cu'bi ma̱; ndu'ni ñu'u̱ tsa nu xña'a̱ ji'i̱ ñati̱ cha' chcuna' chalyuu ji'i̱ ngu', xqui'ya cha' cu'bi ngu'. Xa' ña'a̱ cua'ni ma̱, cha' xtyucua Xtyi'i ycui' Ndyosi ji'i̱ ma̱ lo'o cua ña'a̱ ca cña nu cua'ni ma̱ chalyuu.

1 TESALONICENSES 5:14

Cu'ma̱ tya'a ngusñi na cha' ji'i̱ Jesús, ndi'ya̱ chcui' ya lo'o ma̱: Culo ma̱ cña ji'i̱ ngu' tya'a ma̱ nu ná nti' cua'ni cña, nu xcui' na taja ti nti' ngu'; cua'ni ma̱ cha' caca tlyu la tyiquee ngu' tya'a ma̱ nu xñi'i̱ ti ti', cha' xñi tso'o la ngu' cha' ji'i̱ Jesús; xtyucua ma̱ ji'i̱ ngu' tya'a ma̱ nu ná ndyiji juersa ji'i̱ cha' xu̱u̱ tya'a ngu' lo'o nu cuxi, jua'a̱ talo tyiquee ma̱ ji'i̱ cua ña'a̱ ca ngu' tya'a ma̱.

1 TIMOTEO 3:8

Lo'o jua'a̱ ñati̱ nu laca cña ji'i̱ ngu' tya'a ngusñi na cha' ji'i̱ Jesús ni, lo'o ngu' bi' ntsu'u cha' cua'ni ngu' xcui' cha' tso'o. Ná tso'o si tucua cha' ntsu'u tyiquee ngu' bi' lo'o ndu'ni ngu' cña bi'; ná tso'o si cu'bi ngu' bi', ni ná tso'o si jña ngu' bi' cñi ji'i̱ tya'a ñati̱ cha' caca culiya' tsa ycui' ca ngu'.

2 TIMOTEO 3:2

Tyempo nde loo la, li' tyi'i̱ tsa ngu' cuxi: masi ngu' nu sca ti cña ji'i̱ ycui' ca ngu' cube ti', masi ngu' nu tyaca'a tsa cñi ji'i̱, masi ngu' nu tyixi tsa cua'ni lo'o tya'a ngu', masi ngu' nu nti' cha' tlyu tsa ycui' ca ngu', masi ngu' nu suba' tsa chcui' ji'i̱ ycui' Ndyosi, masi ngu' nu ná taquiya' ji'i̱ sti ngu', ni ji'i̱ xtya'a̱ ngu', masi ngu' nu ná tya xlya'be ji'i̱ ycui' Ndyosi, ni ji'i̱ tya'a ñati̱ ngu', masi ngu' nu ná tyaja'a̱ cua'ni chi̱ ngu' loo ycui' Ndyosi tsiya' ti,

TITO 1:11

Nga'a̱ cha' tacu̱' ma̱ tu'ba ngu' cuiñi bi', cha' ná tacu̱' ngu' cha' ji'i̱ quiña'a̱ ñati̱, ña'a̱ tya'a nga'a̱ ni'i̱ ti ngu' nu cua ngusñi cha' liñi bi'. Nclyu'u ngu' cuiñi bi' cha' ji'i̱ tya'a na; pana na cuiñi ngu' bi', cha' cua nti' ngu' caja cñi ji'i̱ ngu'.

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

TITO 2:3

Lo'o jua'a̱ culu'u nu'u̱ ji'i̱ ma' cusu' ñi'ya̱ nu nga'a̱ cha' tyi'i̱ ma' cha' cua'ni chi̱ ma' loo ycui' Ndyosi, cha' ná chcui' ma' cuentyu ji'i̱ ñati̱, cha' ná ca cu'bi ma', cha' culu'u ma' xcui' cha' tso'o ji'i̱ tya'a ñati̱ ma'.

TITO 3:2

Ná tso'o chcui' ngu' cuentyu ji'i̱ xa' ñati̱, ni ná tso'o xu̱u̱ tya'a ngu' lo'o ñati̱; ntsu'u cha' cube ti' ngu' ji'i̱ xa' ñati̱, cha' tso'o ti chcui' ngu' lo'o lcaa ñati̱.

HEBREOS 13:5

Ná tyu'u tyiquee ma̱ xcui' cha' ji'i̱ cñi, pana tso'o si tyaala' ji'i̱ ma̱ lo'o tsa ña'a̱ nu ndyiji ti xi ji'i̱ ma̱. Na cua nchcui' Ni lo'o na ndi'ya̱: “Ná culati'i̱ na' ji'i̱ ma̱”, nacui̱ Ni, “ná xtyanu na' ji'i̱ ma̱ jua'a̱ ti”.

SANTIAGO 4:1

¿Ni cha' laca lye tsa nxu̱u̱ tya'a ma̱? ¿Ni cha' laca lya' tsa ti' ma̱ ji'i̱ tya'a ñati̱ ma̱? ¿Ha si'i na ndacui tsa ti' ma̱ ji'i̱ scaa na nu ntsu'u ji'i̱ tya'a ñati̱ ma̱? Ná nchca ji'i̱ ma̱ cha' ti̱ ti tyi'i̱ tyiquee ma̱ lo'o tya'a ma̱ xqui'ya lcaa lo cha' cuxi nu ndiya tsa ti' ma̱ ji'i̱.

1 PEDRO 5:2

Ntsu'u cha' ña'a̱si̱i̱ tso'o ma̱ ji'i̱ lcaa ngu' tya'a ma̱, ña'a̱ taju ngu' tya'a ma̱ ca su laca ma̱ loo ji'i̱ ngu'. Ñi'ya̱ nti' xlya', jua'a̱ laca ngu' bi'; ñi'ya̱ nti' ñati̱ nu ña'a̱si̱i̱ ji'i̱ xlya', jua'a̱ laca na, ngu' cusu' tya'a na. Nga'a̱ cha' xtyucua na ji'i̱ ngu' tya'a na cha' tyanu tachaa la cha' ji'i̱ Cristo tyiquee ngu'. Tyucui tyiquee ma̱ cua'ni ma̱ cña bi', cha' jua'a̱ nti' ycui' Ndyosi cha' cua'ni na; ná tso'o si ntsu'u cha' tatsaa ngu' tya'a ma̱ ji'i̱ ma̱ cha' cua'ni ma̱ cña bi'. Lo'o jua'a̱ ná tso'o si quiña'a̱ tsa caya' xñi ma̱ ji'i̱ ngu' cha' cua'ni ma̱ cña bi', pana tso'o la si tyucui tyiquee ma̱ cua'ni ma̱ cña bi' cuentya ji'i̱ ycui' Ndyosi.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.

JUDAS 1:11

Tya'na tsa nu ngu' cuiñi bi'. Cua ngusñi ngu' tyucui̱i̱ cuxi nu ngulu'u jyo'o Caín ji'i̱ ñati̱; cua ndu'utsu' ngu' ji'i̱ tyucui̱i̱ tso'o cha' caja cñi ji'i̱ ngu' ñi'ya̱ ngua'ni jyo'o Balaam, nu lo'o ngusñi yu caya' cuentya ji'i̱ cña cuxi nu cua cua'ni ti yu nu ngua sa'ni. Ntsu'u cha' cajaa nu ngu' cuiñi bi' tsiya' ti, ñi'ya̱ cua ngujuii jyo'o Coré nu lo'o lye tsa ngusu̱u̱ tya'a yu lo'o ycui' nu Xu'na na.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.