1 TIMOTEO 2:3 - Chatino Tataltepec

³ Jua'a̱ nti' ycui' Ndyosi nu ndu'ni lyaá ji'na; tso'o nti' Ni si jua'a̱ chcui' na lo'o Ni,

1 TIMOTEO 2:3 ပူးပေါင်းရင်းမြစ်များ

SAN LUCAS 1:47

Ca chaa ti' cresiya jna' xqui'ya ycui' Ndyosi nu ngua'ni lyaá jna'.

ROMANOS 14:18

Li' tso'o ntsu'u tyiquee Ni ña'a̱ Ni ji'i̱ ma̱, lo'o jua'a̱ ñati̱ chalyuu cua'ni chi̱ ngu' loo ma̱, si cua'ni ma̱ lcaa ña'a̱ cña nu ngulu'u Cristo ji'na.

FILIPENSES 1:11

Quiña'a̱ tsa cha' tso'o taca cua'ni ma̱ lcaa su ndi'i̱ ma̱ chalyuu xqui'ya Jesucristo, cha' ndyu'ni Cristo cña ne' cresiya ji'i̱ ma̱; bi' cha' taca cua'ni tlyu ma̱ ji'i̱ ycui' Ndyosi, taca cua'ni chi̱ ma̱ loo Ni.

FILIPENSES 4:18

Ndi'ya̱ xacui̱ na' cha' ji'i̱ ma̱ juani: Cua quiña'a̱ tsa na nda ma̱ 'na, bi' cha' cua nti' tsa na' tya na' tsa xlya'be ji'i̱ ma̱; nga'aa ntsu'u chaca na nu lyiji 'na tsiya' ti juani, tya lo'o ya̱a̱ yu Epafrodito, ya̱lo'o yu lcaa cha' tso'o nu cua nda ma̱ 'na. Ñi'ya̱ laca sca msta̱ nu ndiya tsa ti' ycui' Ndyosi ji'i̱, cha' tyixi tsa xtyi'i nda bi' nu ndacui lcua ti se'i̱, jua'a̱ laca cha' tso'o nu nda ma̱ 'na cuentya ji'i̱ ycui' Ndyosi.

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.

1 TIMOTEO 1:1

Pablo laca na'. Sca ñati̱ nu ndya'a̱ nchcui' cha' ji'i̱ Jesucristo nde xa' quichi̱ laca na', cha' ycui' Ndyosi nu ndu'ni lyaá ji'i̱ ñati̱ ngulo cña jna' cha' cua'ni na' cña bi'; ngulo Jesucristo cña jna', la cui' nu Cristo nu ndu̱ ti' na ji'i̱ cha' tya̱a̱ Ni chaca quiya'.

1 TIMOTEO 4:10

Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.

1 TIMOTEO 5:4

Si ntsu'u sñi' nu cuna'a̱ ti'i, masi sca sñi' ste', ntsu'u cha' ña'a̱si̱i̱ ngu' bi' ji'i̱ xtya'a̱ ngu' li'; nga'a̱ cha' ca tsa'a̱ sñi' ngu' cha' ña'a̱si̱i̱ ngu' ji'i̱ ngu' cusu' ji'i̱, ñi'ya̱ lo'o nguna'a̱si̱i̱ ngu' cusu' bi' ji'i̱ sñi' ngu' lo'o ngua cuañi' ngu'. Bi' laca cña nu ndacui ji'i̱ ngu' cuañi' cha' cua'ni ngu' cuentya ji'i̱ ngu' cusu' ji'i̱, cha' tso'o ntsu'u tyiquee ycui' Ndyosi lo'o ña'a̱ Ni ji'i̱ ngu' cuañi' nu ña'a̱si̱i̱ tso'o ji'i̱ ngu' cusu' ji'i̱.

2 TIMOTEO 1:9

cha' ycui' Ndyosi laca nu ngua'ni lyaá ji'na; cua ngusubi Ni ji'na cha' cua'ni na cña nu nti' Ni cha' cua'ni na. Ntaja'a̱ Ni cua'ni lyaá Ni ji'na cha' tso'o tyiquee ti Ni, masi si'i xqui'ya cha' tso'o nu ngua'ni ycui' ca na. Ntsu'u tsa tyiquee Ni ña'a̱ Ni ji'na; jua'a̱ laca cha' nu ngulu'u Jesucristo ji'na, cha' ngua ti' ycui' Ndyosi cua'ni Ni cha' tso'o lo'o na nu lo'o tya lyiji cuiñá Ni chalyuu.

HEBREOS 13:16

La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

1 PEDRO 2:20

Si quiji'i̱ xu'na msu ji'i̱ sca msu ji'i̱ xqui'ya cha' ngua'ni msu bi' sca cha' cuxi, ná sca cha' laca li'; nga'a̱ cha' chcube' msu bi'. Pana cuentya ji'i̱ ycui' Ndyosi, tso'o tsa ndu'ni sca msu si talo tyiquee msu bi' lo'o xcube' xu'na yu ji'i̱ yu laja ti, nu lo'o tso'o tsa ndaquiya' msu bi' ji'i̱ cña ji'i̱ xu'na yu.

1 PEDRO 2:5

cha' lo'o cu'ma̱ caca ma̱ ñi'ya̱ si laca ma̱ tyuu cha' tya' sca ni'i̱ ji'i̱ ycui' Ndyosi, masi ña'a̱ lu'ú ti ma̱. Li' xñi ycui' Ni tyuu bi', cha' cuiñá Ni sca ni'i̱ nu tacati tsa cuentya ji'i̱ ycui' Ni. Chaca cha' ni, ñi'ya̱ nti' sti jo'ó nu lubii cresiya ji'i̱ tsiya' ti, jua'a̱ caca lcaa cu'ma̱, cha' taca ji'i̱ ma̱ sta ma̱ msta̱ slo ycui' Ndyosi juani xqui'ya Jesucristo; nu msta̱ bi' laca ycui' ca ma̱, si chañi cha' tyucui tyiquee ma̱ nti' ma̱ taquiya' ma̱ ji'i̱ cha' nu nchcui' ycui' Ndyosi.