1 TIMOTEO 2:1 - Chatino Tataltepec

¹ Nga'a̱ cha' chcui' na lo'o ycui' Ndyosi cuentya ji'i̱ lcaa ñati̱ chalyuu, nu lo'o jña na cha' ji'i̱ Ni, lcaa cha' nu lyiji ji'i̱ ñati̱; chcui' na cuentya ji'i̱ xa' ñati̱ lo'o nchcui' na lo'o ycui' nu Xu'na na, jua'a̱ lo'o tya na xlya'be ji'i̱ ycui' Ndyosi cuentya ji'i̱ ñati̱.

1 TIMOTEO 2:1 ပူးပေါင်းရင်းမြစ်များ

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

ROMANOS 1:8

Su nguxana ti quityi re, ndyu'ni tlyu na' ji'i̱ ycui' Ndyosi xqui'ya Jesucristo. Tso'o tsa nti' na' cha' cua ngusñi lcaa tya'a ma̱ cha' ji'i̱ Jesús, ca lcaa quichi̱ ndañi cha' jlya ti' ma̱ cha' bi'.

ROMANOS 6:17

Tso'o tsa nti' na' cha' tyucui tyiquee ma̱ ndyu'ni ma̱ cña ji'i̱ ycui' Ndyosi, tsa ña'a̱ cha' nu ngulu'u ngu' ji'i̱ ma̱. Nu cha' cuxi, bi' laca nu ngua loo ji'i̱ ma̱; pana lo'o cua ngulaá ma̱ ji'i̱ nu cuxi bi', li' nguxana ma̱ ndu'ni ma̱ cña cha' caja chaca chalyuu su caca lubii cresiya ji'i̱ ma̱, cha' ycui' Ndyosi laca loo ji'i̱ ma̱ juani.

1 CORINTIOS 15:3

Tya clyo cua ndacha' na' ji'i̱ ma̱ lcaa cha' ji'i̱ Jesucristo nu cua ngulu'u ngu' 'na. Ndi'ya̱ ngulu'u na' ji'i̱ ma̱, cha' ngujuii Cristo lo crusi cha' cuityi̱ Ni qui'ya nu ntsu'u ji'na; la cui' ñi'ya̱ nu cua nscua lo quityi cusu' cha' caca ji'i̱ Cristo, jua'a̱ ngua.

2 CORINTIOS 8:6

Bi' cha' cua nchcui' ya lo'o yu Tito bi', cha' cua'ni lyiji yu cha' xti'i̱ yu msta̱ nu nda cu'ma̱ cha' tso'o ntsu'u tyiquee ma̱, cha' tya tsubi' la cua nguxana nxti'i̱ yu msta̱ bi'.

EFESIOS 3:13

Bi' cha' juani chcui' na' lo'o ma̱ cha' ná ca taja ti' ma̱, cha' ná tya'a̱chu̱' ma̱ ji'i̱ ycui' Ndyosi, masi nchcube' na' xi ca su ndi'i̱ na' re cuentya ji'i̱ cu'ma̱; sca cha' tso'o cuentya ji'i̱ cu'ma̱ laca cha' bi'.

EFESIOS 5:20

Lo'o jua'a̱ cua ña'a̱ ca hora tso'o tya ma̱ xlya'be ji'i̱ ycui' Ndyosi Sti na chacuayá' ji'i̱ Jesucristo nu Xu'na na; tya ma̱ xlya'be ji'i̱ Ni cuentya ji'i̱ lcaa cha' nu ndyaca ji'i̱ ma̱, masi tso'o cha' bi', masi ná tso'o cha' bi'.

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

FILIPENSES 1:3

Lcaa quiya' lo'o ndyi'u ti' na' ji'i̱ cu'ma̱, li' tso'o tsa ntsu'u tyiquee na'; ndya na' xlya'be ji'i̱ ycui' Ndyosi cuentya ji'i̱ lcaa ma̱ li'.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

1 TESALONICENSES 3:12

Lo'o jua'a̱ ndijña ya ji'i̱ nu Xu'na na cha' cua'ni Ni cha' tso'o la tyu'u tyiquee ma̱ ña'a̱ ma̱ ji'i̱ tya'a ma̱, lo'o jua'a̱ ji'i̱ lcaa ñati̱, cha' ntsu'u tsa tyiquee ya ña'a̱ ya ji'i̱ cu'ma̱ xqui'ya ycui' Ndyosi;

2 TESALONICENSES 1:3

Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.

1 TIMOTEO 2:4

cha' nti' Ni cha' cua'ni lyaá Ni ji'i̱ lcaa ñati̱ chalyuu, nti' Ni cha' ca cuayá' ti' lcaa ñati̱ ñi'ya̱ nu ntsu'u cha' liñi ji'i̱ ycui' Ndyosi.

1 TIMOTEO 5:5

Sca ti ji'i̱ ycui' Ndyosi ndu̱ ti' ngu' cuna'a̱ ti'i nu chañi cha' ndyanu ycui' ti ngu'; sca ti ycui' Ni xtyucua Ni ji'i̱ ngu' nti' ngu', bi' cha' nchcui' ngu' lo'o ycui' Ndyosi tsa̱ lo'o talya, ndijña ngu' ji'i̱ Ni na ca nu lyiji ji'i̱ ngu'.

2 TIMOTEO 2:24

Nu ñati̱ nu ndyu'ni cña ji'i̱ ycui' nu Xu'na na ni, ná tso'o si xcui' nxu̱u̱ ti ngu' ndi'i̱ ngu' lo'o tya'a ngu'; ntsu'u cha' chcui' tso'o ti ngu' bi' lo'o lcaa ñati̱. Tso'o si nchca ji'i̱ ngu' bi' culu'u ngu' cha' ji'i̱ ycui' Ndyosi ji'i̱ xa' ñati̱; jua'a̱ ntsu'u cha' talo tyiquee ngu' bi' ji'i̱ ñati̱ nu cua'ni lya' ti' ji'i̱ ngu',

TITO 2:11

Tso'o tsa ndu'ni ycui' Ndyosi lo'o ñati̱ chalyuu cha' cua nti' Ni cha' clyaá ngu' ji'i̱ nu cuxi;

TITO 3:2

Ná tso'o chcui' ngu' cuentyu ji'i̱ xa' ñati̱, ni ná tso'o xu̱u̱ tya'a ngu' lo'o ñati̱; ntsu'u cha' cube ti' ngu' ji'i̱ xa' ñati̱, cha' tso'o ti chcui' ngu' lo'o lcaa ñati̱.

HEBREOS 6:11

Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱.

SANTIAGO 5:16

Bi' cha' lacua, ñii ma̱ ji'i̱ ngu' tya'a ma̱ si ntsu'u qui'ya ji'i̱ ma̱, cuati jña ma̱ cha' clyu ti' ji'i̱ ngu' tya'a ma̱ lo'o ycui' Ndyosi, cha' ca tso'o tyucui ña'a̱ ma̱ chaca quiya'. Quiña'a̱ tsa cña caca ji'i̱ sca ñati̱ nu lubii cresiya ji'i̱ cuentya ji'i̱ ycui' Ndyosi, nu lo'o jña yu sca cha' ji'i̱ Ni.