1 TESALONICENSES 4:9 - Chatino Tataltepec

⁹ Ná nga'a̱ cha' scua la na' lo quityi re cha' tso'o ti tyu'u tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ni; cua laca ntsu'u tsa tyiquee ma̱ ña'a̱ ma̱ ji'i̱ ngu' bi', xqui'ya cha' cua ngulu'u ycui' Ndyosi ji'i̱ ma̱ ñi'ya̱ nu cua'ni ma̱ lo'o tya'a ma̱.

1 TESALONICENSES 4:9 ပူးပေါင်းရင်းမြစ်များ

SAN MATEO 22:39

Lo'o jua'a̱ ntsu'u chaca cha' tlyu: “Ntsu'u cha' cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ma̱”.

SAN JUAN 14:26

Tiya' la li' caca cuayá' la ti' ma̱ lcaa cha', nu lo'o culu'u Xtyi'i ycui' Ndyosi cha' bi' ji'i̱ ma̱ ―nacui̱ Jesús―. Na cua ta ti ycui' Ndyosi Sti na' ji'i̱ Xtyi'i ycui' Ni cha' ca̱a̱ Ni chalyuu cha' xtyucua Ni ji'i̱ ma̱ lcaa hora chacuayá' jna'. Lo'o jua'a̱ cua'ni nu bi' cha' tyi'u ti' ma̱ lcaa cha' nu cua nchcui' na' lo'o ma̱.

LOS HECHOS 4:32

Se'i̱ ti ndi'i̱ lcaa ngu' nu ngusñi cha' ji'i̱ Jesucristo, stu'ba tsa ndu'ni lcaa ngu' bi' lo'o tya'a ngu', sca ti cha' ntsu'u tyiquee lcaa ngu'. Nda ngu' lcaa na nu ntsu'u ji'i̱ ngu' cha' xtyucua ji'i̱ lcaa ngu' lo'o tya'a ngu'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

2 CORINTIOS 9:1

Nga'aa nti' cha' chcui' la na' lo'o cu'ma̱ cuentya ji'i̱ msta̱ nu nxti'i̱ ma̱ cha' xtyucua ji'i̱ ngu' tya'a ma̱ nu ntsu'u cha' ji'i̱ lo'o Cristo,

FILIPENSES 3:15

Tso'o tsa si la cui' jua'a̱ culacua ti' ca ta'a na nu cua ngusñi tso'o na cha' ji'i̱ Jesús; ycui' Ndyosi laca nu culu'u liñi la ji'i̱ ma̱ li', si ntsu'u ngu' tya'a ma̱ nu nclyacua ti' xi xa' la cha'.

1 TESALONICENSES 5:1

Cu'ma̱ tya'a ngusñi na cha' ji'i̱ Jesús, ná ntsu'u cha' scua ya sca quityi cha' cacha' ya ji'i̱ ma̱ ni jacua' tyalaa tsa̱ lo'o ca̱a̱ Jesús chaca quiya', ni jacua' tyalaa tyempo bi';

HEBREOS 10:16

Nde laca cha' cucui nu cua quiñi ti 'na lo'o ngu' chaca quiya', nacui̱ nu Xu'na na: Lo'o tyalaa tyempo bi', li' cua'ni na' cha' tyanu tso'o cha' ne' cresiya ji'i̱ ñati̱ 'na, lcaa cha' ñi'ya̱ nu chcui' na' lo'o ngu' li'; tyucui tyiquee ngu' cua'ni ngu' cña 'na li'.

HEBREOS 13:1

Ña'a̱ ti tyu'u tso'o tyiquee ma̱ ña'a̱ ma̱ ji'i̱ ngu' tya'a ngusñi ma̱ cha' ji'i̱ Cristo, cua'ni ma̱ cha' tso'o lo'o ngu' bi'.

1 PEDRO 3:8

Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.

1 PEDRO 4:8

Nu cha' nu ndulo tsa cha' cua'ni ma̱ ni, bi' laca cha' xcui' tso'o caca tyiquee ma̱ ña'a̱ ma̱ ji'i̱ tya'a ñati̱ ma̱. Lo'o si jua'a̱ nti' na ña'a̱ na ji'i̱ tya'a na, ndyu'ni clyu ti' na ji'i̱ qui'ya nu ntsu'u ji'i̱ tya'a na li'.

2 PEDRO 1:7

Si jua'a̱ nti' ma̱ cha' tyi'i̱ ma̱ chalyuu, li' nga'a̱ cha' cua'ni tyaca'a ma̱ ji'i̱ tya'a ñati̱ ma̱; ntsu'u cha' tso'o ti caca tyiquee ma̱ ña'a̱ ma̱ ji'i̱ lcaa ñati̱.

1 JUAN 2:10

Ñati̱ nu ntsu'u tsa tyiquee ña'a̱ ji'i̱ tya'a ñati̱, bi' laca ñati̱ nu ntsu'u xee ji'i̱ Jesucristo ne' cresiya ji'i̱. Ni sca cha' cuxi ná cua'ni ngu' bi', nu cua'ni cha' tya'a̱chu̱' xa' la ñati̱ ji'i̱ cha' ji'i̱ Jesucristo.

1 JUAN 3:11

Nde nscua la cui' cha' nu cua ndyuna ma̱ lo'o ngusñi ma̱ cha' ji'i̱ Jesús tya clyo: nga'a̱ cha' tyu'u tyiquee na ña'a̱ na ji'i̱ tya'a ñati̱ na.

1 JUAN 3:23

Nde laca cña nu cua nda ycui' Ndyosi cha' cua'ni sa scaa na: nga'a̱ cha' xñi tso'o na cha' ji'i̱ Jesucristo Sñi' ycui' Ni; la cui' jua'a̱ tso'o ti tyu'u tyiquee na ña'a̱ na ji'i̱ tya'a ñati̱ na, ñi'ya̱ nu cua nacui̱ ycui' Ni ji'na.

1 JUAN 4:21

Cua ngulo Ni cña bi' ji'na ndi'ya̱: Tso'o ti tyu'u tyiquee ma̱ ña'a̱ ma̱ ji'i̱ ycui' Ndyosi, lo'o jua'a̱ xcui' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱.