1 TESALONICENSES 4:4 - Chatino Tataltepec

⁴ lcaa cu'ma̱, tso'o caja clyo'o ma̱, pana nga'aa ña'a̱ ma̱ ji'i̱ xa' nu cuna'a̱ li'. Lo'o jua'a̱ tso'o ti tyi'i̱ ma̱ lo'o clyo'o ma̱; tyu'u tyiquee ma̱ ña'a̱ ma̱ ji'i̱ clyo'o ma̱,

1 TESALONICENSES 4:4 ပူးပေါင်းရင်းမြစ်များ

LOS HECHOS 9:15

Nguxacui̱ ycui' nu Xu'na na cha' ji'i̱ Ananías li': ―Ntsu'u cha' tsaa nu'u̱ ca slo nu Saulo bi' ―nacui̱ Ni ji'i̱―. Cua ngusubi na' ji'i̱ yu cha' cua'ni yu cña jna' ―nacui̱ Ni―. Tsaa yu bi' ca slo ngu' xa' loyuu, tsaa yu ca slo nu laca xu'na loyuu tyijyu', lo'o jua'a̱ tsaa yu ca slo tya'a ma̱, nu ngu' Israel bi'. Ta yu cha' jna' lo'o lcaa ñati̱ ca su tya'a̱ yu, bi' laca cña jna' nu cua'ni yu.

ROMANOS 1:24

Bi' cha' cua ngulaya' Ni ji'i̱ ngu' cuxi bi'; juani cua nda Ni tyempo ji'i̱ ngu' cha' caca suba' ngu', cha' cua'ni suba' ngu' lo'o tya'a ngu', sca lo cha' cuxi nu ntyuju'u tsa ti' na cha' chcui' na ji'i̱.

ROMANOS 12:1

Cu'ma̱ ngu' tya'a ntsu'u cha' ji'na lo'o Cristo, xqui'ya cha' lye tsa ndu'ni tya'na ti' Ni ji'na, bi' cha' nchcui' na' lo'o ma̱ juani. Ta ma̱ tyucui ña'a̱ ma̱ ji'i̱ ycui' Ndyosi, cha' cua'ni ma̱ cua ña'a̱ ca cña nu nti' Ni cha' cua'ni ma̱ nde chalyuu; ta ma̱ tyucui ña'a̱ ma̱ ji'i̱ Ni cha' xcui' na tyi'i̱ ma̱ chalyuu cuentya ji'i̱ ycui' Ni, cha' laca ma̱ ñi'ya̱ nti' sca msta̱ lu'ú ti. La cui' jua'a̱ nti' ycui' Ndyosi, cha' laca ma̱ ñati̱ ji'i̱ Ni. Na cua laca ntsu'u cha' cua'ni ma̱ jua'a̱.

ROMANOS 6:19

Jua'a̱ laca cha' nu nda na' lo'o cu'ma̱, cha' caca cuayá' la ti' ma̱ tilaca laca nu laca loo ji'i̱ ma̱. Tya tsubi' la cua nda ma̱ tyucui ña'a̱ ma̱ cha' cua'ni ma̱ cha' suba', cha' cua'ni ma̱ cha' cuxi, lo'o jua'a̱ lye la ndyacua cha' cuxi ji'i̱ ma̱ li'; bi' cha' juani ta ma̱ tyucui ña'a̱ ma̱ cha' xcui' cña tso'o cua'ni ma̱, cha' xcui' cuentya ji'i̱ ycui' Ndyosi tyi'i̱ ma̱ chalyuu.

1 CORINTIOS 6:15

Cristo ca ji'i̱ tyucui ña'a̱ tsaca ma̱ lacua, stu'ba ti ntsu'u cha' ji'i̱ ma̱ lo'o nu xa' la ñati̱ tya'a ngusñi na cha' ji'i̱ Cristo. Lo'o laca na ñati̱ ji'i̱ Cristo ni, ¿ha caca sa'a na ji'i̱ sca nu cuna'a̱ calle ti? Ná tso'o cua'ni na jua'a̱ tsiya' ti.

1 CORINTIOS 7:2

Pana nde chalyuu su ndi'i̱ na, ntsu'u tsa cha' suba' nu ndu'ni ngu' lo'o ngu' cuna'a̱; bi' cha' ni na' ji'i̱ ma̱ cha' tso'o la si lcaa ñati̱ caja clyo'o ngu', caja sca nu cuna'a̱ ji'i̱ sca nu qui'yu, lo'o jua'a̱ nu cuna'a̱ caja qui'yu ji'i̱.

1 CORINTIOS 7:9

Sca ti si ná talo ma̱ tyi'i̱ ma̱ jua'a̱ ti, tso'o la si caja clyo'o ma̱ li', cha' ná tso'o si quiñu'u̱ ti' na cha' xcui' ndijña tyiquee na ji'i̱ ñati̱ nu caca clyo'o na.

2 CORINTIOS 4:7

Masi tlyu tsa cha' tso'o nu ntsu'u ne' cresiya ji'na xqui'ya Cristo, pana ñati̱ chalyuu ti laca na, si'i na nguula tsa ti' na ycui' ca na. Ñi'ya̱ laca sca quityu̱' nu ndya' lo'o yuu ti nu xtyi'i ti ncla'a, jua'a̱ ti laca na. Tso'o la jua'a̱, cha' li' taca ca cuayá' ti' na cha' sca ti ycui' Ndyosi laca nu lcaa cña nchca ji'i̱ Ni; nga'aa si'i ycui' ca na nu nchca ji'na.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

HEBREOS 13:4

Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.

1 PEDRO 3:7

Lo'o jua'a̱ cu'ma̱ ngu' qui'yu ni, tso'o ti tyi'i̱ ma̱ lo'o clyo'o ma̱, cua'ni tyaca'a ma̱ ji'i̱ clyo'o ma̱; masi xtyi la juersa ntsu'u ji'i̱ nu cuna'a̱, pana stu'ba ti laca tyucuaa ma̱ cuentya ji'i̱ ycui' Ndyosi, cha' cua nda Ni chalyuu nu ná nga'a̱ cha' tye ji'i̱ tyucuaa ma̱. Si cua'ni ma̱ tso'o jua'a̱, tso'o ti tyi'i̱ ma̱ to' tyi ma̱; li' ná caja sca cha' cuxi nu cua'a ji'i̱ ma̱, nu cua'ni cha' ná chcui' ma̱ lo'o ycui' Ndyosi.