1 TESALONICENSES 3:9 - Chatino Tataltepec

⁹ Ná nchca tye cha' tya ya xlya'be ji'i̱ ycui' Ndyosi Sti na xqui'ya cu'ma̱, cha' tso'o tsa ntsu'u tyiquee ya xqui'ya cu'ma̱.

1 TESALONICENSES 3:9 ပူးပေါင်းရင်းမြစ်များ

2 CORINTIOS 2:14

Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.

2 CORINTIOS 9:15

Tso'o tsa laca si tya na xlya'be ji'i̱ ycui' Ndyosi lacua, cha' tlyu tsa cha' tso'o laca nu cua nda Ni ji'na, ni nga'aa nchca ca cuayá' ti' na cha' bi'.

1 TESALONICENSES 2:19

Tso'o tsa ntsu'u tyiquee ya xqui'ya cu'ma̱, cha' lo'o cu'ma̱ nscua cha' tyatu̱ ma̱ lo'o ya slo Jesucristo nu Xu'na na lo'o tya̱a̱ Jesús nde chalyuu chaca quiya'. Li' tso'o tsa caca tyiquee Ni ña'a̱ Ni ji'i̱ ya, xqui'ya cha' tso'o tsa ngusñi ma̱ cha' ji'i̱ Ni nu cua nchcui' ya lo'o ma̱.