1 TESALONICENSES 2:2 - Chatino Tataltepec

² Cua ngua'ni ycui' Ndyosi cha' tlyu tyiquee ya, cha' ngulu'u ya cha' tso'o nu ntsu'u ji'i̱ ycui' Ndyosi ji'i̱ ma̱ lo'o ngulaa ya slo cu'ma̱, masi lya' tsa ti' ngu' ji'i̱ ya tya tsubi' la ca quichi̱ Filipos. Jlo ti' ma̱ cha' cuxi tsa ngua'ni ngu' bi' lo'o ya li', lo'o jua'a̱ ntsu'u ngu' quichi̱ tyi ma̱ nu cuxi nti' ña'a̱ ngu' ji'i̱ ya.

1 TESALONICENSES 2:2 ပူးပေါင်းရင်းမြစ်များ

LOS HECHOS 14:3

Tyiquee' xi ndyanu Pablo lo'o Bernabé quichi̱ bi', cha' ná ndyutsi̱i̱ ngu' culu'u ngu' cha' ji'i̱ nu Xu'na na ji'i̱ ngu' quichi̱ bi'. Lo'o jua'a̱ ngua'ni Pablo lo'o Bernabé cña tonu chacuayá' ji'i̱ ycui' Ndyosi, bi' cha' ngua ji'i̱ ngu' quichi̱ ta ngu' cuentya cha' xcui' cha' liñi nclyu'u ngu' bi' ji'i̱ ngu'.

LOS HECHOS 14:5

Li' ngüiñi cha' ji'i̱ ngu' judío bi' lo'o xa' ñati̱ tya'a quichi̱ tyi ngu', lo'o nu laca loo ji'i̱ quichi̱, cha' cua'ni cuxi ngu' lo'o Pablo lo'o tya'a ndya'a̱ yu; nti' ngu' cu̱ ngu' quee ji'i̱ ngu' bi'.

LOS HECHOS 16:12

Ca bi' ngusñi ya tyucui̱i̱ ndyaa ya nde quichi̱ Filipos, quichi̱ nu laca loo ji'i̱ lcaa quichi̱ loyuu su cuentya Macedonia laca quichi̱ Filipos bi'. (Lo'o nguxana ti quichi̱ bi', ngüiñá ngu' romano ji'i̱.) Lo'o li' ndyanu ya tyu̱u̱ tsa̱ quichi̱ bi'.

LOS HECHOS 16:19

Tyaala tsa ngu' nu laca xu'na nu cuna'a̱ bi'. Hora ti ngusñi xu'na bi' ji'i̱ Pablo lo'o ji'i̱ Silas, ndyaa lo'o xu'na bi' ji'i̱ ngu' slo ngu' nu laca loo ji'i̱ quichi̱, cha' nda xu'na nu cuna'a̱ bi' cuentya cha' nga'aa caca cua'ni ngu' ngana lo'o nu cuna'a̱ bi' si nga'aa ntsu'u cui'i̱ cuxi ji'i̱.

LOS HECHOS 16:37

―Ná tso'o ―nacui̱ Pablo ji'i̱ policía―. Cua na'a̱ lcaa ngu' quichi̱ re nu lo'o ngujui'i̱ yaca ngu' ji'i̱ ya, masi ngu' romano laca cuare. Bilya ca cuayá' ji'i̱ ya lo'o ngusu'ba ngu' ji'i̱ ya ne' chcua̱ re ―nacui̱―. Lo'o juani nti' ngu' cha' culaá ngu' ji'i̱ ya cuaana ti. Si'i jua'a̱ nga'a̱ cha' caca. Tso'o la ca̱a̱ ycui' ngu' cha' culaá ngu' ji'i̱ ya.

LOS HECHOS 17:1

Ndyaa Pablo lo'o Silas tyucui̱i̱ nde Tesalónica. Clyo nteje tacui ngu' quichi̱ Anfípolis, li' nteje tacui ngu' quichi̱ Apolonia, lo'o li' ndyalaa ngu' nde quichi̱ Tesalónica. Ntucua sca laa ji'i̱ ngu' judío quichi̱ bi',

LOS HECHOS 17:17

bi' cha' nchcui' yu lo'o ngu' ca ne' laa ji'i̱ ngu' judío bi', nchcui' yu lo'o ngu' judío, jua'a̱ lo'o ngu' xa' tsu' nu ndu'ni tlyu ji'i̱ ycui' Ndyosi cajua, lo'o jua'a̱ nchcui' yu lo'o lcaa ngu' nu ndi'i̱ lo caya'. Lcaa tsa̱ nclyu'u yu ji'i̱ ngu' quichi̱ bi'.

LOS HECHOS 19:8

Lo'o li' ndyaa Pablo ne' laa ji'i̱ ngu' judío cha' chcui' yu cha' ji'i̱ ycui' Ndyosi lo'o ngu', cha' culu'u yu ji'i̱ ngu' ñi'ya̱ nclyo ycui' Ni cña. Ndya'a sna co' nu ngua'ni yu jua'a̱.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

LOS HECHOS 4:20

Tso'o la nti' ya cha' cua'ni ya cña nu ngulo ycui' Ndyosi ji'i̱ ya; bi' cha' ná tye chca cha' chcui' ya lo'o ñati̱, lcaa cha' nu cua na'a̱ ya ji'i̱ Jesús, lo'o lcaa cha' nu cua ndyuna ya, cha' nu nchcui' yu lo'o ya.

LOS HECHOS 4:31

Lo'o cua ndye cha' nchcui' ngu' lo'o ycui' Ndyosi, li' ngüiña ni'i̱ su nga'a̱ ngu' bi'. La cui' hora jlo ti' ngu' cha' chañi cha' ndyanu Xtyi'i ycui' Ndyosi ne' cresiya ji'i̱ lcaa ngu' bi' li', bi' cha' nga'aa ndyutsi̱i̱ ngu' lo'o nda ngu' cha' ji'i̱ ycui' Ndyosi lo'o xa' ñati̱.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

COLOSENSES 2:1

Ta na' sca cha' lo'o ma̱, cha' caca cuayá' ti' ma̱ cha' lye tsa ngua'ni na' cña cuentya ji'i̱ ma̱, lo'o jua'a̱ cuentya ji'i̱ ngu' quichi̱ Laodicea, lo'o jua'a̱ cuentya ji'i̱ tyu̱u̱ tya'a ngu', masi tya lyiji tyuloo ngu' 'na.

1 TESALONICENSES 1:5

xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

JUDAS 1:3

Cu'ma̱ ngu' tya'a tso'o na nu tyaca'a tsa ma̱ 'na, nti' tsa na' scua na' quityi cha' tsaa ca slo ma̱, sca quityi nu chcui' ji'i̱ cha' tlyu nu ngua'ni Jesús cha' taca clyaá na ji'i̱ nu cuxi; pana ná ngua scua na' ji'i̱ yala ti. Lo'o nu juani nga'a̱ cha' scua na' quityi re cha' tsaa ca slo ma̱, cha' ta na' sca cui̱i̱ lo'o ma̱; nga'a̱ cha' cua'a ma̱ ji'i̱ cua ña'a̱ ca ngu' cuiñi, xqui'ya cha' ná jlya ti' ngu' ji'i̱ cha' liñi nu cua nda ycui' Ndyosi nu Xu'na na lo'o na, lcaa na nu ntsu'u cha' ji'na lo'o Jesucristo. Ná cua'a̱ jyaca̱ ma̱ tsiya' ti ji'i̱ cha' nu nchcui' ngu' cuiñi bi'.