1 TESALONICENSES 1:2 - Chatino Tataltepec

² Lcaa quiya' lo'o nchcui' ya lo'o ycui' Ndyosi cuentya ji'i̱ cu'ma̱, ndya ya xlya'be ji'i̱ ycui' Ni li'.

1 TESALONICENSES 1:2 ပူးပေါင်းရင်းမြစ်များ

ROMANOS 6:17

Tso'o tsa nti' na' cha' tyucui tyiquee ma̱ ndyu'ni ma̱ cña ji'i̱ ycui' Ndyosi, tsa ña'a̱ cha' nu ngulu'u ngu' ji'i̱ ma̱. Nu cha' cuxi, bi' laca nu ngua loo ji'i̱ ma̱; pana lo'o cua ngulaá ma̱ ji'i̱ nu cuxi bi', li' nguxana ma̱ ndu'ni ma̱ cña cha' caja chaca chalyuu su caca lubii cresiya ji'i̱ ma̱, cha' ycui' Ndyosi laca loo ji'i̱ ma̱ juani.

1 CORINTIOS 1:4

Lcaa tsa̱ nda na' xlya'be ji'i̱ ycui' Ndyosi xqui'ya cu'ma̱, cha' cua nda Ni cha' tso'o lo'o ma̱ xqui'ya Jesucristo.

COLOSENSES 1:3

Nu lo'o nchcui' ya lo'o ycui' Ndyosi Sti Jesucristo nu Xu'na na cuentya ji'i̱ cu'ma̱, lu'ba ti ndya ya xlya'be ji'i̱ ycui' Ndyosi xqui'ya cu'ma̱.

1 TESALONICENSES 2:13

Lo'o jua'a̱ lcaa hora ndya ya xlya'be ji'i̱ ycui' Ndyosi cuentya ji'i̱ ma̱, xqui'ya cha' nu lo'o ndyuna ma̱ cha' tso'o ji'i̱ ycui' Ndyosi, la cui' cha' nu cua nda ya lo'o ma̱, li' jlya ti' ma̱ cha' bi'. Ngua cuayá' ti' ma̱ cha' laca cha' bi' nu cha' liñi ji'i̱ ycui' Ndyosi, si'i cha' ngua'ya hique sca ñati̱ ti; ngusñi ma̱ cha' bi' li', bi' cha' ndyu'ni ycui' Ndyosi cña ne' cresiya ji'i̱ ma̱.

1 TESALONICENSES 3:9

Ná nchca tye cha' tya ya xlya'be ji'i̱ ycui' Ndyosi Sti na xqui'ya cu'ma̱, cha' tso'o tsa ntsu'u tyiquee ya xqui'ya cu'ma̱.

2 TESALONICENSES 1:3

Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.

FILEMÓN 1:4

Ndya na' xlya'be ji'i̱ ycui' Ndyosi cuentya jinu'u̱, Filemón, lcaa quiya' lo'o nchcui' na' lo'o ycui' Ndyosi.