1 PEDRO 5:2 - Chatino Tataltepec

² Ntsu'u cha' ña'a̱si̱i̱ tso'o ma̱ ji'i̱ lcaa ngu' tya'a ma̱, ña'a̱ taju ngu' tya'a ma̱ ca su laca ma̱ loo ji'i̱ ngu'. Ñi'ya̱ nti' xlya', jua'a̱ laca ngu' bi'; ñi'ya̱ nti' ñati̱ nu ña'a̱si̱i̱ ji'i̱ xlya', jua'a̱ laca na, ngu' cusu' tya'a na. Nga'a̱ cha' xtyucua na ji'i̱ ngu' tya'a na cha' tyanu tachaa la cha' ji'i̱ Cristo tyiquee ngu'. Tyucui tyiquee ma̱ cua'ni ma̱ cña bi', cha' jua'a̱ nti' ycui' Ndyosi cha' cua'ni na; ná tso'o si ntsu'u cha' tatsaa ngu' tya'a ma̱ ji'i̱ ma̱ cha' cua'ni ma̱ cña bi'. Lo'o jua'a̱ ná tso'o si quiña'a̱ tsa caya' xñi ma̱ ji'i̱ ngu' cha' cua'ni ma̱ cña bi', pana tso'o la si tyucui tyiquee ma̱ cua'ni ma̱ cña bi' cuentya ji'i̱ ycui' Ndyosi.

1 PEDRO 5:2 ပူးပေါင်းရင်းမြစ်များ

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

LOS HECHOS 20:29

Jlo ti' na' cha' nu lo'o nga'aa ndya'a̱ na' ca nde, li' ca̱a̱ ñati̱ cuiñi cha' cua'ni ñu'u̱ ji'i̱ taju ñati̱ tya'a ma̱; ñi'ya̱ ndu'ni tyaala bo'o ji'i̱ sca taju xlya', jua'a̱ cua'ni ñu'u̱ nu ngu' cuiñi bi' ji'i̱ taju ñati̱ tya'a ndya'a̱ ma̱.

LOS HECHOS 21:13

―¿Ni cha' laca nxi'ya ma̱? ―nacui̱ Pablo ji'i̱ ya li'―. ¿Ni cha' laca ndyu'ni ma̱ cha' ca xñi'i̱ ti' na'? ―nacui̱―. Cua laca cha' tsa'a̱ ca Jerusalén; tyaja'a̱ na' tsa'a̱, masi lo'o sca̱' ngu' jna', masi lo'o cujuii ngu' jna' cajua xqui'ya Jesucristo nu Xu'na na.

ROMANOS 1:15

Bi' cha' nti' na' tsa'a̱ cha' chcui' na' cha' tso'o ji'i̱ ycui' Ndyosi lo'o cu'ma̱ ngu' Roma, ñi'ya̱ lo'o cua nda na' cha' bi' lo'o xa' ñati̱.

1 CORINTIOS 9:7

¿Ha ná jlo ti' ma̱ ñi'ya̱ ndu'ni ñati̱ chalyuu cha' tyiji̱ yu'u ji'i̱ ngu' chalyuu? Ñi'ya̱ nti' ngu' sendaru ni, ná ndya'a̱ bi' cusu̱u̱ laja ti, ntsu'u nu nda caya' ji'i̱ ngu'. Lo'o jua'a̱ ñati̱ nu ntsu'u cña ne' quixi̱' ni, ndyiji na cacu ngu' lo na nu ntyaa ngu'; nu ngu' nu ndya'a̱ lo'o scu̱' ñati̱ ni, ndyi'yu ngu' styi' nu ndyu'u ji'i̱ scu̱' ngu'. Bi' cha' ntsu'u chacuayá' ji'i̱ ya cha' caja na nu tyiji̱ yu'u ji'i̱ ya chalyuu. Jua'a̱ ni na' ji'i̱ ngu' bi'.

1 TIMOTEO 3:3

Ná caca yu cña bi' si cu'bi yu, si xu̱u̱ tya'a yu lo'o ñati̱; nga'a̱ cha' talo tyiquee yu ji'i̱ tya'a ñati̱ yu, cha' ná caja tya'a cusu̱u̱ yu. Ná tso'o cha' jña yu cñi ji'i̱ tya'a ñati̱, cha' caca culiya' tsa ycui' ca yu.

1 TIMOTEO 3:8

Lo'o jua'a̱ ñati̱ nu laca cña ji'i̱ ngu' tya'a ngusñi na cha' ji'i̱ Jesús ni, lo'o ngu' bi' ntsu'u cha' cua'ni ngu' xcui' cha' tso'o. Ná tso'o si tucua cha' ntsu'u tyiquee ngu' bi' lo'o ndu'ni ngu' cña bi'; ná tso'o si cu'bi ngu' bi', ni ná tso'o si jña ngu' bi' cñi ji'i̱ tya'a ñati̱ cha' caca culiya' tsa ycui' ca ngu'.

TITO 1:11

Nga'a̱ cha' tacu̱' ma̱ tu'ba ngu' cuiñi bi', cha' ná tacu̱' ngu' cha' ji'i̱ quiña'a̱ ñati̱, ña'a̱ tya'a nga'a̱ ni'i̱ ti ngu' nu cua ngusñi cha' liñi bi'. Nclyu'u ngu' cuiñi bi' cha' ji'i̱ tya'a na; pana na cuiñi ngu' bi', cha' cua nti' ngu' caja cñi ji'i̱ ngu'.

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

TITO 3:1

Culu'u nu'u̱ ji'i̱ ngu' cha' taquiya' ngu' ji'i̱ lcaa ngu' nu laca loo, ji'i̱ lcaa ngu' tisiya; nga'a̱ cha' cua'ni ngu' lcaa lo cña tso'o nu culo ngu' bi' ji'i̱ ngu' cha' cua'ni ngu'.

FILEMÓN 1:14

Pana nti' na' quiñi cha' 'na lo'o nu'u̱ clyo, Filemón. Tso'o tsa tyiquee nu'u̱, lo'o nti' na' cha' cua'ni nu'u̱ lo'o yu ñi'ya̱ nu nti' ycui' nu'u̱; ná nti' na' culo na' cña jinu'u̱ cha' tyanu yu lo'o na'.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.