1 PEDRO 5:13 - Chatino Tataltepec

¹³ Ña'a̱ tsaca taju ñati̱ ji'i̱ Jesucristo nde Babilonia re nda ngu' xlyo ni'i̱ ji'i̱ ma̱. Ngu' tya'a na laca ngu' bi', cha' lo'o tyucui taju ngu' bi', ngusubi ycui' Ndyosi ji'i̱ ngu' cha' caca ngu' ñati̱ ji'i̱ Ni. “Xlyo ni'i̱”, nacui̱ Marcos ji'i̱ cu'ma̱, nu Marcos nu laca ñi'ya̱ nti' sca sñi' na'.

1 PEDRO 5:13 ပူးပေါင်းရင်းမြစ်များ

LOS HECHOS 12:12

Ngulacua tsa ti' Pedro su ndu̱ ycui' ti yu. Nu lo'o ngua cuayá' ti' yu, li' ndyaa yu ca slo María xtya'a̱ Juan Marcos. Ca ni'i̱ bi' ndyu'u ti'i̱ tyu̱u̱ tya'a ñati̱ ji'i̱ Jesús, nchcui' ngu' lo'o ycui' Ndyosi.

LOS HECHOS 12:25

Nu lo'o cua ndye cña ji'i̱ Bernabé lo'o Saulo ca quichi̱ Jerusalén, li' nguxtyu̱u̱ ngu' ñaa ngu' nde quichi̱ Antioquía chaca quiya'. Ñaa lo'o ngu' ji'i̱ Juan, la cui' nu naa Juan Marcos.

LOS HECHOS 15:37

Ngua ti' Bernabé cha' lo'o Juan tsaa Juan lo'o ngu', la cui' nu Juan Marcos bi'.

LOS HECHOS 15:39

Ná stu'ba ntsu'u tyiquee Pablo lo'o Bernabé li', nga'aa ndya'a̱ ngu' stu'ba ti; bi' cha' ndyaa Bernabé ndyatí̱ ne' yaca ni'i̱ cha' tsaa ca loyuu Chipre chaca quiya'; lo'o nu Marcos bi' ndyaa lo'o Bernabé li'.

COLOSENSES 4:10

Aristarco tya'a ntsu'u na' ne' chcua̱, lo'o yu nda yu xlyo ni'i̱ ji'i̱ ma̱; la cui' jua'a̱ cha' nda Marcos tya'a Bernabé. (Tya tsubi' la cua nda na' sca cha' nu ndyaa ca slo cu'ma̱ cuentya ji'i̱ nu Marcos bi', cha' tso'o ti chcui' ma̱ lo'o yu nu lo'o tyalaa yu slo ma̱).

FILEMÓN 1:24

Lo'o jua'a̱ Marcos, lo'o Aristarco, lo'o Demas, lo'o Lucas, ca ta'a ngu' ndyi'u ti' ngu' jinu'u̱. Nxtyucua tsa ngu' bi' 'na lo'o cña ji'i̱ ycui' Ndyosi ca nde.

2 JUAN 1:1

La cui' nu cusu' Juan laca na'. Nscua na' sca quityi re, ma' cusu', jua'a̱ sñi' nu'u̱, cha' ca̱a̱ quityi re ca slo cu'ma̱ ngu' tya'a ngusñi na cha' ji'i̱ Jesús, cha' cua ngusubi ycui' Ni ji'i̱ ma̱ cha' caca ma̱ ñati̱ ji'i̱ Ni. Chañi cha' ntsu'u tsa tyiquee na' ña'a̱ na' ji'i̱ ma̱; ni si'i sca ti na', lo'o lcua ti ña'a̱ ñati̱ lcaa quichi̱ nu nduna cha' liñi ji'i̱ Jesús, lo'o lcaa ñati̱ bi', ntsu'u tsa tyiquee ngu' ña'a̱ ngu' ji'i̱ ma̱.

2 JUAN 1:13

Lo'o jua'a̱ nu ñati̱ tya'a ntsu'u cha' ji'i̱ ma̱ lo'o Cristo ca nde, nu ngu' nu cua ngusubi ycui' Ndyosi ji'i̱, lo'o ngu' bi' cua nti' ngu' chcuicha' ngu' ji'i̱ ma̱. Jua'a̱ caca cha' lacua.

APOCALIPSIS 17:5

Nde tyaca̱a̱ nscua sca xtañi nu cuna'a̱ bi', pana ná ca cuayá' ti' na ji'i̱ si ná nslo na xtañi bi': “Babilonia tonu laca re, cha' nde laca quichi̱ tyi lcaa ñati̱ nu ndyu'ni cha' suba' tyucui ña'a̱ chalyuu”. Jua'a̱ nscua nde tyaca̱a̱ nu cuna'a̱ bi'.

APOCALIPSIS 18:2

Cui̱i̱ tsa nchcui' xca̱ bi': ―Cua ndye cha' ji'i̱ quichi̱ Babilonia bi' ―nacui̱―, ndye quichi̱ tlyu bi' nguti̱. Ca su nguti'i̱ quichi̱ bi' cua tsubi' la, ca bi' laca to' tyi cuxee juani, masi tyi cuiñaja laca bi' juani. Ca bi' ntucua to' tyi lcaa lo cui'i̱ cuxi, lcaa lo na'ni cuityi nu ntucua lu'be nu chiya'a̱ ña'a̱.