1 PEDRO 4:18 - Chatino Tataltepec18 Tucui tsa cha' laca cha' clyaá ñati̱ nu ndu'ni cha' tso'o ti; pana nu ñati̱ xña'a̱, lo'o jua'a̱ ñati̱ nu ntsu'u cha' cuxi ji'i̱ ni, tye cha' ji'i̱ ngu' bi' tsiya' ti. အခန်းကိုကြည့်ပါ။ |
Ña'a̱ ma̱ ñi'ya̱ nu ndyu'ni ngu' lo'o na' juani. ¿Ñi'ya̱ ta cua'ni ngu' lo'o cu'ma̱ ngu' judío li' lacua? Tso'o tsa cha' nu ntsu'u jna'; ntsu'u tsa chalyuu jna', cha' ñi'ya̱ nti' sca yaca cuañi', jua'a̱ nti' na'. Pana cu'ma̱ ni, ná tso'o cha' nu ntsu'u ji'i̱ ma̱; na culiji yu'u ti cha' bi' ji'i̱ ma̱ jua'a̱ ti, cha' ñi'ya̱ nti' sca yaca ncui, jua'a̱ nti' cu'ma̱ ―nacui̱ Jesús ji'i̱ ngu' bi'.
Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.
ndi'ya̱ nchcui' nu bi' lo'o na': “Ná cutsi̱i̱ nu'u̱, Pablo”, nacui̱ xca̱ bi' jna'. “Na cua nscua cha' tyatu̱ nu'u̱ slo rey ji'i̱ ngu' romano nu laca loo la”, nacui̱, “bi' cha' cua'ni lyaá ycui' Ndyosi ji'i̱ lcaa ngu' tya'a ndya'a̱ nu'u̱ ne' yaca ni'i̱ re xqui'ya nu'u̱, cha' nu'u̱ laca tu'ba ji'i̱ Ni.”
Lo'o cuna na cha' ji'i̱ Jesús bi', li' ca cuayá' ti' na cha' ñasi̱' tsa ycui' Ndyosi ca su ntucua Ni nde cua̱; xcube' tsa ycui' Ni ji'i̱ cua ña'a̱ ca ñati̱ cuxi. Na ñasi̱' Ni ji'i̱ ngu' bi', cha' cuxi tsa ndu'ni ngu'; cuxi tsa ngu' bi', lo'o jua'a̱ ná nda ngu' chacuayá' cuna xa' ñati̱ lcaa ña'a̱ cha' liñi nu cua nda ycui' Ndyosi lo'o ñati̱ chalyuu.
Pana si'i xqui'ya ñati̱ nu tso'o tyiquee nda ycui' Ndyosi cha' cusu' bi'; na cua nda Ni cha' bi' xqui'ya ñati̱ nu ná nti' cua'ni cha' tso'o, xqui'ya ñati̱ nu ná ntaja'a̱ taquiya' ji'i̱ cha' bi', xqui'ya ñati̱ nu ná ntsu'u cha' ji'i̱ lo'o ycui' Ndyosi, xqui'ya ñati̱ nu ntsu'u qui'ya ji'i̱, xqui'ya ñati̱ nu cuxi tyiquee, xqui'ya ñati̱ nu nchcui' suba' ji'i̱ ycui' Ndyosi, xqui'ya ñati̱ nu ndujuii ji'i̱ sti ngu', ji'i̱ xtya'a̱ ngu', xqui'ya ñati̱ nu ndujuii ji'i̱ tya'a ñati̱,
Ca tiya' la li' xa' ngulo ycui' Ndyosi cña cha' ña'a̱ ti tyanu lcaa na nu ntsu'u nde cua̱, ña'a̱ ti tyanu lcaa lo na nu ntsu'u nde chalyuu, ña'a̱ cuayá' tyalaa tsa̱ nu cua'ni cuayá' Ni ji'i̱ lcaa na. Li' tye tyaqui̱ lcaa na bi', lo'o jua'a̱ tye cha' ji'i̱ lcaa ñati̱ nu ná ntsu'u cha' ji'i̱ lo'o ycui' Ndyosi.