1 PEDRO 4:16 - Chatino Tataltepec

¹⁶ Pana ná ntsu'u cha' ca tyuju'u ti' ma̱ si xcube' ngu' ji'i̱ ma̱ cha' laca ma̱ ñati̱ ji'i̱ Jesucristo; cua'ni tlyu ma̱ ji'i̱ ycui' Ndyosi cha' jua'a̱ ndyaca ji'i̱ ma̱ li'.

1 PEDRO 4:16 ပူးပေါင်းရင်းမြစ်များ

LOS HECHOS 11:26

Li' nguti'i̱ ngu' sca yija̱ lo'o taju ñati̱ ji'i̱ Jesucristo ca bi', nclu'u ngu' ji'i̱ quiña'a̱ ñati̱. Quichi̱ Antioquía bi' ngua su ngutu'u su̱u̱ cha' nu nchcui' ngu' cha' ngu' cristiano laca ñati̱ nu ngusñi cha' ji'i̱ Jesucristo.

LOS HECHOS 26:28

―¿Ha yala ti nti' nu'u̱ cha' caca na' ñati̱ ji'i̱ Jesucristo? ―nacui̱ rey Agripa ji'i̱ Pablo li'.

LOS HECHOS 28:22

Nti' ya cuna ya tyucui ña'a̱ cha' nu ntsu'u cha' ta nu'u̱ lo'o ya cuentya ji'i̱ tyucui̱i̱ cucui bi', cha' jlo ti' ya cha' lcaa quichi̱ ntsu'u ngu' nu ñasi̱' tsa ji'i̱ ngu' nu cua ngusñi tyucui̱i̱ bi'.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

FILIPENSES 1:20

Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.

FILIPENSES 1:29

Tso'o tsa laca cha' nda ycui' Ndyosi chacuayá' cha' ngusñi ma̱ cha' ji'i̱ Cristo; pana cua nscua cha' caja xi cha' ti'í ji'i̱ ma̱, nu lo'o cua ngusñi ma̱ cha' ji'i̱ Cristo bi'.

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

SANTIAGO 2:7

La cui' ngu' bi' laca nu nchcui' tsa cha' cuxi ji'i̱ ycui' Jesús nu ntsu'u tsa cha' ji'na lo'o.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

1 PEDRO 4:11

Culu'u ma̱ cha' ji'i̱ ñati̱, si bi' laca cña nu cua nda Ni ji'i̱ ma̱ cha' cua'ni ma̱; culu'u ma̱ tsa ña'a̱ cha' nu nti' ycui' Ndyosi chcui' Ni lo'o ngu'. Lo'o jua'a̱ xtyucua ma̱ ji'i̱ tya'a ñati̱ ma̱ lo'o tyucui juersa nu nda ycui' Ndyosi ji'i̱ ma̱, si bi' laca cña nu cua nda Ni ji'i̱ ma̱ cha' cua'ni ma̱. Nu lo'o ña'a̱ ngu' cña tso'o nu ndyu'ni ma̱ bi', li' cua'ni tlyu ngu' ji'i̱ ycui' Ndyosi xqui'ya Jesucristo. Lo'o li' ná nga'a̱ cha' tye cha' cua'ni tlyu ngu' ji'i̱ Cristo bi', cha' laca Cristo loo tsiya' ti. Jua'a̱ caca cha' tu'ni.

1 PEDRO 4:14

Nu lo'o nchcui' ngu' cha' ti'í ji'i̱ ma̱ xqui'ya Cristo, ca tso'o tyiquee ma̱ cha' ndi'i̱ Xtyi'i ycui' Ndyosi lo'o ma̱, lo'o jua'a̱ tlyu tsa cha' tso'o ntsu'u ji'i̱ ycui' Ni. Nchcui' ngu' bi' cha' cuxi ji'i̱ ycui' Ndyosi; pana cu'ma̱ ni, tso'o tsa si tya cua'ni tlyu ma̱ ji'i̱ Ni.

1 PEDRO 4:19

Ndyiji xi cha' ti'í ji'i̱ ma̱ juani chacuayá' ji'i̱ ycui' Ndyosi. Cua jlo ti' Ni cha' bi', pana ná culati'i̱ Ni ji'na si jua'a̱. Ntsu'u cha' tya cua'ni na xcui' cha' tso'o, cha' ña'a̱ ti xñi na cha' ji'i̱ ycui' Ni nu ngüiñá lcaa lo na, masi nchcube' na; chañi cha' cña'a̱si̱i̱ Ni ji'na li'.