1 PEDRO 3:8 - Chatino Tataltepec

⁸ Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.

1 PEDRO 3:8 ပူးပေါင်းရင်းမြစ်များ

SAN MATEO 18:33

Lo'o juani ni, ¿ni cha' ná ngua'ni tya'na ti' nu'u̱ ji'i̱ tya'a msu nu ndacui xti ti cñi hi̱, ñi'ya̱ ngua'ni tya'na ti' na' jinu'u̱?”

SAN LUCAS 10:33

Lo'o la cui' tyucui̱i̱ bi' ndya'a̱ sca nu qui'yu ngu' Samaria, sca ngu' xa' chalyuu. Lo'o na'a̱ ji'i̱ yu quicha bi', hora ti ngua tya'na ti' ji'i̱ yu.

LOS HECHOS 2:1

Ngua tsa̱ ta'a Pentecostés, sca ta'a ji'i̱ ngu' judío, li' ndyu'u ti'i̱ lcaa ñati̱ nu ngusñi cha' ji'i̱ Jesucristo ca bi' se'i̱ ti.

LOS HECHOS 27:3

Ndu'u ya ndyaa ya li', ca chaca tsa̱ ndyalaa ya ca quichi̱ Sidón. Tso'o tsa tyiquee nu Julio bi', nda bi' chacuayá' ji'i̱ Pablo cha' tsaa yu slo tya'a tso'o yu nu ndi'i̱ quichi̱ bi', cha' xtyucua xi tya'a yu ji'i̱ yu.

LOS HECHOS 28:7

Cacua ti su ndi'i̱ ya cua nscua xi yuu ji'i̱ sca nu cusu' nu naa Publio. Lo'o nu Publio ni, laca bi' loo ji'i̱ yuu cla'be nu naa Malta bi'. Li' nchcui' ycui' nu cusu' bi' lo'o ya cha' tsaa ya ca to' tyi ycui'. Ndyaa ya li'; sna tsa̱ nguti'i̱ ya lo'o nu cusu' bi', lo'o tso'o tsa ngua tyiquee nu cusu' bi' ña'a̱ ji'i̱ ya.

LOS HECHOS 4:32

Se'i̱ ti ndi'i̱ lcaa ngu' nu ngusñi cha' ji'i̱ Jesucristo, stu'ba tsa ndu'ni lcaa ngu' bi' lo'o tya'a ngu', sca ti cha' ntsu'u tyiquee lcaa ngu'. Nda ngu' lcaa na nu ntsu'u ji'i̱ ngu' cha' xtyucua ji'i̱ lcaa ngu' lo'o tya'a ngu'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

ROMANOS 15:5

Lo'o jua'a̱ cua nti' ya cha' xtyucua Ni ji'i̱ cu'ma̱, la cui' nu sca ti ycui' Ndyosi nu nxtyucua ji'i̱ lcaa na cha' talo tyiquee na, nu ndu'ni cha' ca tlyu tyiquee na. Xtyucua Ni ji'i̱ cu'ma̱, cha' jua'a̱ talo tyiquee ma̱ ji'i̱ tya'a ntsu'u cha' ji'i̱ ma̱ lo'o Ni, cha' caca stu'ba tyiquee ma̱ lo'o tya'a ma̱ xqui'ya Jesucristo.

1 CORINTIOS 1:10

Cu'ma̱ tya'a ngusñi na cha' ji'i̱ Cristo, chcui' na' lo'o cu'ma̱ juani chacuayá' ji'i̱ ycui' Jesucristo nu Xu'na na, cha' caca stu'ba cha' ji'i̱ lcaa cu'ma̱ lo'o tya'a ma̱, cha' ná chcui' ma̱ tucua lo cha'. Tso'o ti tyi'i̱ ma̱ lo'o tya'a ma̱, sca ti cha' culacua ti' ma̱, sca ti cha' tyu'u tyiquee ma̱.

1 CORINTIOS 12:26

Lo'o quicha xi sca tyijya̱ na, tyucui ña'a̱ na ti'í li'; lo'o ndaca'a na ji'i̱ sca tyijya̱ na, tyucui ña'a̱ na tso'o nti' na li'. (La cui' jua'a̱ laca ma̱, tyucui ña'a̱ tsaca taju cu'ma̱ nu cua ngusñi cha' ji'i̱ Cristo).

EFESIOS 4:2

Ná cua'ni tyucuaa ti' ma̱ lo'o tya'a ñati̱ ma̱, tso'o ti chcui' ma̱ lo'o lcaa ngu', talo tyiquee ma̱ ji'i̱ ngu'; jua'a̱ xtyucua ma̱ ji'i̱ ngu' cha' ca cuayá' ti' xa' ñati̱ cha' chañi cha' ntsu'u tyiquee ma̱ ña'a̱ ma̱ ji'i̱ tya'a ñati̱ ma̱.

EFESIOS 4:31

Cua'ni tye ma̱ ji'i̱ lcaa cha' su chi̱i̱ nti' ma̱ ña'a̱ ma̱ ji'i̱ tya'a ñati̱ ma̱ lacua; jua'a̱ cha' liye' ti' ma̱, jua'a̱ cha' ñasi̱' ti' ma̱, cua'ni tye ma̱ ji'i̱ lcaa cha' bi'. Nga'aa xi'ya cui̱i̱ ma̱ cha' suba' ji'i̱ tya'a ma̱, nga'aa chcui' ma̱ cuentyu ji'i̱ tya'a ma̱, nga'aa ntsu'u cha' chcui' cuxi ma̱ ji'i̱ tya'a ma̱ tsiya' ti.

EFESIOS 4:32

Xa' ña'a̱ cua'ni ma̱ juani. Xcui' tso'o ti cua'ni ma̱ lo'o tya'a ñati̱ ma̱, tyu'u tsa cha' clyu ti' ji'i̱ ma̱ lo'o tya'a ma̱; cua'ni clyu ti' ma̱ ji'i̱ qui'ya nu ntsu'u ji'i̱ ngu', cha' jua'a̱ cua ngua'ni clyu ti' ycui' Ndyosi ji'na xqui'ya Cristo.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

FILIPENSES 3:16

Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

HEBREOS 13:1

Ña'a̱ ti tyu'u tso'o tyiquee ma̱ ña'a̱ ma̱ ji'i̱ ngu' tya'a ngusñi ma̱ cha' ji'i̱ Cristo, cua'ni ma̱ cha' tso'o lo'o ngu' bi'.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

SANTIAGO 3:17

Pana lcaa cha' nu nda ycui' Ndyosi cha' chcui' na lo'o ñati̱, xcui' cha' tso'o laca bi'; ná nguxa' cha' tso'o bi' lo'o cha' cuxi, ná ntsu'u cha' xu̱u̱ tya'a na lo'o tya'a ñati̱ na. Cha' tso'o ti laca nu nda Ni cha' chcui' na lo'o ñati̱, cha' xcui' na tso'o ti cua'ni na lo'o ñati̱ li'. Lo'o jua'a̱ ndu'ni cha' bi', cha' cua'ni tya'na ti' na ji'i̱ ñati̱, ña'a̱ cuayá' nu cua'ni na cha' tso'o cha' xtyucua na ji'i̱ ngu'; ndu'ni cha' sca ti cha' liñi chcui' na lo'o ñati̱, si'i cha' cuiñi chcui' na lo'o ngu'.

SANTIAGO 5:11

Nacui̱ na cha' tso'o tsa ntsu'u tyiquee jyo'o bi', cha' cua ndalo tsa tyiquee ngu' lo'o nguxcube' ñati̱ ji'i̱ ngu' tyempo bi'. Cua ndyuna ma̱ ñi'ya̱ ngua cha' tyiquee' tsa ndalo jyo'o Job, nu lo'o quiña'a̱ tsa cha' cuxi ngua ji'i̱ yu. Lo'o li' su cua ndye cha', xa' ndya Ni lcaa cha' tso'o ji'i̱ yu chaca quiya'. La cui' jua'a̱, xcui' na tya'na ti' Ni ji'na, xcui' tso'o ntsu'u tyiquee Ni ña'a̱ Ni ji'na.

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

1 PEDRO 2:17

Tso'o si tucuá ma̱ cha' nu nchcui' lcaa ñati̱. Lo'o jua'a̱ cua'ni ma̱ cha' tso'o ti caca tyiquee ma̱ ña'a̱ ma̱ ji'i̱ lcaa ñati̱ ji'i̱ Cristo, cha' tya'a ma̱ laca ngu' bi'. Ndu'ni cha' cutsi̱i̱ ma̱ xi ji'i̱ ycui' Ndyosi, lo'o jua'a̱ ndu'ni cha' cua'ni chi̱ ma̱ loo rey nu laca loo tsiya' ti chalyuu.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

2 PEDRO 1:7

Si jua'a̱ nti' ma̱ cha' tyi'i̱ ma̱ chalyuu, li' nga'a̱ cha' cua'ni tyaca'a ma̱ ji'i̱ tya'a ñati̱ ma̱; ntsu'u cha' tso'o ti caca tyiquee ma̱ ña'a̱ ma̱ ji'i̱ lcaa ñati̱.

1 JUAN 3:14

Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.