1 PEDRO 3:4 - Chatino Tataltepec

⁴ Pana ycui' Ndyosi ndiya la ti' ji'i̱ nu cuna'a̱ nu tso'o tsa cha' ntsu'u tyiquee ngu'; si ná liye' ti' ngu', si ná tyaala ngu', bi' laca ngu' cuna'a̱ nu ndiya ti' ycui' Ndyosi ña'a̱ Ni ji'i̱. Ñi'ya̱ laca sca na nu tso'o tsa ña'a̱, nu quiña'a̱ tsa nga'a̱, jua'a̱ laca ngu' cuna'a̱ nu ná cuxi tyiquee tsiya' ti cuentya ji'i̱ ycui' Ni.

1 PEDRO 3:4 ပူးပေါင်းရင်းမြစ်များ

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN MATEO 21:5

Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”

SAN MATEO 23:26

Na cuityi̱' ma̱, lcaa cu'ma̱ ngu' fariseo. Clyo cua'ni lubii ma̱ ne' cresiya ji'i̱ ycui' ca ma̱, cha' tyanu lubii tyucui ña'a̱ ma̱ li', ñi'ya̱ nti' ndyaati̱ sca tasa, sca ca'ña.

SAN MATEO 5:5

’Lo'o jua'a̱ tso'o ntsu'u tyiquee ñati̱ nu ná nti' tyiji̱loo ji'i̱ tya'a ñati̱, cha' ca su ntucua ycui' Ni tyacua cha' tso'o nu ta ycui' Ni ji'i̱ ñati̱ bi' li'.

SAN LUCAS 11:40

Tonto tsa cu'ma̱. ¿Ha si'i sca ti ycui' Ndyosi nu ngüiñá tyucui ña'a̱ na, masi nde ne' na, masi nde chu̱' na? Ngüiñá Ni ya' na, lo'o jua'a̱ ña'a̱ Ni lcaa cha' nu ntsu'u ne' cresiya ji'na.

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

ROMANOS 1:23

Ná nti' ngu' cua'ni tlyu ngu' ji'i̱ ycui' Ndyosi nu laca loo la, la cui' Ni laca nu ná tye chalyuu ji'i̱ tsiya' ti; ndiya la ti' ngu' cua'ni tlyu ngu' ji'i̱ lcui̱ ñati̱ nu ndyijii ti. Lo'o jua'a̱ ndu'ni tlyu ngu' ji'i̱ lcui̱ quiñi nu ndacui nde cua̱, lo'o ji'i̱ lcui̱ na'ni nu ntucua quiya', lo'o ji'i̱ lcui̱ na'ni nu nsube' ne' ni' lo yuu; bi' laca cha' nu ndu'ni tlyu ngu' ji'i̱.

ROMANOS 2:29

si'i jua'a̱ laca na ngu' judío. Tyucui tyiquee ngu' judío laca na lo'o xñi tso'o na cha' ji'i̱ ycui' Ndyosi; liñi la tyu'u cha' ji'na lo'o Ni si chca'a̱ cuayá' ji'i̱ ycui' Ndyosi ca ne' cresiya ji'na. Li' taca culo Ni cña ji'na lo'o Xtyi'i ycui' Ni, si'i lo'o sca cha' nu nscua lo quityi ti. Lo'o li' tso'o tsa cua'ni ycui' Ndyosi lo'o na, nga'aa si'i ñati̱ chalyuu ti nu chcui' tso'o ji'na li'.

ROMANOS 6:6

Cuxi tsa ñati̱ ngua na; pana juani laca na ñi'ya̱ laca si lo'o na ngujuii na lo sca crusi lo'o ngujuii ycui' Jesús, cha' ngüityi̱ yu tsiya' ti cha' cuxi nu ntsu'u ne' cresiya ji'na li'. Bi' cha' juani nga'aa caca ji'i̱ cha' cuxi bi' caca loo ji'na chaca quiya'.

ROMANOS 7:22

Tyucui tyiquee na' ndiya tsa ti' na' cua'ni na' lcaa cña nu ngulo ycui' Ndyosi ji'na nu ngua sa'ni;

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

2 CORINTIOS 4:16

Bi' cha' ná nchca taja ti' na ji'i̱ cña nu ndyu'ni na cuentya ji'i̱ ycui' Ndyosi, masi ncliji tyucui ña'a̱ cuaña' na jua'a̱ ti; pana ña'a̱ ti lu'ba ti ndu'ni ycui' Ndyosi cha' ca tso'o la cresiya ji'na.

GÁLATAS 5:23

jua'a̱ ndu'ni Xtyi'i ycui' Ndyosi lo'o na cha' ná quiña'a̱ cha' ntsu'u tyiquee na cuentya ji'i̱ ycui' ca na, ndu'ni Ni cha' taca ji'na cua'a na ji'i̱ ycui' ca na li'. Nga'aa ntsu'u cha' sta ycui' Ndyosi qui'ya ji'na, si cua'ni na jua'a̱.

EFESIOS 4:2

Ná cua'ni tyucuaa ti' ma̱ lo'o tya'a ñati̱ ma̱, tso'o ti chcui' ma̱ lo'o lcaa ngu', talo tyiquee ma̱ ji'i̱ ngu'; jua'a̱ xtyucua ma̱ ji'i̱ ngu' cha' ca cuayá' ti' xa' ñati̱ cha' chañi cha' ntsu'u tyiquee ma̱ ña'a̱ ma̱ ji'i̱ tya'a ñati̱ ma̱.

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

COLOSENSES 3:3

Nu juani ni, nga'aa ntsu'u cha' ji'i̱ ma̱ lo'o cha' cuxi nu ndyaca nde chalyuu; cua ndyanu tso'o cha' ji'i̱ ma̱ lo'o ycui' Ndyosi xqui'ya Cristo.

1 TESALONICENSES 4:11

Tso'o ti cua'ni ma̱ lo'o tya'a ma̱ cha' ti̱ ti tyi'i̱ tyiquee ma̱ li'. Ná tso'o si culo ma̱ cña ji'i̱ taju ñati̱ tya'a ma̱, lo'o li' taja ycui' ma̱; cua'ni ma̱ cña cha' caja xi na cacu ma̱ ñi'ya̱ nu cua nchcui' ya lo'o ma̱,

2 TESALONICENSES 3:12

Bi' cha' juani nclyo ya cña ji'i̱ ngu' bi' chacuayá' ji'i̱ Jesucristo nu Xu'na na, cha' ntsu'u cha' cua'ni ngu' bi' cña; jua'a̱ caja ñi'ya cacu ngu' cuentya ji'i̱ scaa ngu'.

1 TIMOTEO 2:2

Nga'a̱ cha' chcui' na lo'o ycui' Ndyosi cuentya ji'i̱ lcaa ngu' nu laca loo, cuentya ji'i̱ lcaa ngu' nu laca cña; jña ma̱ cha' cua'ni Ni cha' ti̱ ti tyi'i̱ tyiquee na, cha' ná xu̱u̱ tya'a ngu' laca loo bi' lo'o na, cha' ta ngu' bi' chacuayá' cha' cua'ni na lcaa lo cha' tso'o, ñi'ya̱ nu nti' ycui' Ndyosi cha' cua'ni na.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

TITO 3:2

Ná tso'o chcui' ngu' cuentyu ji'i̱ xa' ñati̱, ni ná tso'o xu̱u̱ tya'a ngu' lo'o ñati̱; ntsu'u cha' cube ti' ngu' ji'i̱ xa' ñati̱, cha' tso'o ti chcui' ngu' lo'o lcaa ñati̱.

SANTIAGO 1:21

Lo'o jua'a̱ nga'a̱ cha' culochu̱' na lcaa cha' suba', lcaa cha' cuxi nu tya ntsu'u ne' cresiya ji'na; tucuá na cha' ji'i̱ ycui' Ndyosi lacua, xñi tso'o na lcaa cha' nu nda Ni cha' tyanu ne' cresiya ji'na, cha' bi' laca cha' nu taca cua'ni lyaá ji'na ji'i̱ nu cuxi nu ntsu'u ji'na.

1 PEDRO 1:23

Laca ma̱ ñi'ya̱ si cua ngula ma̱ chaca quiya', pana si'i ñi'ya̱ nu ngula ti ma̱ ji'i̱ xtya'a̱ ma̱; cua ngua cucui cresiya ji'i̱ ma̱ xqui'ya cha' nduna ma̱ cha' nu nchcui' ycui' Ndyosi nu lu'ú ca, ycui' Ndyosi nu ná nscua cha' cajaa Ni tsiya' ti.

1 PEDRO 3:15

Tyucui tyiquee ma̱ cua'ni tlyu ma̱ ji'i̱ Cristo, cha' chañi cha' laca Ni nu Xu'na na. Lo'o jua'a̱ culacua xi ti' ma̱ ñi'ya̱ caca xacui̱ ma̱ cha' ji'i̱ ngu' lo'o xcuane ngu' ji'i̱ ma̱ ndi'ya̱: ¿Ni cha' laca ndu̱ ti' ma̱ ji'i̱ nu Cristo bi'? Tso'o ti xacui̱ ma̱ cha' ji'i̱ ngu' bi', ná cua'ni tyixi ma̱ lo'o ngu' bi'.