1 PEDRO 3:2 - Chatino Tataltepec

² lo'o ña'a̱ clyo'o ma̱ cha' nduna ma̱ cha' nu nchcui' ycui' ngu' lo'o ma̱, cha' lubii cresiya ji'i̱ ma̱, ná tyiquee' taquiya' ngu' bi' ji'i̱ cha' liñi ji'i̱ ycui' Ndyosi li'.

1 PEDRO 3:2 ပူးပေါင်းရင်းမြစ်များ

EFESIOS 5:33

Pana la cui' jua'a̱ nchcui' quityi bi' cuentya ji'i̱ lcaa cu'ma̱, cha' cua'ni tyaca'a cu'ma̱ ngu' qui'yu ma̱ ji'i̱ clyo'o ma̱ ñi'ya̱ nu ndu'ni tyaca'a ma̱ ji'i̱ ycui' ca ma̱. La cui' jua'a̱ nga'a̱ cha' cua'ni chi̱ ngu' cuna'a̱ ma̱ loo clyo'o ma̱.

EFESIOS 6:5

Cu'ma̱ ngu' msu nu ngüi'ya ñati̱ ji'i̱ ma̱ cha' cua'ni ma̱ cña ji'i̱ ngu' laja ti, cua'ni ma̱ lcaa cña nu culo xu'na ma̱ ji'i̱ ma̱ nde loyuu chalyuu. Cube xi ti' ma̱ ñi'ya̱ nu cua'ni ma̱ cña ji'i̱ ngu', cha' tyucui tyiquee ma̱ cua'ni ma̱ cña bi'; cua'ni ma̱ cña bi' ñi'ya̱ laca si cña ji'i̱ Cristo laca cña nu ndyu'ni ma̱.

FILIPENSES 1:27

Bi' cha' juani, cui'ya ma̱ cuentya ñi'ya̱ nga'a̱ cha' cua'ni ma̱ chalyuu cuentya ji'i̱ cha' ji'i̱ Cristo nu cua ngusñi ma̱. Si jua'a̱ ndu'ni ma̱, li' ná ndu'ni cha' masi ca̱a̱ na' ca quichi̱ tyi ma̱, masi ná caca ca̱a̱ na'. Ná tyiquee' caja cha' 'na cha' sca ti cha' ntsu'u tyiquee ma̱ lo'o tya'a ma̱, cha' ndalo tsa tyiquee ma̱ ji'i̱ tya'a cusu̱u̱ ma̱ ca bi'; ná tyiquee' stu'ba ti culacua ti' ma̱ lo'o tya'a ma̱ laja lo'o tyiquee' tsa nchcui' ma̱ lo'o ngu' cha' xñi ngu' cha' tso'o bi' ji'i̱ Cristo.

FILIPENSES 3:20

Pana nu na ni, ca su ntucua ycui' Ndyosi tsiya' ti, ca ndacua ntsu'u quichi̱ tyi na nu chañi ca. Lo'o juani chaa tsa ti' na ntajatya na ji'i̱ Jesucristo nu Xu'na na, ni jacua' tyu'u Ni nde cua̱ su ntsu'u quichi̱ nu ca tyi na, cha' ca̱qui'ya Ni ji'na nde chalyuu, cha' cua'ni lyaá lyiji Ni ji'na.

COLOSENSES 3:22

Cu'ma̱ ngu' msu nu ndyu'ni cña ji'i̱ ngu' laja ti, taquiya' ma̱ lcaa cña nu culo ñati̱ nu laca loo ji'i̱ ma̱ nde chalyuu. Si'i na cua'ni ti ma̱ jua'a̱ cha' tyanu tso'o cha' ji'i̱ ma̱ lo'o ngu' lo'o ndu̱ ti ngu' slo ma̱, cha' ndyi'ya ngu' cuentya ji'i̱ ma̱ si ndu'ni ma̱ cña; pana tyucui tyiquee ma̱ cua'ni ma̱ cña bi', xqui'ya cha' lcaa hora ndube ti' ma̱ ji'i̱ ycui' nu Xu'na na.

1 TIMOTEO 4:12

Ná ta nu'u̱ chacuayá' xtyí lo'o ngu' jinu'u̱ cha' tya cuañi' nu'u̱, nti' ngu'. Cua'ni nu'u̱ xcui' cña tso'o cha' ña'a̱ lcaa tya'a ñati̱ ji'i̱ Jesucristo; xcui' cha' tso'o chcui' nu'u̱, xcui' cha' tso'o cua'ni nu'u̱, lo'o jua'a̱ tso'o tsa tyu'u tyiquee nu'u̱ ña'a̱ nu'u̱ ji'i̱ xa' la ñati̱. Li' ca cuayá' ti' ngu' cha' tso'o tsa ngusñi nu'u̱ cha' ji'i̱ Jesucristo, xqui'ya cha' xcui' lubii ti cresiya jinu'u̱ ndyu'ni nu'u̱ cña.

1 PEDRO 1:15

Xcui' na lubii tsiya' ti laca ycui' Ndyosi, xcui' liñi tsa cha' nu ndu'ni Ni, lo'o jua'a̱ laca Ni nu Xu'na na juani. Bi' cha' nti' Ni cha' xcui' lubii tsa caca cresiya ji'i̱ ma̱, xcui' cha' liñi cua'ni ma̱.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.

1 PEDRO 3:1

Lo'o jua'a̱ cu'ma̱ ngu' cuna'a̱ ni, ntsu'u cha' taquiya' ma̱ ji'i̱ cha' nu nchcui' clyo'o ma̱, cha' nu qui'yu laca loo ji'i̱ nu cuna'a̱, masi tya lyiji taquiya' nu qui'yu bi' ji'i̱ ycui' Ni. Pana lo'o ña'a̱ nu ngu' qui'yu clyo'o ma̱ lcaa cha' tso'o nu ndu'ni ma̱, li' xñi ngu' cha' ji'i̱ ycui' Ni, masi bilya chcui' ma̱ lo'o ngu' ji'i̱ cha' bi';

1 PEDRO 3:3

Lcaa cu'ma̱ ngu' cuna'a̱ ni, tso'o si ña'a̱si̱i̱ ma̱ ji'i̱ quicha̱' hique ma̱; pana ná nti' cha' culiji quiña'a̱ tsa hora ji'i̱ ma̱, ni ná nti' cha' culiji quiña'a̱ tsa cñi ji'i̱ ma̱, cha' cua'ni cho'o ma̱ quicha̱' hique ma̱. Ná ntsu'u cha' tyacui chcua̱ jyaca̱ ma̱ nu quiña'a̱ tsa ntsu'u loo, ni ná ntsu'u cha' cacu' ma̱ late' nu quiña'a̱ tsa nga'a̱. Si'i na cacu' nu cuna'a̱ nu cua'ni cha' ndiya la ti' ngu' ji'i̱.

2 PEDRO 3:11

Cua nscua cha' tye lcaa na lo'o tyalaa tsa̱ bi', bi' cha' ntsu'u cha' caca ma̱ ñati̱ nu lubii cresiya ji'i̱, cha' caca ma̱ ñati̱ nu ngua tso'o tyiquee ma̱ cuentya ji'i̱ ycui' Ndyosi.