1 PEDRO 3:10 - Chatino Tataltepec

¹⁰ Ndi'ya̱ nscua cha' lo quityi ji'i̱ ycui' Ndyosi: Lcaa ngu' nu nti' caja chalyuu tso'o ji'i̱ ngu', cha' ca chaa ti' ngu', nga'a̱ cha' cua'a ngu' bi' ji'i̱ ycui' ca ngu' cha' ná chcui' ngu' cha' cuxi; la cui' jua'a̱ ná tso'o si tyu'u cha' cuiñi tu'ba ngu' bi'.

1 PEDRO 3:10 ပူးပေါင်းရင်းမြစ်များ

SAN MATEO 19:17

Lo'o li' nchcui' Jesús lo'o yu: ―¿Ni cha' nchcui' nu'u̱ cha' tso'o tsa ndu'ni na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni. Pana taquiya' nu'u̱ ji'i̱ lcaa cña nu ngulo ycui' Ndyosi ji'i̱ ma̱, si nti' nu'u̱ caja chalyuu nu ná nga'a̱ cha' tye jinu'u̱.

SAN MARCOS 8:35

Chcuna' chalyuu ji'i̱ ngu' si xcui' nclyacua tsa ti' ngu' ñi'ya̱ caca ji'i̱ ycui' ti ngu'; pana quije chalyuu nu ná nga'a̱ cha' tye ji'i̱ ngu' si tyaja'a̱ ngu', masi cujuii ñati̱ ji'i̱ ngu' cuentya 'na, xqui'ya cha' nchcui' ngu' cha' tso'o jna' lo'o xa' ñati̱.

SAN JUAN 1:47

Lo'o na'a̱ Jesús cha' lijya̱ Natanael slo, li' nacui̱: ―Nde cua lijya̱ sca ngu' Israel nu chañi cha' ndyu'ni tlyu ji'i̱ ycui' Ndyosi. Ná ntsu'u cha' cuiñi ji'i̱ yu jua tsiya' ti.

SAN JUAN 12:25

Jua'a̱ laca lo'o ñati̱ nu nti' xñi cha' 'na ―nacui̱ Jesús―. Cua ña'a̱ ca ñati̱ nu lye tsa ndu'ni tyaca'a ji'i̱ ycui' ca ngu', chcuna' chalyuu ji'i̱ ngu'; pana ñati̱ nu ná ntsi̱i̱ cajaa ngu' xqui'ya na', bi' laca nu caja chalyuu nu ná nga'a̱ cha' tye ji'i̱ ngu'.

SANTIAGO 1:26

Ná tyiquee' ntsu'u xi ngu' tya'a ma̱ nu nti' cha' tacati tsa ndu'ni ycui' ca ngu'. Pana laja ti ndu'ni ngu' cha' tacati ngu', si ná ndube ti' ngu' ñi'ya̱ nchcui' ngu' lo'o ñati̱; na ñilo'o ngu' ji'i̱ ycui' ca ngu' cha' tacati ngu' li'.

1 PEDRO 2:1

Lo'o cu'ma̱ ni, nga'a̱ cha' xtyanu ma̱ ji'i̱ lcaa cha' cuxi nu ntsu'u tyiquee ma̱ ña'a̱ ma̱ ji'i̱ tya'a ñati̱ ma̱: nga'aa cñilo'o ma̱ ji'i̱ tya'a ma̱, nga'aa si'i tucua cha' tyu'u tyiquee ma̱, nga'aa tyacui ti' ma̱ ji'i̱ sca na nu ntsu'u ji'i̱ tya'a ñati̱ ma̱, nga'aa chcui' ma̱ cuentyu ji'i̱ tya'a ñati̱ ma̱.

1 PEDRO 2:22

Ná ntsu'u ni sca qui'ya ji'i̱ nu Cristo bi', ni sca cha' cuiñi ná nchcui' yu;

APOCALIPSIS 14:5

Ná ntucua cha' cuiñi tu'ba ngu' bi' tsiya' ti, cha' ná ntsu'u cha' cuxi ji'i̱ ngu' bi' tsiya' ti.