Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;
1 PEDRO 2:7 - Chatino Tataltepec7 Lo'o cu'ma̱ ni, ndulo tsa cha' ji'i̱ quee bi' cuentya ji'i̱ ma̱, cu'ma̱ nu ngusñi ma̱ cha' ji'i̱ ycui' Ndyosi; pana cuxi tsa cha' caca ji'i̱ ñati̱ nu ná jlya ti' ji'i̱ ycui' Ndyosi tsiya' ti. Ndi'ya̱ nscua cha' lo quityi cha' ji'i̱ quee bi': Cua nguxcua̱a̱ cuityi ni'i̱ quee tonu bi' clyo, cha' ná tso'o ña'a̱ quee bi' ngua ti' ngu'; pana juani cua ngujui cña nu cua'ni quee bi', cha' ndu̱ su ndulo la cha' ji'i̱ cuentya ji'i̱ ycui' Ndyosi. အခန်းကိုကြည့်ပါ။ |
1 PEDRO 2:7
26 ပူးပေါင်းရင်းမြစ်များ
Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.
Na'a̱ tsa Jesús ji'i̱ ngu', li' xa' nchcui' lo'o ngu' chaca quiya': ―¿Ni cha' laca nu nchcui' quityi cusu' ji'i̱ ycui' Ndyosi lacua? Ndi'ya̱ nchcui' quityi bi': La cui' quee tonu nu nguxcua̱a̱ cuityi ni'i̱ ji'i̱ cha' ná tso'o ña'a̱ nti' ngu', cua ngujui cña nu cua'ni quee bi' juani; ndu̱ bi' su ndulo la cha' ji'i̱ cuentya ji'i̱ ycui' Ndyosi.
Jña ma̱ cha' clyu ti' ji'i̱ ycui' Ni, cha' clyaá na' ji'i̱ nu ngu' tyaala nu ná jlya ti' tsiya' ti cha' ji'i̱ Cristo, nu ngu' nu ndi'i̱ nde Judea ni. Lo'o jua'a̱ jña ma̱ cha' ji'i̱ Ni cuentya ji'i̱ ñati̱ ji'i̱ ycui' Ndyosi nu ndi'i̱ nde Jerusalén, cha' tso'o ti tyu'u tyiquee ngu' tya'a na chcui' ngu' lo'o na', nu lo'o xñi ngu' msta̱ nu ta na' ji'i̱ ngu'.
Ñati̱ nu chiya'a̱ tsa ndu'ni ni, ná ndiya' ti' ngu' cha' nu nchcui' na tsiya' ti; na ndacane la cha' bi' ji'i̱ ngu' cha' cua chcuna' ti chalyuu ji'i̱ ngu' xqui'ya cha' cuxi nu ndyu'ni ngu'. Pana ñati̱ nu nti' clyaá ji'i̱ nu cuxi ni, xa' ña'a̱ ndu'ni ngu' bi'; cua jlo ti' ngu' cha' ntsu'u chaca chalyuu tso'o la nu caja ji'i̱ ngu'. Ntsu'u tsa ñati̱ nu ná caca cua'ni cña bi'; pana cuare ni, taca cua'ni ya ji'i̱ chacuayá' ji'i̱ ycui' Ndyosi.
Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.
Pana jyo'o Rahab, sca nu cuna'a̱ calle nu nguti'i̱ ca quichi̱ bi', jlya ti' cho' ji'i̱ ycui' Ndyosi; bi' cha' nchcui' tso'o cho' lo'o nu tucua tya'a ngu' Israel nu cuaana ti ndyaa, ndyaa na'a̱ ngu' lo quichi̱ bi' clyo. Nda cho' su tyi'i̱ ngu', bi' cha' ná ngujuii cho' lo'o ngujuii xa' la ñati̱ tya'a quichi̱ tyi cho' nu ná ndaquiya' ji'i̱ ycui' Ndyosi tsiya' ti.
Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.
Ycui' Cristo nu Xu'na na ni, ñi'ya̱ nti' sca quee nu ntucua quiya' ni'i̱, jua'a̱ laca yu, masi na lu'ú ycui'. Nacui̱ ñati̱ chalyuu nu nti' cuiñá ni'i̱ cha' ná tso'o quee bi'; ná ca cua'ni ngu' cña tso'o lo'o bi', nacui̱ ngu'. Pana la cui' Jesús laca nu cua ngusubi ycui' Ndyosi ji'i̱ cha' caca cña ji'i̱ Ni, cha' tyucua yu ca su ntucua quiya' cha', lcaa cha' nu ntsu'u ji'i̱ ycui' Ndyosi. Bi' cha' nga'a̱ cha' tyatí̱ tso'o tyiquee ma̱ cha' ji'i̱ Cristo bi',
Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.
ကြော်ငြာတွေ