1 PEDRO 2:23 - Chatino Tataltepec

²³ masi nchcui' ngu' cha' suba' lo'o yu, ni sca cha' tyaala ná nguxacui̱ yu ji'i̱ ngu'; nguxcube' tsa ngu' ji'i̱ yu, pana ná ngua ñasi̱' yu ji'i̱ ngu' li'. Sca ti lo'o ycui' Ndyosi Sti yu nchcui' yu ji'i̱ cha' cuxi nu ndyu'ni ngu' lo'o, cha' sca ti ycui' Ni laca nu xcui' liñi ndu'ni cuaya' ji'i̱ ñati̱.

1 PEDRO 2:23 ပူးပေါင်းရင်းမြစ်များ

SAN LUCAS 23:41

Liñi tsa ntsu'u cha' nchcube' ngu' ji'na, cha' bi' laca caya' ji'i̱ cha' cuxi nu ngua'ni na; pana nu ñati̱ re ni, ná ntsu'u cha' cuxi nu ngua'ni yu.

SAN LUCAS 23:46

Hora bi' cui̱i̱ tsa ngusi'ya Jesús: ―Sti na', qui'ya nu'u̱ cresiya 'na ―nacui̱ yu. Nu lo'o cua nchcui' yu cha' bi', hora ti ngujuii yu li'.

SAN LUCAS 23:9

Quiña'a̱ tsa cha' nchcuane yu ji'i̱ Jesús li', pana ná nguxacui̱ Jesús cha' ji'i̱ yu tsiya' ti.

LOS HECHOS 17:31

Cua ngusta Ni sca tsa̱ cha' cua'ni cuayá' Ni ji'i̱ lcaa ñati̱ chalyuu, lo'o jua'a̱ cua ngusubi Ni sca ñati̱ nu caca bese. Jesucristo laca bi'. Tso'o tsa ngua'ni Ni cha' tyanu tachaa cha' bi' ji'i̱ ñati̱ chalyuu, nu lo'o ngua'ni Ni cha' ndyu'ú nu ñati̱ bi' chaca quiya' lo'o cua ndyujuii ngu' ji'i̱.

LOS HECHOS 4:29

Xu'na ya, ña'a̱ nu'u̱ ca nde juani cha' tyaala tsa ngu' ña'a̱ ngu' ji'i̱ ya. Nti' ya cua'ni ya cña nu ngulo nu'u̱ ji'i̱ ya, bi' cha' xtyucua nu'u̱ ji'i̱ ya juani cha' caja juersa ji'i̱ ya, cha' ná cutsi̱i̱ ya nu lo'o ta ya cha' jinu'u̱ lo'o ñati̱ re ―nacui̱ ngu'―.

LOS HECHOS 7:59

Laja lo'o ngu̱ ngu' quee ji'i̱ nu Esteban bi', nchcui' yu lo'o Jesús: ―Jesús Xu'na na' ―nacui̱ Esteban―, cua'ni nu'u̱ cha' tso'o qui'ya nu'u̱ cresiya jna'.

LOS HECHOS 9:1

Ña'a̱ ti ñasi̱' tsa Saulo ji'i̱ lcaa ngu' nu ngusñi cha' ji'i̱ ycui' nu Xu'na na. Nti' tsa Saulo xcube' yu ji'i̱ ngu' bi', ña'a̱ cuayá' nu cujuii yu ji'i̱ ngu' nti' yu; bi' cha' ndyaa yu ca slo xu'na sti jo'ó ji'i̱ ngu' judío,

ROMANOS 2:5

Ná ntaja'a̱ ma̱ taquiya' ma̱ ji'i̱ cha' nu nchcui' ycui' Ndyosi lo'o ma̱, ná ntaja'a̱ ma̱ ca tyuju'u ti' ma̱ tsiya' ti; bi' cha' ndyanu cha' xcube' Ni ji'i̱ ma̱ lo'o tyalaa tsa̱, nu lo'o ña'a̱ ngu' cha' liñi tsa cua'ni cuayá' Ni ji'i̱ ñati̱ chalyuu.

EFESIOS 6:9

Nu cu'ma̱ ngu' xu'na msu bi' ni, la cui' jua'a̱ nga'a̱ cha' cña'a̱si̱i̱ tso'o ma̱ ji'i̱ msu ji'i̱ ma̱. Ná xcutsi̱i̱ ma̱ ji'i̱ ngu', ni ná cua'ni tyaala ma̱ lo'o ngu' bi'; tyi'u ti' ma̱ cha' sca ti nu Xu'na na laca loo ji'i̱ cu'ma̱ lo'o ji'i̱ ngu' bi', lo'o jua'a̱ sca ti cuayá' ndu'ni Ni lo'o cua ña'a̱ ca ñati̱.

2 TESALONICENSES 1:5

Liñi tsa ndu'ni cuayá' ycui' Ndyosi ji'i̱ ñati̱; bi' cha' caja su tyi'i̱ ma̱ ca su laca ycui' Ndyosi loo ca nde loo la, masi xña'a̱ tsa ngu' lo'o ma̱ juani xqui'ya cha' ji'i̱ ycui' Ndyosi nu cua ngusñi ma̱.

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

2 TIMOTEO 4:8

bi' cha' jlo ti' na' cha' ntsu'u sca cha' tso'o nu tyacua 'na; ta ycui' nu Xu'na na cha' tso'o bi' jna' nu lo'o tyalaa tsa̱ lo'o cua'ni cuayá' Ni ji'i̱ lcaa ñati̱, cha' liñi tsa ndu'ni cuayá' ycui' Ndyosi. Ta Ni cha' tso'o bi' ji'i̱ lcaa ñati̱ nu ntajatya tsa ji'i̱ Cristo ni jacua' ca̱a̱ Ni chaca quiya', xqui'ya cha' ntsu'u tsa tyiquee ngu' ña'a̱ ngu' ji'i̱ Ni; si'i jna' ti ta Ni cha' bi'.

HEBREOS 12:3

Culacua tso'o ti' ma̱ ji'i̱ lcaa cha' cuxi nu ngua ji'i̱ Jesús tyempo bi'. Ndalo tsa tyiquee yu ji'i̱ cha' cuxi bi' li', masi liye' tsa ti' ngu' cuxi ña'a̱ ngu' ji'i̱ yu. Bi' cha' lo'o cu'ma̱ ni, ná ntsu'u cha' ca ñu'u̱ ti' ma̱ xqui'ya Jesús, ná ntsu'u cha' ca taja ti' ma̱ ji'i̱ Ni.

1 PEDRO 3:9

Ná cua'ni cuxi ma̱ lo'o tya'a ñati̱ ma̱, masi ngua'ni cuxi ngu' lo'o ma̱; lo'o jua'a̱ ná chcui' tyaala ma̱ lo'o tya'a̱ ñati̱ ma̱, masi tyaala tsa nchcui' ngu' lo'o ma̱. Na cua ngusubi ycui' Ni ji'i̱ ma̱ cha' xtyucua Ni ji'i̱ cu'ma̱, bi' cha' tso'o la si chcui' ma̱ lo'o ycui' Ndyosi cha' xtyucua Ni ji'i̱ ngu' tyaala bi'.

1 PEDRO 4:19

Ndyiji xi cha' ti'í ji'i̱ ma̱ juani chacuayá' ji'i̱ ycui' Ndyosi. Cua jlo ti' Ni cha' bi', pana ná culati'i̱ Ni ji'na si jua'a̱. Ntsu'u cha' tya cua'ni na xcui' cha' tso'o, cha' ña'a̱ ti xñi na cha' ji'i̱ ycui' Ni nu ngüiñá lcaa lo na, masi nchcube' na; chañi cha' cña'a̱si̱i̱ Ni ji'na li'.

APOCALIPSIS 19:11

Lo'o li' na'a̱ na' cha' ntucua yaala to' tyuu ni'i̱ ca su ntucua ycui' Ndyosi; ca bi' ndu̱ sca cuayu ngati̱, jua'a̱ ntucua sca ñati̱ hichu̱' ni'. Nacui̱ lcaa ngu' ca su ntucua ycui' Ndyosi cha' ñati̱ tso'o laca nu bi', cha' chañi tsa laca cha' nu nchcui' Ni lo'o ñati̱. Liñi tsa cha' nu nda Ni lo'o ndyu'ni cuayá' Ni ji'i̱ ñati̱. Liñi tsa ndu'ni Ni lo'o ñati̱ lo'o ndya'a̱ Ni cusu̱u̱.