1 PEDRO 2:20 - Chatino Tataltepec

²⁰ Si quiji'i̱ xu'na msu ji'i̱ sca msu ji'i̱ xqui'ya cha' ngua'ni msu bi' sca cha' cuxi, ná sca cha' laca li'; nga'a̱ cha' chcube' msu bi'. Pana cuentya ji'i̱ ycui' Ndyosi, tso'o tsa ndu'ni sca msu si talo tyiquee msu bi' lo'o xcube' xu'na yu ji'i̱ yu laja ti, nu lo'o tso'o tsa ndaquiya' msu bi' ji'i̱ cña ji'i̱ xu'na yu.

1 PEDRO 2:20 ပူးပေါင်းရင်းမြစ်များ

SAN MATEO 26:67

Li' ngutu'u hitya sañi' ngu' loo Jesús, ngujui'i̱ ngu' ndacu̱' ji'i̱; jua'a̱ ntsu'u xa' la ngu' nu ngujui'i̱ ya' saca' Jesús.

SAN MATEO 5:47

Lo'o chcui' ma̱ cha' tso'o sca ti lo'o tya'a tso'o ma̱, ná tso'o bi', cha' la cui' jua'a̱ ndu'ni cua ña'a̱ ca ñati̱; masi ngu' nu ná ntsu'u cha' ji'i̱ lo'o ycui' Ndyosi tsiya' ti, lo'o ngu' bi' nchcui' tso'o lo'o tya'a tso'o ngu'. Quiña'a̱ la cha' tso'o cua'ni ma̱ nti' ycui' Ndyosi.

SAN MARCOS 14:65

Li' nguxana ngu' ndyu'ni lya' ti' ngu' ji'i̱ Jesús; ngutu'u hitya sañi' ngu' loo yu, jua'a̱ ndyiji'i̱ ngu' ji'i̱ laja lo'o ndyacu̱' loo yu lo'o sca late'. ―Juani ni, cua'ni nu'u̱ cha' ca tii nu'u̱ ―nacui̱ ngu' ji'i̱ Jesús li'―, cacha' nu'u̱ ji'i̱ ya, ¿tilaca laca nu ngujui'i̱ hi̱? Lo'o nu ngu' nu ndu̱ cua̱ bi', ngujui'i̱ ngu' ndacu̱' ji'i̱ yu li'.

SAN LUCAS 6:32

’Jlo ti' na' cha' tso'o ntsu'u tyiquee ma̱ ña'a̱ ma̱ ji'i̱ cua laca ti ñati̱ nu jua'a̱ tso'o nti' ngu' ña'a̱ ngu' ji'i̱ ma̱; pana lo'o ñati̱ cuxi, taca ji'i̱ ngu' cua'ni ngu' tsa lo cua ti cha'. Cua nti' Ni cha' ña'a̱ tso'o ma̱ ji'i̱ cua ña'a̱ ca ñati̱, ni si'i sca ti ji'i̱ tya'a tso'o ti ma̱.

1 CORINTIOS 4:11

Masi la cui' tyempo juani ti ntsu'u quiya' lo'o ná ndyiji na cacu ya, ná ndyiji na co'o ya, masi late' cusu̱ lacu' ya ntsu'u quiya'; ntyiji'i̱ ngu' ji'i̱ ya, ni ná ntsu'u tyi cua, xcui' na ndya'a̱ yu'u ti ya.

GÁLATAS 4:18

Tso'o tsa si lo'o xa' la ñati̱ culu'u ngu' la xi cha' liñi ji'i̱ ma̱, si ntsu'u cha' tso'o tyiquee ngu' ña'a̱ ngu' ji'i̱ ma̱. Tso'o si jua'a̱ caca tyucui tyempo, masi ndi'i̱ na' lo'o ma̱, masi ná ndi'i̱ na'.

EFESIOS 5:10

Clyana ma̱ cua ña'a̱ ca cha' tso'o nu nti' ycui' nu Xu'na na cha' cua'ni ma̱, lo'o li' cua'ni cha'a̱ ma̱ cha' tso'o bi'.

FILIPENSES 4:18

Ndi'ya̱ xacui̱ na' cha' ji'i̱ ma̱ juani: Cua quiña'a̱ tsa na nda ma̱ 'na, bi' cha' cua nti' tsa na' tya na' tsa xlya'be ji'i̱ ma̱; nga'aa ntsu'u chaca na nu lyiji 'na tsiya' ti juani, tya lo'o ya̱a̱ yu Epafrodito, ya̱lo'o yu lcaa cha' tso'o nu cua nda ma̱ 'na. Ñi'ya̱ laca sca msta̱ nu ndiya tsa ti' ycui' Ndyosi ji'i̱, cha' tyixi tsa xtyi'i nda bi' nu ndacui lcua ti se'i̱, jua'a̱ laca cha' tso'o nu nda ma̱ 'na cuentya ji'i̱ ycui' Ndyosi.

1 PEDRO 2:19

Tso'o tsa ndyu'ni sca msu nu laca ñati̱ ji'i̱ ycui' Ndyosi, nu lo'o ndalo tyiquee msu bi' ji'i̱ xu'na yu, masi xña'a̱ tsa xu'na yu, masi cha' laja ti xcube' xu'na yu ji'i̱ yu.

1 PEDRO 3:14

Pana si ntsu'u quiya' nu cua'ni lya' ti' ngu' ji'i̱ ma̱ xqui'ya sca cha' tso'o nu ndyu'ni ma̱, tso'o la si ná caca xñi'i̱ ti' tyiquee ma̱ li'; ná cube ti' ma̱, ná cutsi̱i̱ ma̱ ji'i̱ ngu' bi'.

1 PEDRO 3:17

Si ntsu'u cha' chcube' na, tso'o la xcube' ngu' ji'na xqui'ya sca cha' tso'o nu ndyu'ni na, si ta ycui' Ndyosi chacuayá' ji'i̱ ngu'; pana si ngua'ni na sca cha' cuxi, liñi tsa ndyu'u cha' si xcube' ngu' ji'na li'.