1 PEDRO 2:17 - Chatino Tataltepec

¹⁷ Tso'o si tucuá ma̱ cha' nu nchcui' lcaa ñati̱. Lo'o jua'a̱ cua'ni ma̱ cha' tso'o ti caca tyiquee ma̱ ña'a̱ ma̱ ji'i̱ lcaa ñati̱ ji'i̱ Cristo, cha' tya'a ma̱ laca ngu' bi'. Ndu'ni cha' cutsi̱i̱ ma̱ xi ji'i̱ ycui' Ndyosi, lo'o jua'a̱ ndu'ni cha' cua'ni chi̱ ma̱ loo rey nu laca loo tsiya' ti chalyuu.

1 PEDRO 2:17 ပူးပေါင်းရင်းမြစ်များ

SAN MATEO 22:21

―Xtañi rey tlyu nu ndi'i̱ xa' tsu', bi' nga'a̱ chu̱' cñi cua ―nacui̱ ngu' li'. ―Tso'o ―nacui̱ Jesús li'―, ji'i̱ rey tlyu bi' tya ma̱ cñi cña loo nu nga'a̱ cha' ta ma̱ ji'i̱ lacua, lo'o jua'a̱ ji'i̱ ycui' Ndyosi tya ma̱ lcaa na nu ntsu'u cha' tya ma̱ ji'i̱ Ni.

SAN JUAN 13:35

Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

ROMANOS 13:7

Tya ma̱ ji'i̱ ngu' laca cña lcaa na nu ntsu'u chacuayá' ji'i̱ ngu' cha' jña ngu' ji'i̱ ma̱. Ná tyacui ma̱ cñi cña loo, ni ná tyacui ma̱ cñi ji'i̱ sca cña nu cua ngua'ni ngu'; tya ma̱ caya' bi' ji'i̱ ngu'. Lo'o jua'a̱ cua'ni tlyu ma̱ ji'i̱ ngu' bi', cua'ni chi̱ ma̱ loo ngu', tucuá ma̱ cña ji'i̱ ngu' bi'.

2 CORINTIOS 7:1

Cu'ma̱ ngu' tya'a na, nu ntsu'u tsa tyiquee na' ña'a̱ na' ji'i̱ ma̱, jua'a̱ laca cha' nu cua nda ycui' Ndyosi lo'o na, cha' nu caca ji'na nde loo la. Bi' cha' lacua, ntsu'u cha' cua'ni tye na ji'i̱ lcaa cha' cuxi nu nti' cua'ni ñu'u̱ ji'i̱ cresiya ji'na, ji'i̱ tyucui ña'a̱ na. Lo'o jua'a̱ lye tsa cua'ni na cña cha' caca na ñati̱ ji'i̱ ycui' Ni; na laca nu cua'ni na nde chalyuu, cua'ni na ji'i̱ ñi'ya̱ nti' si cua ndu̱ ycui' Ndyosi ña'a̱ Ni ji'na.

EFESIOS 5:21

Taquiya' tso'o ma̱ ji'i̱ clyo'o ma̱ xqui'ya ycui' Ndyosi.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 TIMOTEO 6:1

Lcaa ñati̱ ji'i̱ Jesucristo nu laca msu nu ngüi'ya ñati̱ ntsu'u cha' cua'ni chi̱ ngu' loo xu'na ngu', masi ti'i̱ tsa cña nu nda xu'na ji'i̱. Li' ná caca chcui' cuxi ngu' ji'i̱ ycui' Ndyosi xqui'ya msu bi', ni ná caca chcui' cuxi ngu' ji'i̱ cha' ji'i̱ Jesucristo nu nclu'u na.

HEBREOS 13:1

Ña'a̱ ti tyu'u tso'o tyiquee ma̱ ña'a̱ ma̱ ji'i̱ ngu' tya'a ngusñi ma̱ cha' ji'i̱ Cristo, cua'ni ma̱ cha' tso'o lo'o ngu' bi'.

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

1 PEDRO 2:13

Xqui'ya Jesucristo nu Xu'na na tucuá ma̱ cha' ji'i̱ lcaa ngu' nu laca loo, masi rey nu laca loo tsiya' ti ji'i̱ nasiyu̱ re,

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.