’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.
1 PEDRO 1:8 - Chatino Tataltepec8 Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱. အခန်းကိုကြည့်ပါ။ |
1 PEDRO 1:8
37 ပူးပေါင်းရင်းမြစ်များ
Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.
―¿Ha ycui' Ndyosi laca Sti cu'ma̱ lacua? ¿Ni cha' laca ná ntsu'u tyiquee ma̱ ña'a̱ ma̱ jna' lacua? ―nacui̱ Jesús―. Nde slo ycui' Ndyosi ngutu'u na'; xqui'ya Ni, bi' cha' ndi'i̱ na' nde chalyuu ―nacui̱ Jesús―. Si'i cuentya ji'i̱ ycui' ca ti na' lijya̱ na' chalyuu, ngulo ycui' Ndyosi cña jna' cha' ca̱a̱ na'.
Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.
Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;
Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.
Jlya ti' jyo'o Moisés bi' ji'i̱ ycui' Ndyosi, bi' cha' ngutu'u yu loyuu Egipto bi'; ná ndyutsi̱i̱ yu masi ngunasi̱' tsa rey xña'a̱ bi' li', ni ná nguta'a̱chu̱' Moisés tsiya' ti. Ndyalo'o yu ji'i̱ ngu' Israel tyucui̱i̱ tyijyu', ñi'ya̱ si ndyaa lca'a̱ yu ji'i̱ ycui' Ndyosi, masi ná nchca ña'a̱ na ji'i̱ ycui' Ni.
Lo'o cu'ma̱ ni, ndulo tsa cha' ji'i̱ quee bi' cuentya ji'i̱ ma̱, cu'ma̱ nu ngusñi ma̱ cha' ji'i̱ ycui' Ndyosi; pana cuxi tsa cha' caca ji'i̱ ñati̱ nu ná jlya ti' ji'i̱ ycui' Ndyosi tsiya' ti. Ndi'ya̱ nscua cha' lo quityi cha' ji'i̱ quee bi': Cua nguxcua̱a̱ cuityi ni'i̱ quee tonu bi' clyo, cha' ná tso'o ña'a̱ quee bi' ngua ti' ngu'; pana juani cua ngujui cña nu cua'ni quee bi', cha' ndu̱ su ndulo la cha' ji'i̱ cuentya ji'i̱ ycui' Ndyosi.
ကြော်ငြာတွေ