1 PEDRO 1:6 - Chatino Tataltepec

⁶ Bi' cha' caca chaa ti' ma̱ juani, cha' tso'o tsa ntsu'u tyiquee ma̱, masi ntsu'u quiya' xñi'i̱ ti' ma̱ xqui'ya lcaa lo cha' ti'í nu ndyacua ji'i̱ ma̱; pana xti ti tyempo nu ca xñi'i̱ ti' ma̱.

1 PEDRO 1:6 ပူးပေါင်းရင်းမြစ်များ

SAN MATEO 11:28

Lcaa cu'ma̱ nu nga'aa talo ma̱ cha' ti'i̱ tsa cña nu ntsu'u ji'i̱ ma̱ nde chalyuu, nti' ma̱, ca̱a̱ ma̱ tyu'u cha' ji'i̱ ma̱ lo'o na' juani; ta na' chacuayá' cha' ti̱ ti tyi'i̱ tyiquee ma̱ li'.

SAN MATEO 26:37

Li' tya ndyaa la xi Jesús lo'o Pedro lo'o tyucuaa sñi' Zebedeo. Ngua'ya sca cha' nu xñi'i̱ tsa ti' Jesús xqui'ya cña tlyu nu cua tyacua ti ji'i̱.

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

SAN LUCAS 1:47

Ca chaa ti' cresiya jna' xqui'ya ycui' Ndyosi nu ngua'ni lyaá jna'.

SAN LUCAS 10:20

Pana ná ntsu'u cha' ca chaa ti' ma̱ cha' ndaquiya' cui'i̱ cuxi bi' ji'i̱ cña nu ngulo ma̱ ji'i̱, tso'o la ca chaa ti' ma̱ cha' cua nscua xtañi ma̱ ca su ntucua ycui' Ndyosi nde cua̱.

SAN LUCAS 2:10

Pana nchcui' xca̱ bi' lo'o ngu': ―Ná cutsi̱i̱ ma̱ tsiya' ti ―nacui̱―. Cua lijya̱ na' re cha' ta na' sca cha' tso'o lo'o ma̱ ―nacui̱―. Tso'o tsa caca tyiquee lcaa ñati̱ xqui'ya cha' nu ta na' lo'o ma̱ juani ―nacui̱ xca̱ ji'i̱ ngu' bi'―.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

ROMANOS 12:12

Ndu'ni cha' tso'o tsa caca tyiquee ma̱ lo'o jatya ma̱ ji'i̱ ycui' Ndyosi cha' ca̱a̱ Ni cua'ni lyaá Ni ji'i̱ ma̱. Ná xtyanu ma̱ ji'i̱ cha' bi', masi ti'í tsa xcube' ngu' ji'i̱ ma̱ su ndi'i̱ ma̱ chalyuu. Lcaa tsa̱ chcui' ma̱ lo'o ycui' Ndyosi Sti na.

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

ROMANOS 5:2

Tso'o tsa ndyu'ni ycui' Ndyosi lo'o na chacuayá' ji'i̱ Cristo, nu lo'o ngusñi na cha' ji'i̱ nu Cristo bi'. Ngua'ni Ni cha' ntsu'u cha' ji'na lo'o ycui' Ni, bi' cha' nga'aa ntsu'u cha' tya'a̱chu̱' na ji'i̱ Ni; tso'o tsa ntsu'u tyiquee na, cha' jlo ti' na cha' ca tiya' la caja sca se'i̱ nu tso'o tsa su tyi'i̱ na ca su ntucua ycui' Ndyosi, cha' jua'a̱ tso'o ti ndu'ni Ni lo'o na.

ROMANOS 9:2

Xñi'i̱ tsa ti' na', ti'í tsa ntsu'u tyiquee na' xqui'ya ngu' judío tya'a na';

2 CORINTIOS 4:17

Si'i na tlyu tsa cha' ti'í nu ndyacua ji'na chalyuu re juani, xti ti tyempo talo cha' ti'í bi'; pana tiya' la ni, tlyu tsa cha' tso'o nga'a̱ cha' tyacua ji'na ca slo ycui' Ndyosi, lo'o ná nga'a̱ cha' tye bi' tsiya' ti. Ná stu'ba cha' ti'í re lo'o cha' tso'o nu nga'a̱ cha' tyacua ji'na nde loo la.

2 CORINTIOS 6:10

Masi xñi'i̱ tsa ti' ya xqui'ya cha' ti'í nu ndyacua ji'i̱ ya tu'ni, pana ña'a̱ ti chaa ti' ya; ti'i tsa ya tu'ni, pana ndyiji juersa ji'i̱ ya cha' xtyucua ya ji'i̱ tyu̱u̱ tya'a ñati̱. Masi ná sca na ntsu'u ji'i̱ ya tsiya' ti lo'o ndi'i̱ ya nde chalyuu; pana ycui' Ndyosi nxtyucua ji'i̱ ya, lcaa na ntsu'u ji'i̱ ya li'.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

FILIPENSES 2:26

Tiji̱' tsa ti' yu ji'i̱ cu'ma̱, bi' cha' nti' yu ca̱a̱ na'a̱ yu ji'i̱ ma̱ chaca quiya'; ngulacua tsa ti' yu lo'o ngujui cha' ji'i̱ yu cha' cua ndyuna ma̱ cha' quicha tsa yu.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

FILIPENSES 4:4

Nti' na' cha' lcaa tsa̱ caca chaa ti' ma̱ xqui'ya ycui' nu Xu'na na; masi tucua quiya' chcui' na' cha' bi' lo'o ma̱: Nti' na' cha' caca chaa ti' ma̱.

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

SANTIAGO 1:2

Cu'ma̱ tya'a ngusñi na cha' ji'i̱ Cristo, si lye tsa nti' ma̱ xqui'ya cua ña'a̱ ca lo cha' ti'í nu ndyacua ji'i̱ ma̱, ná xñi'i̱ tsa culacua ti' ma̱ li'; pana tso'o tsa caca tyiquee ma̱ li',

SANTIAGO 1:9

Tso'o ti caca tyiquee ngu' ti'i tya'a ngusñi na cha' ji'i̱ ycui' Ndyosi; xtyucua Ni ji'i̱ ngu' bi', cha' tso'o la tyi'i̱ ngu' nde loo la, masi nchcube' tsa ngu' su ndi'i̱ ngu' juani ti.

SANTIAGO 4:9

Ntsu'u cha' ca xñi'i̱ ti' ma̱ xqui'ya nu quiña'a̱ tsa cha' cuxi nu ntsu'u ne' cresiya ji'i̱ ma̱, bi' cha' ndu'ni cha' xi'ya ma̱, ndu'ni cha' cunaa ma̱ xqui'ya cha' cuxi bi'. Xi'ya ca ma̱ juani, masi nxtyí tsa ma̱ nquicha'; ca xñi'i̱ tsa ti' ma̱ juani, masi chaa tsa ti' ma̱ nquicha'.

1 PEDRO 3:17

Si ntsu'u cha' chcube' na, tso'o la xcube' ngu' ji'na xqui'ya sca cha' tso'o nu ndyu'ni na, si ta ycui' Ndyosi chacuayá' ji'i̱ ngu'; pana si ngua'ni na sca cha' cuxi, liñi tsa ndyu'u cha' si xcube' ngu' ji'na li'.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.