1 PEDRO 1:18 - Chatino Tataltepec

¹⁸ Cua ngua'ni lyaá Ni ji'i̱ ma̱ ji'i̱ lcaa cha' cuxi nu ntsu'u ji'i̱ ma̱, bi' cha' nga'aa ntsu'u cha' cube ti' ma̱ ji'i̱ lcaa cha' nu nguxtyanu jyo'o cusu' ji'na cha' cua'ni na. Nda jyo'o cusu' bi' cha' bi' lo'o na, masi jlo ti' ngu' bi' cha' ná caja ñi'ya̱ nu clyaá na ji'i̱ qui'ya nu ntsu'u ji'na lo'o cha' bi'. Pana cua nda ycui' Ndyosi caya' cha' tyu'ú na su lubii juani; si'i cñi plata laca cha' bi', ni si'i cñi oro laca nu nda Ni, cha' si cñi laca bi' ni, quiñu'u̱ bi' masi chalyuu juani ti.

1 PEDRO 1:18 ပူးပေါင်းရင်းမြစ်များ

SAN MARCOS 8:37

Ná taca ta ngu' caya' cha' caja la chalyuu ji'i̱ ngu'.

ROMANOS 1:21

Masi nslo ngu' cuxi bi' tilaca laca ycui' Ni, ná ntaja'a̱ ngu' bi' cua'ni tlyu ngu' ji'i̱ Ni; masi ycui' Ndyosi laca Ni, ná ndya ngu' bi' xlya'be ji'i̱ Ni. Xcui' cha' cuxi ti ntsu'u tyiquee ngu'. Ngüichi̱ yaa cha' hique ngu' cha' ná ntaja'a̱ ngu' xñi ngu' cha' liñi bi'.

1 CORINTIOS 3:20

Lo'o ndi'ya̱ laca cha' nu nscua chaca se'i̱ lo quityi bi': “Cua jlo ti' ycui' Ndyosi cha' ná tso'o tsiya' ti cha' nu nchcui' ñati̱ chalyuu nu nchca tsa ji'i̱ ndu'ni”.

1 CORINTIOS 7:23

Quiña'a̱ tsa cha' tso'o ngua'ni ycui' Ndyosi cuentya ji'na, cha' ngulaá ma̱ ji'i̱ nu xña'a̱; bi' cha' ná ta ma̱ chacuayá' ji'i̱ ñati̱ chalyuu ti nu nti' cua'a ji'i̱ ma̱ cha' ná tyi'i̱ tso'o ti ma̱.

GÁLATAS 1:4

La cui' Jesús laca nu nda ji'i̱ ycui' ca lo'o ngujuii yu cha' cuityi̱ qui'ya nu ntsu'u ji'na, cha' jua'a̱ cua'ni lyaá Ni ji'na nde chalyuu su ngunu'u̱ tsa tyiquee ñati̱ xqui'ya cha' cuxi; ngulo ycui' Ndyosi Sti na cña ji'i̱ Jesús, li' ngua'ni yu cña bi' cuentya ji'na.

EFESIOS 4:17

Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

HEBREOS 9:12

Ndi'ya̱ ña'a̱ cña nu ngua'ni Cristo cuentya ji'na, nu lo'o ndyaa Ni la cui' ca su tacati tsa ca su ntucua ycui' Ndyosi: ná nguta'a̱ Ni lo'o tañi chivo lo'o tañi chqueru, cha' scui̱ Ni tañi bi' nde slo ycui' Ndyosi cha' cati̱ qui'ya nu ntsu'u ji'na; pana ngujuii Cristo lo crusi, ndye tañi ycui' yu ndyalú cuentya ji'i̱ qui'ya nu ntsu'u ji'na. Bi' cha' sca ti quiya' tsiya' ti ngua'ni lyaá Cristo ji'na, lo'o jua'a̱ ná nga'a̱ cha' tye cha' ngulaá na ji'i̱ nu cuxi, xqui'ya cña nu ngua'ni Ni cuentya ji'na.

1 PEDRO 1:7

Ndyacua cha' ti'í ji'i̱ ma̱ jua'a̱, cha' taca cua'ni cuayá' Ni ji'i̱ ma̱, si chañi cha' ngusñi ma̱ cha' ji'i̱ ycui' Ni. Jlo ti' ma̱ cha' quiña'a̱ tsa nga'a̱ chcua̱ oro; pana hora ti ndu'ni cuayá' ngu' ji'i̱ oro bi' lo'o quii' cha' tyalá bi', cha' ña'a̱ ngu' si chañi cha' xcui' oro laca bi'. Nde loo la quiñu'u̱ chcua̱ oro, tye cha' ji'i̱, masi quiña'a̱ tsa cña ngua'ni ngu' cha' tyubii oro bi' tya clyo; pana nu cha' ji'i̱ Jesús nu cua ngusñi ma̱ ni, ndulo tsa cha' bi' cuentya ji'i̱ ycui' Ndyosi. Masi quiña'a̱ tsa chcua̱ oro caja ji'na, ná stu'ba tsiya' ti cha' ji'i̱ bi' lo'o ycui' Jesús. Lo'o ndye ndalo ma̱ ji'i̱ lcaa cha' ti'í nu ndyacua ji'i̱ ma̱ xqui'ya cha' ngusñi ma̱ cha' ji'i̱ Ni, li' tso'o tsa cha' nu caja ji'i̱ ma̱ lo'o tyu'u tucua ycui' Jesucristo ca̱a̱ chaca quiya'; ta Ni sca su tso'o cha' tyi'i̱ ma̱ slo ycui' Ni laja xee nu ndubi tsa ca su ntucua ycui' Ni.

1 PEDRO 4:3

Tyempo nu nteje tacui, cua ngua'ni ma̱ lcaa cha' cuxi ñi'ya̱ nu ndiya ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Cuayá' tsa lo cua ti cha' cuxi: bi' cha' nga'aa cua'ni suba' ma̱ lo'o tya'a ñati̱ ma̱ juani, nga'aa cua'ni ma̱ lcaa lo cha' cuxi nu ndiya ti' ma̱ cua sa'ni la; nga'aa caca cu'bi ma̱, nga'aa tyeje tacui ma̱ cuayá' cacu ma̱, co'o ma̱, ñi'ya̱ nu ndyu'ni ngu' nu ná ndube ti' lo'o ndya'a̱ ngu' bi' ta'a; nga'aa cua'ni tlyu ma̱ ji'i̱ lcui̱ jo'ó, cha' suba' tsa cha' bi' cuentya ji'i̱ ycui' Ndyosi.

1 JUAN 3:5

Cua jlo ti' ma̱ cha' cua ya̱a̱ Jesucristo chalyuu cha' cuityi̱ Ni qui'ya nu ntsu'u ji'i̱ ñati̱; pana ycui' Cristo ni, ná ntsu'u qui'ya ji'i̱ yu tsiya' ti.