1 JUAN 5:11 - Chatino Tataltepec

¹¹ Nde laca cha' liñi nu tso'o tsa cha' xñi na ji'i̱, cha' cua nda ycui' Ndyosi chalyuu nu ná nga'a̱ cha' tye ji'na; Jesucristo laca nu ngulu'u ji'na ñi'ya̱ caca chalyuu bi'.

1 JUAN 5:11 ပူးပေါင်းရင်းမြစ်များ

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 1:4

Ca slo ycui' Ndyosi ndu'u yu bi' ya̱a̱ cha' caca tso'o cresiya ji'i̱ ñati̱ chalyuu na. Ngua'ni yu cha' caca cuayá' ti' na lcaa cha' liñi, xqui'ya xee nu ta Ni cha' tyanu ne' cresiya ji'na.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN JUAN 12:50

Jlo ti' na' cha' talo tsa lcaa cña nu nda Sti na' cha' cua'ni ma̱, ná nga'a̱ cha' tye chalyuu ji'i̱ ma̱ si taquiya' ma̱ ji'i̱ cha' bi' ―nacui̱ Jesús ji'i̱ ngu'―. Bi' cha' tsa ña'a̱ cha' nu cua nchcui' Sti na' lo'o na', bi' laca cha' nu nchcui' na' lo'o ma̱ juani.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

SAN JUAN 19:35

Lo'o na' nu nscua̱ quityi re, Juan laca na', na'a̱ na' cha' jua'a̱ ña'a̱ ngua cha' bi'. Chañi cha' jlo ti' na', bi' cha' nchcui' na' cha' liñi lo'o cu'ma̱, cha' lo'o ma̱ taca jlya ti' ma̱ cha' bi'.

SAN JUAN 3:36

Lo'o xñi ñati̱ cha' ji'i̱ Jesús, Sñi' ycui' Ndyosi, ná nga'a̱ cha' tye chalyuu tso'o nu ta Ni ji'i̱ ngu' bi'. Pana ñati̱ nu ná taquiya' tsiya' ti ji'i̱ cha' nu nchcui' Jesús, ná ta Ni chalyuu tso'o ji'i̱ ngu' bi'; xcube' tsa Ni ji'i̱ ngu' bi' li'.

SAN JUAN 4:36

Caja xcaya' msu 'na nu cua'ni clacua bi', ni ná nga'a̱ cha' tye cña nu cua'ni msu bi'. Lo'o li' stu'ba ti caca chaa ti' ngu' bi' lo'o ngu' nu cua ngusañi si'yu, la cui' ñati̱ nu ngusañi cha' tso'o ji'i̱ ycui' Ndyosi lcaa su ndi'i̱ ñati̱ tya clyo la; stu'ba ti caca chaa ti' ngu' bi' lo'o ñati̱ nu cua na'a̱ lo'o ndyatí̱ ca cha' bi' ne' cresiya ji'i̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱―.

SAN JUAN 4:4

Nu lo'o ndyaa Jesús tyucui̱i̱, nteje tacui yu nde loyuu su cuentya Samaria.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN JUAN 5:26

Nchca ji'i̱ ycui' Ndyosi Sti na' cua'ni cha' xtyacui cresiya ji'i̱ ngu' cuxi bi', nchca ji'i̱ Ni ta Ni chalyuu nu ná nga'a̱ cha' tye ji'i̱ ngu'. Lo'o jua'a̱ stu'ba nchca jna' lo'o Sti na', cha' cua nda Sti na' chacuayá' cha' cua'ni na' jua'a̱ ―nacui̱ Jesús―.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

SAN JUAN 6:47

Liñi tsa cha' nu nda na' lo'o ma̱ juani, cha' ñati̱ nu ngusñi cha' ji'i̱ ycui' Ndyosi ni, cua laca ngujui chalyuu nu ná nga'a̱ cha' tye ji'i̱ ngu' ―nacui̱―.

SAN JUAN 6:68

Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

ROMANOS 5:21

Nu cuxi laca loo ji'na, bi' cha' ndyijii na; pana juani nti' ycui' Ndyosi caca Ni loo ji'na, cha' tya'na tsa ti' Ni ji'na. Lo'o caca tso'o cresiya ji'na cuentya ji'i̱ Ni, li' ta Ni sca chalyuu nu ná nga'a̱ cha' tye ji'na xqui'ya Jesús nu Xu'na na.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

1 TIMOTEO 1:16

Ngüi'ya tsa Jesucristo cha' clyu ti' 'na lo'o ngüityi̱ Ni qui'ya nu ntsu'u 'na, cha' culu'u ycui' Ndyosi ji'i̱ xa' la ñati̱ ñi'ya̱ caca xñi ngu' cha' ji'i̱ Ni. Ñi'ya̱ lo'o tya'na ti' Jesús jna' tya clyo, jua'a̱ ca tya'na ti' Ni ji'i̱ lcaa ñati̱ nu xñi cha' ji'i̱ Jesús ca nde loo la, cha' si jlya ti' ngu' ji'i̱ Ni, ná nga'a̱ cha' tye chalyuu ji'i̱ ngu' li'.

TITO 1:2

lo'o jua'a̱ taca jatya na ji'i̱ chalyuu nu ná nga'a̱ cha' tye ji'na li'. Ná cuiñi ycui' Ndyosi. Sa'ni tsa nchcui' Ni cha' caja chalyuu bi' ji'na, tya lo'o ngüiñá Ni chalyuu; tya li' nda Ni cha' lo'o ñati̱ ji'i̱ Ni nde chalyuu cha' taca tyi'i̱ ngu' slo Ni.

1 JUAN 2:25

Bi' laca cha' nu ngüiñi ji'i̱ Jesucristo lo'o na, cha' taca caja chaca chalyuu cucui nu ná nga'a̱ cha' tye ji'na.

1 JUAN 4:10

Nde laca cha' nu nchcui' na' lo'o ma̱: Si'i cha' ntsu'u tyiquee na ña'a̱ na ji'i̱ ycui' Ndyosi, masi ycui' Ndyosi laca nu ntsu'u tsa tyiquee Ni ña'a̱ Ni ji'na tya clyo, bi' cha' nda Ni ji'i̱ Sñi' ycui' ca Ni ya̱a̱ chalyuu cha' ngujuii yu lo crusi, cha' cua ngua cuxi tyiquee na lo'o ycui' Ndyosi nu Xu'na na xqui'ya cha' cuxi nu ngua'ni na; pana Jesucristo nu sca ti Sñi' ycui' Ni, bi' laca nu cua nchcube' cña loo na, ngüi'ya Ni yabe' nu ntsu'u ji'na.

1 JUAN 4:9

Ngulu'u Ni ji'na ñi'ya̱ ntsu'u tsa tyiquee Ni ña'a̱ Ni ji'na, nu lo'o cua nda Ni ji'i̱ nu sca ti Sñi' ycui' ca Ni ya̱a̱ chalyuu, cha' jua'a̱ taca caja chalyuu cucui ji'na.

1 JUAN 5:10

Ñati̱ nu jlya ti' ji'i̱ yu cha' laca yu nu sca ti Sñi' ycui' Ndyosi, ycui' ca ngu' jlo ti' ngu' ne' cresiya ji'i̱ ngu' cha' chañi tsa laca cha' bi'; ñati̱ nu ná ntaja'a̱ tucuá cha' ji'i̱ Ni, cha' laca Jesucristo Sñi' ycui' ca Ni, bi' ngu' laca nu ná jlya ti' tsiya' ti cha' cua nchcui' ycui' Ndyosi cha' ji'i̱ Sñi' ycui' ca Ni. Ñati̱ cuiñi laca ycui' Ndyosi nti' ngu' bi'.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

1 JUAN 5:7

Nde cua̱ ntucua sna tya'a ngu' nu nchcui' cha' chañi laca cha' ji'i̱ Jesús bi': ycui' Ndyosi Sti yu laca tsaca ngu' bi'; jua'a̱ Jesucristo nu ntsu'u tyucui cha' ji'i̱ ycui' Ndyosi ji'i̱, bi' laca chaca; lo'o jua'a̱ Xtyi'i ycui' Ni, chaca laca bi'. Stu'ba ti nchcui' nu ca ta'a sna bi', cha' chañi laca cha' bi'.

3 JUAN 1:12

Tso'o tsa nchcui' lcaa ñati̱ ji'i̱ Demetrio; masi ycui' ca na, lo'o ña'a̱ na ji'i̱ yu nchca cuayá' ti' na cha' tso'o tsa ndyu'ni yu lo'o lcaa ñati̱. Jua'a̱ cuare, nchcui' ya lo'o ma̱ juani cha' chañi tsa cha' nu nchcui' ngu' ji'i̱ yu cha' tso'o tsa tyiquee yu. Cua jlo tso'o ti' ma̱ cha' nchcui' ya cha' liñi lo'o ma̱.

JUDAS 1:21

Bi' cha' lacua, cua'a ma̱ ji'i̱ ycui' ca ma̱; cui'ya ma̱ cuentya ñi'ya̱ nu cua'ni ma̱ nde chalyuu, cha' jlo ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Jatya ma̱ ni jacua' tyalaa tsa̱ lo'o ta ycui' Jesucristo nu Xu'na na chalyuu nu ná nga'a̱ cha' tye tsiya' ti ji'na, cha' tya'na tsa ti' Ni ña'a̱ Ni ji'na.

APOCALIPSIS 1:2

Nde nscua na' lcaa cha' nu cua na'a̱ ycui' na'; jua'a̱ nchcui' liñi na' lo'o ñati̱ ji'i̱ Ni lcaa cha' nu cua nda ycui' Ndyosi lo'o ngu', la cui' cha' tso'o nu nchcui' tsa Jesús ji'i̱ lo'o ñati̱.

APOCALIPSIS 22:1

Lo'o li' ngulu'u xca̱ 'na mala nxna sta'a̱ ji'i̱ ycui' Ndyosi, sta'a̱ bi' laca nu nda chalyuu nu ná nga'a̱ cha' tye ji'na. Lubii tsa ña'a̱ su nxna hitya sta'a̱ bi'. Nde su tlyu su ntucua ycui' Ndyosi, nde su ntucua nu ñi'ya̱ ña'a̱ xlya' bi', ca bi' ntsu'u su̱u̱ sta'a̱ bi';