1 JUAN 4:14 - Chatino Tataltepec

¹⁴ Cua na'a̱ ycui' ya ji'i̱ Jesús. Chañi laca cha' nu nchcui' ya lo'o ma̱ juani, cha' cua nda ycui' Ndyosi Sti Jesús chacuayá' ji'i̱ Sñi' ycui' ca Ni cha' cua'ni lyaá ji'i̱ cua ña'a̱ ca ñati̱ ji'i̱ nu cuxi.

1 JUAN 4:14 ပူးပေါင်းရင်းမြစ်များ

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

SAN JUAN 10:36

¿Ni cha' laca ngusta cu'ma̱ qui'ya jna' slo ycui' Ndyosi lo'o nacui̱ ma̱ cha' nchcui' na' cha' cuxi ji'i̱ ycui' Ni? ―nacui̱ Jesús―. Cua ngusubi Sti na' jna', nda Ni 'na lijya̱a̱ nde chalyuu. ¿Ni cha' laca ná tso'o nti' ma̱ cha' nacui̱ na' cha' nu sca ti Sñi' ycui' Ndyosi laca na'?

SAN JUAN 12:47

Nda na' cha' lo'o ngu'; pana si cuna ngu' cha' bi', lo'o li' ná taquiya' ngu' ji'i̱ cha' bi', si'i na' nu sta̱ qui'ya ji'i̱ ngu' bi' li' ―nacui̱ Jesús―. Ná lijya̱ na' cha' cua'ni cuayá' na' ji'i̱ ñati̱ chalyuu; cha' cua'ni lyaá na' ji'i̱ ngu', bi' cha' lijya̱ na'.

SAN JUAN 3:11

Liñi tsa cha' nu nda na' lo'o nu'u̱. Nu cuare, liñi nchcui' ya ji'i̱ sca cha' nu cua jlo ti' ya, sca cha' nu cua na'a̱ ya, pana ná ntucuá ma̱ tsiya' ti cha' nu nchcui' ya ―nacui̱ yu―.

SAN JUAN 3:32

nda yu cha' liñi lo'o na cuentya ji'i̱ lcaa na nu cua na'a̱ yu, lcaa cha' nu cua ndyuna yu ca bi'. Pana ná ntaja'a̱ ñati̱ xñi cha' nu nda yu lo'o ngu'.

SAN JUAN 3:34

Nda Ni ji'i̱ nu Jesucristo bi' ya̱a̱ chalyuu, lo'o jua'a̱ xcui' cha' ji'i̱ ycui' Ndyosi nda yu lo'o na xqui'ya Xtyi'i ycui' Ndyosi. Lo'o ycui' Ndyosi ni, ná ntsu'u cha' tye cha' ta Ni Xtyi'i ycui' Ni ji'na.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 5:39

Lcaa tsa̱ nchcui' tsa ma̱ lo quityi cusu' ji'i̱ ycui' Ndyosi; nti' ma̱ cha' lo'o chcui' ma̱ lo quityi bi', li' caja chalyuu nu ná nga'a̱ cha' tye ji'i̱ ma̱. Chañi cha' nu nscua lo quityi bi', jua'a̱ taca tyuloo ñati̱ jna' lo'o chcui' ngu' lo quityi bi'.

LOS HECHOS 18:5

Cua ndu'u Silas lo'o Timoteo ca Macedonia, li' ndyalaa ngu' slo Pablo. Lo'o cua ndyalaa ngu' bi', li' lcaa tsa̱ lcaa hora nclyu'u Pablo cha' ji'i̱ Jesús ji'i̱ ngu' judío. Nchcui' yu cha' laca Jesús ycui' Cristo, nu ntajatya tsa ngu' ji'i̱ cha' ca̱a̱ nde chalyuu.

1 PEDRO 5:12

Jlo ti' na' cha' tso'o tsa ngusñi Silvano tya'a na cha' ji'i̱ ycui' nu Xu'na na; yu bi' laca nu nguxtyucua tsa 'na lo'o nguscua ya quityi sube re cha' ca̱a̱ slo cu'ma̱. Nti' na' cha' caca nguula ti' tyiquee ma̱, cha' chañi cha' tlyu tsa cha' tso'o ndu'ni ycui' Ni lo'o na. Jlo ti' na' cha' bi', lo'o jua'a̱ tso'o tsa si lo'o cu'ma̱ tyi'u ti' ma̱ cha' bi', ñi'ya̱ laca lo'o nxtyucua tsa ycui' Ni ji'na lcaa tsa̱.

1 JUAN 4:10

Nde laca cha' nu nchcui' na' lo'o ma̱: Si'i cha' ntsu'u tyiquee na ña'a̱ na ji'i̱ ycui' Ndyosi, masi ycui' Ndyosi laca nu ntsu'u tsa tyiquee Ni ña'a̱ Ni ji'na tya clyo, bi' cha' nda Ni ji'i̱ Sñi' ycui' ca Ni ya̱a̱ chalyuu cha' ngujuii yu lo crusi, cha' cua ngua cuxi tyiquee na lo'o ycui' Ndyosi nu Xu'na na xqui'ya cha' cuxi nu ngua'ni na; pana Jesucristo nu sca ti Sñi' ycui' Ni, bi' laca nu cua nchcube' cña loo na, ngüi'ya Ni yabe' nu ntsu'u ji'na.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.