1 JUAN 3:19 - Chatino Tataltepec

¹⁹ Si jua'a̱ ndu'ni na, li' caca cuayá' ti' na cha' liñi tsa laca cha' nu cua nda ycui' Ndyosi lo'o na, cha' nu jlya ti' na ji'i̱; ca tii na cha' cua ngüiñi tso'o cha' ji'na lo'o ycui' Ndyosi.

1 JUAN 3:19 ပူးပေါင်းရင်းမြစ်များ

SAN JUAN 13:35

Li' caca cuayá' ti' lcaa ñati̱ cha' ñati̱ nu ndyaca tsa'a̱ 'na laca ma̱, si tso'o ntsu'u tyiquee ma̱ ña'a̱ ma̱ ji'i̱ tya'a ñati̱ ma̱ ―nacui̱ Jesús.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

ROMANOS 4:21

cha' jlo ti' yu cha' taca ji'i̱ Ni cua'ni lyiji Ni ji'i̱ cha' nu ngüiñi ji'i̱ Ni lo'o yu.

ROMANOS 8:38

Bi' cha' jlo ti' na' juani cha' nga'aa ntsu'u ni sca na nu caca cua'ni cha' culaya' ycui' Ndyosi ji'na, cha' ntsu'u tsa tyiquee Ni ña'a̱ Ni ji'na; masi cua ngujuii na, masi tya lu'ú na, ná culaya' Ni ji'na. Ni xca̱ ji'i̱ ycui' Ndyosi nu ntucua nde cua̱, ni sca cui'i̱ nu laca loo nde lo yuu, ná nchca ji'i̱ tsiya' ti cua'ni cha' culaya' Ni ji'na. Masi chalyuu su ndi'i̱ na juani, masi chalyuu nu caca nde loo la, ná culaya' Ni ji'na. Ná ntsu'u nu laca loo nde chalyuu nu nchca ji'i̱ culo ji'na ya' nu Xu'na na;

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

HEBREOS 10:22

Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.

HEBREOS 11:13

Ña'a̱ ti jlya ti' lcaa jyo'o bi' ji'i̱ ycui' Ndyosi lo'o ngujuii ngu', masi nga'aa na'a̱ ngu' lo'o ndyu'u tucua lcaa cha' nu nacui̱ Ni cha' caca; pana tso'o tsa ngua tyiquee ngu' bi', cha' nu jlo ti' ngu' cha' cua ngulala ti caca cha' bi', ñi'ya̱ si tsa lyiji ti na'a̱ ngu' ji'i̱. Jlo ti' ngu' cha' tyijyu' ngutu'u ycui' ca ngu' lijya̱ ngu', lo'o ná ntsu'u tyi ngu' lo yuu bi'.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

1 JUAN 2:21

Cua nscua na' quityi re, xqui'ya cha' nchca cuayá' ti' ma̱ ña'a̱ cha' liñi nu ntsu'u ji'i̱ Cristo. Si'i cha' ná jlo ti' ma̱ cha' liñi bi'; cua jlo ti' ma̱ ña'a̱ cha' liñi nu nchcui' na, cha' si'i cha' cuiñi ti laca cha' bi'.

1 JUAN 3:14

Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.

1 JUAN 3:20

Nu lo'o jlo ti' cresiya ji'na cha' ntsu'u qui'ya ji'na, li' taca ca cuayá' ti' na cha' lo'o ycui' Ni jlo ti' Ni cha' bi'. Lo'o jua'a̱ tlyu la laca ycui' Ni, taca ji'i̱ Ni cua'ni lyaá Ni ji'na ji'i̱ cha' cuxi bi'.

1 JUAN 3:21

Cu'ma̱ ngu' tya'a na nu tyaca'a tsa ma̱ 'na, si jlo ti' na cha' ná ntsu'u qui'ya ji'na, tyucui tyiquee na taca chcui' na lo'o ycui' Ndyosi li';