1 JUAN 2:17 - Chatino Tataltepec

¹⁷ Yala ti tye chalyuu re, culiji jua'a̱ ti lcaa cha' cuxi nu ndiya ti' ñati̱ chalyuu; pana ñati̱ nu taquiya' ji'i̱ cha' nu nchcui' ycui' Ndyosi ni, ná nga'a̱ cha' tye chalyuu ji'i̱ ngu' bi'.

1 JUAN 2:17 ပူးပေါင်းရင်းမြစ်များ

SAN MATEO 21:31

¿Ñi'ya̱ nti' cu'ma̱ ni? Nu tyucuaa qui'yu cuañi' bi' ni, ¿tilaca laca nu ngua'ni cña nu ngua ti' sti ngu' cha' cua'ni ngu'? ―Sñi' clyo yu, bi' laca bi' ―nacui̱ ngu' ji'i̱ Jesús li'. ―Chañi cha' ji'i̱ ma̱ ―nacui̱ Jesús ji'i̱ ngu'―. Cha' liñi nchcui' na' lo'o ma̱ juani, cha' ntsu'u ngu' cuxi, ñi'ya̱ nti' nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu', ntsu'u ngu' bi' nu yala la tyatí̱ cha' ji'i̱ ycui' Ndyosi, cha' caca Ni loo ne' cresiya ji'i̱ ngu'; jua'a̱ ntsu'u nu cuna'a̱ calle ti nu yala la tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'. Pana cu'ma̱ ni, tiya' tsa tyalaa cu'ma̱ ca su ntucua ycui' Ni.

SAN MATEO 24:35

Masi tye lcaa na nu ntsu'u nde cua̱, masi tye chalyuu re, pana ná tye tsiya' ti cha' nu nchcui' na' re, cha' xcui' cha' liñi laca cha' nu nchcui' na'.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

SAN MARCOS 3:35

Lo'o jua'a̱ lcaa ñati̱ nu taquiya' ji'i̱ ycui' Ndyosi, nu cua'ni ñi'ya̱ nu nti' ycui' Ni cha' cua'ni ngu', ngu' bi' ndu'ni ñi'ya̱ nti' si laca ngu' xtya'a̱ na', ñi'ya̱ nti' si laca ngu' tya'a na', masi nu qui'yu, masi nu cuna'a̱ ―nacui̱ Jesús.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 6:58

Na' laca̱ nu cha' tso'o nu cacu ngu' bi' ―nacui̱ Jesús ji'i̱ ngu'―, cha' ngutu'u na' nde slo ycui' Ndyosi lijya̱ na' lo yuu; si'i la cui' tya'a na nu ndyacu jyo'o cusu' ji'na lo nati̱' btyi cua sa'ni ―nacui̱―. Nga'aa lu'ú ngu' bi' juani, masi cua ndyacu ngu' cha' bi' nu ngua sa'ni li'; pana lo'o caja cha' tso'o bi' ji'i̱ ma̱ cha' cacu ma̱ ―nacui̱―, ná nga'a̱ cha' tye chalyuu ji'i̱ ma̱ li'.

SAN JUAN 7:17

Si nti' ma̱ cua'ni ma̱ cña nu nti' ycui' Ndyosi cha' cua'ni ma̱, li' caca cuayá' ti' ma̱ mala ngutu'u cha' nu nclyu'u na' ji'i̱ ngu', si slo ycui' Ndyosi ngutu'u cha' bi', si sca cha' nu nda'ya hique ti na' laca cha' bi' ―nacui̱ yu―.

ROMANOS 12:2

Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.

1 CORINTIOS 7:31

masi ntsu'u tsa cha' tso'o ji'i̱ ma̱ nde chalyuu, ná culiji tsa ma̱ tyempo ji'i̱ ma̱ xqui'ya cha' tso'o bi'. Cua lijya̱ ti tye tyucui ña'a̱ chalyuu, lo'o jua'a̱ lcaa na nu ntsu'u chalyuu nga'a̱ cha' tye cha' bi'.

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

COLOSENSES 4:12

Lo'o yu Epafras tya'a quichi̱ tyi ma̱, nda yu xlyo ni'i̱ ji'i̱ ma̱; stu'ba ti ndya'a̱ yu lo cña ji'i̱ Jesucristo lo'o ya. Lcaa tsa̱ ndijña tsa yu cha' clyu ti' ji'i̱ ycui' Ndyosi cuentya ji'i̱ cu'ma̱, ndijña yu chacuayá' ji'i̱ ycui' Ni cha' ná tya'a̱chu̱' ma̱ tsiya' ti cha' ji'i̱ Ni. Ndi'ya̱ nti' yu, cha' tyucui tyiquee ma̱ tsiya' ti cua'ni ma̱ na laca nu nti' Ni cha' cua'ni ma̱ nde lo yuu chalyuu.

1 TESALONICENSES 4:3

cha' ndi'ya̱ nti' ycui' Ndyosi: caca lubii cresiya ji'i̱ ma̱, ná cua'ni suba' ma̱ lo'o ñati̱;

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.

HEBREOS 10:36

Nga'a̱ cha' talo tyiquee ma̱ masi tyiquee', si tya nti' ma̱ cua'ni ma̱ lcaa ña'a̱ cña nu nti' ycui' Ndyosi, si tya nti' ma̱ ña'a̱ ma̱ cha' nu cua nacui̱ Ni cha' caca nde loo la.

SANTIAGO 4:14

Pana ná sca cha' jlo ti' ma̱ tsiya' ti ñi'ya̱ ña'a̱ chalyuu nu caja ji'i̱ ma̱ quee bcha la. Chalyuu su ndi'i̱ na juani, ñi'ya̱ laca sca cuichi coo, jua'a̱ laca bi'; tsiya' ca ndyu'u tucua cuichi coo, lo'o jua'a̱ yala ti ncliji yu'u bi'.

1 PEDRO 1:5

Cua ngusñi ma̱ cha' ji'i̱ ycui' Ndyosi, bi' cha' ndu̱ Ni cua̱ ji'i̱ ma̱ juani cha' ña'a̱si̱i̱ Ni ji'i̱ ma̱. Ná ntsu'u ni sca na nu nguula la juersa ji'i̱, nu taca ji'i̱ tyiji̱loo ji'i̱ ycui' Ndyosi; cua'a Ni ji'i̱ ma̱ ji'i̱ nu cuxi, cha' cua'ni lyaá Ni ji'i̱ ma̱ lo'o tye chalyuu re, cha' cua ndyaa Ni ngua'ni cho'o Ni su tyi'i̱ ma̱ ca slo ycui' Ndyosi.

1 PEDRO 4:2

Lo'o li' nu cha' cuxi nu ndiya ti' ñati̱ chalyuu ni, nga'aa si'i cha' bi' nu caca loo ji'i̱ ma̱ lcaa tsa̱ lo'o ndi'i̱ ma̱ chalyuu; xcui' cña nu ndiya ti' ycui' Ndyosi cha' cua'ni ma̱, bi' laca cña nu cua'ni ma̱, cha' sca ti ycui' Ndyosi caca loo ji'i̱ ma̱ li'.