1 CORINTIOS 9:5 - Chatino Tataltepec

⁵ Lo'o jua'a̱ taca caja clyo'o na' lo'o sca nu cuna'a̱ nu tya'a ngusñi na' cha' ji'i̱ Jesús, cha' tya'a̱ lo'o na' ji'i̱ tyucui̱i̱ lcaa su ndya'a̱ na' tyijyu', ni na' ji'i̱ ngu' bi'. Jua'a̱ ndu'ni tya'a ndya'a̱ na' cña, masi tya'a ycui' nu Xu'na na, masi Pedro, ntsu'u clyo'o ngu' bi'.

1 CORINTIOS 9:5 ပူးပေါင်းရင်းမြစ်များ

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN MATEO 8:14

Ca tiya' la ndyaa Jesús nde ni'i̱ ji'i̱ Pedro. Li' na'a̱ Jesús cha' na ntsiya ti xtya'a̱ laa Pedro lo qui'ña, cha' tlyu tsa tyique' ntsu'u ji'i̱ ma'.

SAN MARCOS 1:30

Li' ndacha' ngu' ji'i̱ Jesús cha' quicha tsa xtya'a̱ laa Simón; tlyu tsa tyique' ntsu'u ji'i̱ ma', ntsiya ti ma' lo qui'ña.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN LUCAS 6:15

jua'a̱ Mateo, jua'a̱ Tomás, jua'a̱ chaca Jacobo sñi' Alfeo, jua'a̱ chaca Simón nu laca ji'i̱ taju ngu' cananista,

SAN LUCAS 8:20

Bi' cha' ndyaa cha' slo Jesús li': ―Nde liya' ndu̱ xtya'a̱ nu'u̱ lo'o tya'a nu'u̱. Cua nti' ngu' chcui' ngu' lo'o nu'u̱ ―nacui̱ ngu' ji'i̱.

SAN JUAN 1:42

Lo'o li' ndyaa lo'o ji'i̱ Simón ca slo Jesús. Ña'a̱ tsa Jesús ji'i̱ Simón bi', ndi'ya̱ nacui̱ yu ji'i̱ li': ―Simón naa nu'u̱ ―nacui̱―, sñi' Jonás laca nu'u̱; pana Cefas ca naa nu'u̱ nde loo la ―ñi'ya̱ nti' na chcui' na cha'cña ji'na: sca quee; stu'ba ti ndyu'u cha' bi' lo'o Pedro.

SAN JUAN 2:12

Tiya' la li' ngutu'u Jesús ndyaa yu nde quichi̱ Capernaum. Ndyaa yu lo'o xtya'a̱ yu, lo'o ngu' qui'yu tya'a yu, lo'o ngu' nu ndyaca tsa'a̱ ji'i̱ yu ndyaa ngu'; pana xti ti tsa̱ ndyanu ngu' ca bi'.

LOS HECHOS 1:14

Stu'ba ti nclacua ti' ngu' bi', lu'ba ti nchcui' ngu' lo'o ycui' Ndyosi. Lo'o tya'a Jesús ndi'i̱ lo'o ngu' bi', lo'o María xtya'a̱ Jesús, lo'o tyu̱u̱ tya'a nu cuna'a̱ nu ndya'a̱ lo'o yu.

ROMANOS 16:1

Lo'o tyalaa ma' Febe slo ma̱, chcui' tso'o ma̱ lo'o ma' xqui'ya ycui' nu Xu'na na, ñi'ya̱ nu nga'a̱ cha' cua'ni ma̱, cha' tya'a ngusñi na cha' ji'i̱ Cristo laca ma' bi'. Tya'a na laca ma' Febe, ndyu'ni ma' cña cuentya ji'i̱ taju ñati̱ ji'i̱ Cristo nu ndi'i̱ quichi̱ Cencrea. Ta ma̱ na nu lyiji ji'i̱ ma' cusu' bi', cha' cua nguxtyucua tsa ma' ji'i̱ quiña'a̱ tsa ñati̱ tya tsubi' la; lo'o jua'a̱ na', cua nguxtyucua tsa ma' jna'.

1 CORINTIOS 1:12

xa' ña'a̱ nchcui' sa scaa ma̱. Ntsu'u sca taju ji'i̱ ma̱ nu nacui̱: “Ji'i̱ Pablo ngusñi ya cha'”; chaca taju ji'i̱ ma̱ nacui̱: “Ñati̱ ji'i̱ Apolos laca ya”; jua'a̱ tya xa' la ngu' taju ji'i̱ ma̱ nacui̱ ngu': “Ñati̱ ji'i̱ Pedro laca ya”; jua'a̱ tya xa' la ngu' nacui̱: “Ñati̱ ji'i̱ Cristo laca ya”.

1 CORINTIOS 7:15

Sca ti cha' ji'i̱ ñati̱ nu ná ntaja'a̱ xñi cha' ji'i̱ Jesús bi', si cua nti' ngu' xtyanu ngu' ji'i̱ clyo'o ngu', si lya' ti' ngu' ji'i̱ clyo'o ngu' cha' ngusñi clyo'o ngu' cha' ji'i̱ Jesús, li' ta ma̱ chacuayá' cha' tyaa ngu' nu ná ngusñi cha' ji'i̱ Jesús bi'. Nu ngu' tya'a na nu ngusñi cha' ji'i̱ Jesús, masi qui'yu, masi cuna'a̱, cua ntsu'u chacuayá' ji'i̱ ma̱ cha' xtyanu ma̱ ji'i̱ clyo'o ma̱, sca ti si jua'a̱ ti taca tyi'i̱ ma̱ ti̱ ti chalyuu. Cua nti' ycui' Ndyosi cha' tyi'i̱ tso'o na chalyuu.

1 CORINTIOS 7:39

Cu'ma̱ ngu' cuna'a̱ nu cua ngujui clyo'o ma̱, ná ntsu'u chacuayá' caja clyo'o lo'o chaca ñati̱ laja lo'o tya lu'ú clyo'o ma̱. Sca ti si cua ngujuii nu qui'yu ji'i̱ ma̱, ca li' ntsu'u chacuayá' caja clyo'o ma̱ chaca quiya'. Taca caja clyo'o ma̱ li' chaca quiya' lo'o cua ña'a̱ ca nu qui'yu nu nti' ma̱, sca ti si lo'o yu bi' laca ñati̱ tya'a ngusñi na cha' ji'i̱ Jesús.

1 CORINTIOS 7:7

cha' cuentya jna' tso'o la si tyanu ngu' ycui' ti ngu' ñi'ya̱ nu ndi'i̱ na', jua'a̱ nti' na'. Pana xi xa' ca ña'a̱ ndu'ni ycui' Ndyosi lo'o scaa ñati̱, cha' cua nda ycui' Ndyosi chacuayá' ñi'ya̱ tyi'i̱ scaa na; tsaca lo ña'a̱ ndi'i̱ tsaca ñati̱, chaca lo ña'a̱ ndi'i̱ chaca ñati̱, tsa ña'a̱ chacuayá' nu nda Ni ji'na.

1 CORINTIOS 7:8

Nde laca cha' nu ta na' lo'o cu'ma̱ nu bilya caja clyo'o ma̱, cuati jua'a̱ lo'o ngu' tya'a na nu ndyanu ti'i ti: tso'o la caca ji'i̱ ma̱ si tyi'i̱ ma̱ ñi'ya̱ nu ndi'i̱ ti na', nti' na'.

GÁLATAS 1:19

Ná na'a̱ na' ji'i̱ xa' tya'a ngu' nu ngua tsa'a̱ ji'i̱ Cristo tya clyo ca bi'; sca ti yu Jacobo tya'a Jesús nu Xu'na na, bi' nu cua na'a̱ na' ji'i̱.

1 TIMOTEO 3:2

Si laca sca ñati̱ loo ji'i̱ ña'a̱ taju tya'a ñati̱ ji'i̱ Jesucristo, li' ntsu'u cha' cua'ni yu xcui' cha' tso'o lo'o ñati̱, cha' ná caja ñi'ya̱ jña ngu' qui'ya ji'i̱ yu li'. Caja clyo'o yu bi' lo'o sca ti nu cuna'a̱; jua'a̱ ntsu'u cha' culacua tso'o ti' yu, cha' cua'a yu ji'i̱ cha' cuxi nu ntsu'u tyiquee ycui' ca yu, cha' tso'o ti tyi'i̱ yu lo'o tya'a ñati̱. Ntsu'u cha' ta yu ni'i̱ ji'i̱ yu lo'o jña ñati̱ nu lijya̱ tyijyu', jua'a̱ ntsu'u cha' ta yu na cacu ngu' bi'. Ntsu'u cha' culu'u yu cha' ji'i̱ ycui' Ndyosi ji'i̱ ñati̱, bi' cha' ná tso'o si ná nchca ji'i̱ yu.

1 TIMOTEO 4:3

Nclu'u ngu' cuiñi bi' cha' ná tso'o caja clyo'o na; nclu'u ngu' cha' ntsu'u tsa na ndacu na nu ná tso'o cacu na, nacui̱ ngu' bi'. Tlyu tsa cha' cuiñi nu nda ngu' bi'. Pana ngüiñá ycui' Ndyosi lcaa na nu ndacu na cha' tso'o ti cacu na ji'i̱, lcaa tya'a na nu ntsu'u cha' ji'na lo'o Jesucristo; bi' cha' tya na xlya'be ji'i̱ ycui' Ndyosi lo'o cua cacu ti na, cha' jlo ti' na cha' tso'o ji'i̱ ycui' Ni.

1 TIMOTEO 5:2

Lo'o sca ma' cusu' ni, ta sca cui̱i̱ lo'o ma' ñi'ya̱ lo'o nchcui' na lo'o xtya'a̱ na; la cui' ti cha' lo'o nu ngu' cuna'a̱ cuañi' ni, ta sca cui̱i̱ lo'o ngu' ñi'ya̱ lo'o nclu'u na ji'i̱ sca nu cuna'a̱ tya'a na. Pana xcui' lubii ti cresiya jinu'u̱ ña'a̱ nu'u̱ ji'i̱ ngu' bi'.

TITO 1:6

Xcui' tso'o ti nga'a̱ cha' cua'ni ngu' cusu' bi', cha' ná taca sta ñati̱ qui'ya ji'i̱ ngu'. Caja clyo'o ngu' bi' lo'o sca ti nu cuna'a̱, ni ná tso'o tyu'u cha' ji'i̱ ngu' bi' lo'o xa' nu cuna'a̱. Ntsu'u cha' xñi sñi' ngu' cusu' bi' cha' ji'i̱ Jesucristo, lo'o jua'a̱ ná cua'ni suba' sñi' ngu' lo'o xa' ñati̱; ntsu'u cha' taquiya' sñi' ngu' ji'i̱ cha' nu nchcui' ngu' cusu'.

HEBREOS 13:4

Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.