1 CORINTIOS 9:21 - Chatino Tataltepec

²¹ Ngu' xa' tsu' ni, ná nga'a̱ cha' taquiya' ngu' ji'i̱ cha' nu laca ji'i̱ ngu' judío. Bi' cha' ñi'ya̱ si laca na' ñati̱ tya'a ngu', jua'a̱ ndi'i̱ na' lo'o ngu' xa' tsu' li', cha' tso'o la xñi ngu' bi' cha' ji'i̱ Cristo. Laja li' ndaquiya' na' lcaa cha' nu nda ycui' Ndyosi Sti na lo'o na, cha' jua'a̱ nga'a̱ cha' caca si taquiya' na ji'i̱ Cristo.

1 CORINTIOS 9:21 ပူးပေါင်းရင်းမြစ်များ

LOS HECHOS 15:28

Nguxtyucua Xtyi'i ycui' Ndyosi ji'i̱ cuare lo'o nchcui' ya lo'o tya'a ya, bi' cha' ndi'ya̱ ti chcui' ya lo'o ma̱ juani, cha' ná tso'o si culo ya xa' la cña tucui ji'i̱ ma̱:

LOS HECHOS 16:4

Nchcui' ngu' lo'o tya'a ñati̱ ji'i̱ Jesús lcaa quichi̱ su ndya'a̱ ngu', cha' ca cuayá' ti' ngu' bi' lcaa ña'a̱ cha' nu nguscua ngu' Jerusalén lo quityi bi'; nguscua ngu' nu ngua tsa'a̱ ji'i̱ Jesús tya clyo lo'o ngu' cusu' quityi bi', cha' ca cuayá' ti' ngu' xa' tsu' lcaa ña'a̱ cña nu ntsu'u cha' cua'ni ngu' nu laca ñati̱ ji'i̱ Jesucristo.

LOS HECHOS 21:25

Lo'o nu ngu' xa' tsu' nu cua ngusñi cha' ji'i̱ Jesucristo ni, cua nguscua ya sca quityi cha' tsaa slo ngu' bi', cha' ca cuayá' ti' ngu' cha' ná ntsu'u cha' cua'ni ngu' lcaa lo cha' nu ntsu'u ji'i̱ ngu' judío tya'a na. Nguscua ya cha' ndi'ya̱: ná tso'o cacu ngu' cuaña' na'ni nu cua nda ngu' cha' caca msta̱ ji'i̱ jo'ó, ni ná tso'o cacu ngu' tañi, ni ná tso'o cacu ngu' na'ni nu ná ndyalú tso'o tañi ni' lo'o ndyujuii ngu' ji'i̱, ni ná tso'o chca'a̱ ngu' lo'o ñati̱ nu si'i clyo'o ngu'.

ROMANOS 2:12

Ngu' xa' tsu' ni, masi bilya cuna ngu' lcaa cha' nu cua nda Moisés lo'o ngu' judío, pana tye cha' ji'i̱ ngu' jua'a̱ ti, si ntsu'u qui'ya ji'i̱ ngu'. La cui' jua'a̱ xcube' ycui' Ndyosi ji'i̱ ngu' judío, nu cua ndyuna cha' liñi nu nda jyo'o Moisés lo'o ngu'; si ntsu'u qui'ya ji'i̱ ngu', cua'ni cuayá' Ni ji'i̱ ngu' cuentya ji'i̱ cha' nu nchcui' Moisés bi' li'. Lo'o jua'a̱ sca ti cuayá' cua'ni cuayá' Ni ji'i̱ lcaa ñati̱ nu ndu'ni cha' cuxi.

ROMANOS 2:14

Ntsu'u ngu' xa' tsu' ni, cua laca ndu'ni ngu' ñi'ya̱ nu nscua lo quityi ji'i̱ ycui' Ndyosi, masi bilya cuna ngu' cha' bi'. Jua'a̱ jlo ti' na cha' nchca cuayá' ti' ngu' bi' ni cña laca nu nti' ycui' Ndyosi, xqui'ya cha' tyucui tyiquee ngu' ndu'ni ngu' tsa ña'a̱ cha' nu nda ycui' Ndyosi lo'o ngu' judío sa'ni la, masi bilya ta Ni cha' lo'o ngu' xa' tsu' bi'; hique ti ngu' bi' nda'ya cha' tso'o nu ndu'ni ngu' lo'o tya'a ñati̱ ngu'. Lo'o jua'a̱ hora ti nda ngu' bi' cuentya cha' qui'ya laca lo'o ndyu'ni ngu' sca cha' cuxi, pana ná ntsu'u cha' culacua ti' ngu' lo'o ndu'ni ngu' sca cha' tso'o.

ROMANOS 7:22

Tyucui tyiquee na' ndiya tsa ti' na' cua'ni na' lcaa cña nu ngulo ycui' Ndyosi ji'na nu ngua sa'ni;

ROMANOS 7:25

Sca ti ycui' Ndyosi Sti na taca ji'i̱ Ni cua'ni lyaá Ni 'na, xqui'ya cña nu ngua'ni Jesucristo nu Xu'na na. ¡Bi' cha' quiña'a̱ tsa xlya'be tya na' ji'i̱ ycui' Ndyosi lacua! Pana tsa bi' ti cha' jlo ti' na', cha' nga'a̱ cha' taquiya' na' ji'i̱ cña nu ngulo ycui' Ndyosi; ná nchca jna' cua'ni lyaá na' ji'i̱ ycui' ca na' cha' ñati̱ chalyuu ti laca na', lo'o jua'a̱ ña'a̱ ti tya ndyu'ni ñati̱ chalyuu cha' cuxi.

ROMANOS 8:4

Lo'o nu juani taca cua'ni na cña nu ngulo Ni ji'na, la cui' cña laca nu nchcui' cha' cusu' bi' cha' cua'ni na; taca cua'ni na ji'i̱ juani, xqui'ya cha' nga'aa caca cojolaqui nu cuxi nu ntsu'u chalyuu ji'na, cha' Xtyi'i ycui' Ndyosi laca loo ji'na lo'o ndi'i̱ na chalyuu juani.

GÁLATAS 3:2

Xacui̱ ma̱ cha' 'na lacua: ¿Ha cua ndyanu Xtyi'i ycui' Ndyosi ne' cresiya ji'i̱ ma̱ juani? ¿Ñi'ya̱ ngua ji'i̱ ma̱ cha' ngujui Xtyi'i ycui' Ndyosi ji'i̱ ma̱ lacua? ¿Ha ngujui Xtyi'i Ni ji'i̱ ma̱ xqui'ya cha' cua ngua'ni ma̱ cña nu nscua lo cha' cusu' bi' cha' cua'ni ma̱? Si'i. Cua jlo ti' ma̱ cha' ngujui Xtyi'i ycui' Ni ji'i̱ ma̱ lo'o ngusñi ma̱ cha' liñi nu cua nda ya lo'o ma̱, cha' ji'i̱ ycui' Cristo.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

HEBREOS 8:10

Lo'o juani nde laca cha' cucui nu cua quiñi ti 'na lo'o ngu' Israel juani, nacui̱ Ni. Nu lo'o tyalaa tyempo, li' cua'ni na' cha' tyanu tso'o lcaa cha' ne' cresiya ji'i̱ ngu', ñi'ya̱ nu chcui' na' lo'o ngu' li'. Tyucui ti' tyiquee ngu' cua'ni ngu' cña 'na li'; caca na' ycui' Ndyosi nu Xu'na ngu' li', lo'o jua'a̱ caca ngu' bi' ñati̱ jna'.