1 CORINTIOS 9:19 - Chatino Tataltepec

¹⁹ Ntsu'u chacuayá' cua'ni na' ni cña laca nu nti' na' cua'ni na'. Ná tucui ndatsaa 'na cha' cua'ni na' cña ji'i̱ ngu' nquicha'; pana nti' na' cha' quiña'a̱ la ñati̱ xñi ngu' cha' ji'i̱ Cristo, bi' cha' nda na' chacuayá' ji'i̱ cua ña'a̱ ca ngu' cha' tatsaa ngu' 'na.

1 CORINTIOS 9:19 ပူးပေါင်းရင်းမြစ်များ

SAN MATEO 18:15

’Nu lo'o ntsu'u ngu' tya'a ma̱ nu ngua'ni sca cha' cuxi lo'o ma̱, li' tsaa ma̱ slo ngu' tya'a ma̱ bi', cha' cuaana ti cacha' ma̱ ji'i̱ ngu' bi' ñi'ya̱ laca cha' cuxi nu ngua'ni ngu' lo'o ma̱. Tso'o tsa li' si tyaja'a̱ ngu' tya'a ma̱ bi' cuna ngu' cha' nu chcui' ma̱ lo'o ngu'; ca xñi'i̱ ti' ngu' li', xqui'ya cha' cua ngua'ni ngu' cha' cuxi bi'. Li' xa' caca stu'ba cha' ji'i̱ ma̱ lo'o ngu' tya'a ma̱ bi'.

ROMANOS 1:14

Cua ngulo Ni cña 'na cha' tsa'a̱ chcui̱' lo'o ngu' xa' tsu', masi ndi'i̱ ngu' bi' quichi̱ tonu, masi ndi'i̱ ngu' tyijyu' la ca ne' quixi̱'; ngulo Ni cña jna' cha' sca ti cha' chcui' na' lo'o ngu', masi lo'o ngu' nu nchca tsa ji'i̱, masi lo'o ngu' nu ná ndyi'ya cuentya tsiya' ti.

ROMANOS 11:14

Nti' tsa na' cha' lo'o xi ngu' judío tya'a na' jña ngu' ji'i̱ ycui' Ndyosi, cha' ta Ni la cui' ti cha' tso'o nu ntsu'u ji'i̱ ma̱ ji'i̱ ngu' judío bi', cha' caca cua'ni lyaá Ni ji'i̱ ngu' bi'.

ROMANOS 15:2

clyana na ñi'ya̱ caca cha' caca tso'o ji'i̱ ngu' tya'a na nu nga'a̱ cacua ti slo na. Xtyucua na ji'i̱ ngu' bi', cha' tyatí̱ la ti' tyiquee ngu' lo'o jlya ti' ngu' ji'i̱ Cristo;

1 CORINTIOS 10:29

Cu'ma̱ cua jlo ti' ma̱ cha' bi'. Chaca yu bi' tya lyiji caca cuayá' tso'o ti' yu, bi' cha' ná nti' na cha' tyu'utsu' yu ji'i̱ tyucui̱i̱ liñi si ña'a̱ yu cha' ndyacu ma̱ na bi'. Ná tyiquee' ñacui̱ ma̱ 'na li': “¿Ni cha' laca xcui' cuentya ji'i̱ xa' ñati̱ culacua ti' na'? Ntsu'u chacuayá' cua'ni na' ñi'ya̱ nu nti' na' cua'ni na'.

1 CORINTIOS 10:33

Lcaa su ndyu'ni na' cña ndube ti' na' ji'i̱ xa' ñati̱, si caca tso'o cresiya ji'i̱ ngu' lo'o cua'ni na' cña bi'. Si'i na tyacua cha' tso'o ji'i̱ ycui' ca na', nti' na' cha' caca tso'o cresiya ji'i̱ cua ña'a̱ ca ñati̱, cha' caja ñi'ya̱ clyaá ngu' ji'i̱ nu cuxi li'.

1 CORINTIOS 7:16

Cu'ma̱ ngu' cuna'a̱, ná tyiquee' xñi clyo'o ma̱ cha' ji'i̱ Jesús xqui'ya cu'ma̱ cha' jlya ti' ma̱ ji'i̱ Jesús; clyaá yu bi' ji'i̱ nu xña'a̱ li'. La cui' jua'a̱ cu'ma̱ ngu' qui'yu, ná tyiquee' xñi clyo'o ma̱ cha' ji'i̱ Jesús xqui'ya cha' jlya ti' ma̱ ji'i̱ Jesús; clyaá cho' ji'i̱ nu cuxi li'.

1 CORINTIOS 9:1

Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,

2 CORINTIOS 12:14

Cua tya̱a̱ ti na' ca su ndi'i̱ ma̱ chaca quiya'. Cua tya'a ti sna quiya' cha' ca̱a̱ na' slo ma̱ juani, lo'o ña'a̱ ti ná lijya̱ na' cha' culo na' sca cña tlyu ji'i̱ cu'ma̱. Sca ti nti' na' cha' caca ma̱ ñati̱ ji'i̱ ycui' Ndyosi, ná nti' na' cha' jña na' cñi ji'i̱ ma̱. Ñi'ya̱ nti' na ni, si ntsu'u sñi' na, ycui' ti na ta na caya' lo na laca nu lyiji ji'i̱ sñi' na; si'i sñi' na nu ta caya' lo ycui' na.

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.

1 TIMOTEO 4:16

Talo nu'u̱ ji'i̱ cña bi'. Cua'a nu'u̱ ji'i̱ ycui' ca cha' xcui' cha' tso'o ti cua'ni nu'u̱. Tso'o ti culu'u nu'u̱ ji'i̱ ngu' tya'a na, cha' jua'a̱ cuna tso'o ngu' cha' nu nclu'u nu'u̱ ji'i̱ ngu', cha' cua'ni lyaá ycui' Ndyosi ji'i̱ ngu' bi' li'. Lo'o jua'a̱ cua'ni lyaá Ni jinu'u̱ li'.

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

1 PEDRO 3:1

Lo'o jua'a̱ cu'ma̱ ngu' cuna'a̱ ni, ntsu'u cha' taquiya' ma̱ ji'i̱ cha' nu nchcui' clyo'o ma̱, cha' nu qui'yu laca loo ji'i̱ nu cuna'a̱, masi tya lyiji taquiya' nu qui'yu bi' ji'i̱ ycui' Ni. Pana lo'o ña'a̱ nu ngu' qui'yu clyo'o ma̱ lcaa cha' tso'o nu ndu'ni ma̱, li' xñi ngu' cha' ji'i̱ ycui' Ni, masi bilya chcui' ma̱ lo'o ngu' ji'i̱ cha' bi';