1 CORINTIOS 9:17 - Chatino Tataltepec

¹⁷ Nu lo'o cua'ni na' sca cña cuentya 'na ti, ndu̱ ti' na' cha' caja xcaya' na' li'. Pana xa' ña'a̱ cña laca cña nu nda Ni 'na; na cua ndyanu cña bi' 'na cha' bi' ti cña cua'ni na', cha' cua ndatsaa Ni 'na cha' cua'ni na' ji'i̱. Bi' cha' ndyu'ni na' cña bi'.

1 CORINTIOS 9:17 ပူးပေါင်းရင်းမြစ်များ

SAN MATEO 10:41

Lo'o si ta ngu' su tyi'i̱ sca ñati̱ nu laca tu'ba ji'i̱ ycui' Ndyosi, cha' cuentya ji'i̱ ycui' Ndyosi ndya'a̱ ñati̱ bi', tso'o tsa caca ji'i̱ ngu' bi' nde loo la. Li' tyacua sca cha' tso'o nu cua nguxco'o ycui' Ndyosi cuentya ji'i̱ ngu' bi', stu'ba ti caca ji'i̱ ngu' bi' lo'o ji'i̱ nu laca tu'ba bi'. Lo'o jua'a̱ si ta ngu' su tyi'i̱ sca ñati̱ nu tso'o tsa tyiquee xqui'ya cha' ndaquiya' yu cha' ji'i̱ ycui' Ndyosi, stu'ba caca ji'i̱ ngu' bi' lo'o ji'i̱ nu tso'o tsa tyiquee bi' nde loo la, cha' cua nguxco'o ycui' Ndyosi sca cha' tso'o nu tyacua ji'i̱ ngu' bi' ca su ntucua ycui' Ni.

SAN MATEO 24:25

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi',

SAN LUCAS 12:42

Li' nguxacui̱ Jesús cha' ji'i̱ yu: ―¿Ha ntsu'u cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.

SAN JUAN 4:36

Caja xcaya' msu 'na nu cua'ni clacua bi', ni ná nga'a̱ cha' tye cña nu cua'ni msu bi'. Lo'o li' stu'ba ti caca chaa ti' ngu' bi' lo'o ngu' nu cua ngusañi si'yu, la cui' ñati̱ nu ngusañi cha' tso'o ji'i̱ ycui' Ndyosi lcaa su ndi'i̱ ñati̱ tya clyo la; stu'ba ti caca chaa ti' ngu' bi' lo'o ñati̱ nu cua na'a̱ lo'o ndyatí̱ ca cha' bi' ne' cresiya ji'i̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱―.

1 CORINTIOS 3:14

Nu lo'o talo cña nu ngua'ni sca ñati̱ lo'o cua ndyaa lo quii' bi', li' ta Ni cha' tso'o nu tyacua ji'i̱ ñati̱ bi'.

1 CORINTIOS 3:8

Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

1 CORINTIOS 4:1

Nga'a̱ cha' tyi'u ti' ma̱ cha' cña ji'i̱ ycui' Cristo ndyu'ni ya. Na ndi'ya lo ya cña cha' culu'u ya ji'i̱ ñati̱ lcaa cha' nu cua ngulu'u ycui' Ndyosi ji'i̱ ya; sca cha' nu bilya cuna ñati̱ chalyuu tsiya' ti, bi' laca cha' nu culu'u ya ji'i̱ ngu'.

1 CORINTIOS 9:16

Ná tso'o si tyucuaa ti' na' ji'i̱ ma̱ xqui'ya cha' ndya'a̱ na' nchcui' na' cha' tso'o nu ji'i̱ Jesús lo'o ñati̱, na cua ngua'a̱ loo Ni 'na cha' cua'ni na' cña bi'. Tlyu tsa cha' ti'í caca 'na si ná chcui' na' cha' ji'i̱ Jesús lo'o ñati̱.

1 CORINTIOS 9:18

¿Ha ná caja xcaya' na' li'? Chañi cha' caja bi' 'na, pana xa' lo na laca bi' li'; laca cha' tso'o tsa ntsu'u tyiquee na' nu lo'o nchcui' na' cha' tso'o ji'i̱ Jesús lo'o ñati̱. Bi' cha' tso'o tsa nti' na', masi ná nda ngu' xcaya' na'. Ná nti' na' jña na' xcaya' na' ji'i̱ ma̱, masi ntsu'u chacuayá' cha' jña na' cha' bi' ji'i̱ ma̱, laja lo'o ndyu'ni na' cña ji'i̱ ycui' Ni.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

GÁLATAS 2:7

Ndi'ya̱ ngua: ngutucuá ngu' bi' ji'i̱ cha' nu nchcui' na' lo'o ngu'; cua ngüiñi cha' ji'i̱ ngu' bi' lo'o na' li'; cua ngua cuayá' ti' ngu' cha' cua nda ycui' Ndyosi cña 'na cha' tsa'a̱ ta na' cha' ji'i̱ Ni lo'o cu'ma̱ ngu' xa' tsu', ñi'ya̱ taca clyaá ma̱ ji'i̱ nu cuxi. Lo'o jua'a̱ nacui̱ ngu' cha' cua nda Ni la cui' cña ji'i̱ nu Pedro bi', cha' chcui' yu cha' tso'o bi' lo'o ngu' judío.

COLOSENSES 1:25

Ycui' Ndyosi laca nu cua nda cña bi' 'na, cha' caca na' cña ji'i̱ ca ta'a ñati̱ nu ngusñi cha' ji'i̱ Ni lcaa quichi̱, cha' nguula la caca tyiquee ma̱. Nga'a̱ cha' ña'a̱ ti tya ta la na' cha' ji'i̱ Cristo lo'o xa' ñati̱ ña'a̱ cuayá' nu tye cuna ngu' cha' bi'.

1 TESALONICENSES 2:4

Cua nda ycui' Ni cha' bi' lo'o ya cha' culu'u ya ji'i̱ ñati̱, bi' cha' liñi nchcui' ya lo'o ngu' nde lcaa quichi̱. Si'i ñati̱ chalyuu laca nu Xu'na na, ycui' Ndyosi laca nu Xu'na na; bi' cha' cuentya ji'i̱ ycui' Ni nclu'u ya cha' tso'o bi' ji'i̱ Ni ji'i̱ lcaa ma̱, cha' jlo ti' Ni lcaa cha' nu ntsu'u ne' cresiya ji'i̱ ya.

FILEMÓN 1:14

Pana nti' na' quiñi cha' 'na lo'o nu'u̱ clyo, Filemón. Tso'o tsa tyiquee nu'u̱, lo'o nti' na' cha' cua'ni nu'u̱ lo'o yu ñi'ya̱ nu nti' ycui' nu'u̱; ná nti' na' culo na' cña jinu'u̱ cha' tyanu yu lo'o na'.