1 CORINTIOS 9:16 - Chatino Tataltepec

¹⁶ Ná tso'o si tyucuaa ti' na' ji'i̱ ma̱ xqui'ya cha' ndya'a̱ na' nchcui' na' cha' tso'o nu ji'i̱ Jesús lo'o ñati̱, na cua ngua'a̱ loo Ni 'na cha' cua'ni na' cña bi'. Tlyu tsa cha' ti'í caca 'na si ná chcui' na' cha' ji'i̱ Jesús lo'o ñati̱.

1 CORINTIOS 9:16 ပူးပေါင်းရင်းမြစ်များ

SAN MATEO 25:16

Hora ti ndyaa msu nu ntsu'u ca'yu mil cñi plata ji'i̱, ngüi'ya yu yu'ba lo'o cñi bi'. Li' ndyujui' yu yu'ba bi', ngua'ni yu ngana ña'a̱ cuayá' nu ngujui chaca ca'yu mil cñi plata ji'i̱.

SAN LUCAS 9:62

Li' nguxacui̱ Jesús cha' ji'i̱ nu qui'yu bi': ―Sca ñati̱ nu nguxana sca cña ni, ná caca tyu'u scua cña bi' ji'i̱ yu si tya'a̱chu̱' yu ji'i̱; ñi'ya̱ nti' ñati̱ nu nclya'a yuu, ná ca cula'a tso'o yu yuu si ña'a̱ yu nde chu̱' yu; la cui' jua'a̱ lo'o caca ycui' Ndyosi loo ne' cresiya ji'i̱ cu'ma̱ ñati̱ chalyuu ni, ná ta Ni cña cua'ni ma̱ cuentya ji'i̱ ycui' si nti' ma̱ tya'a̱chu̱' ma̱ ji'i̱ Ni.

LOS HECHOS 4:20

Tso'o la nti' ya cha' cua'ni ya cña nu ngulo ycui' Ndyosi ji'i̱ ya; bi' cha' ná tye chca cha' chcui' ya lo'o ñati̱, lcaa cha' nu cua na'a̱ ya ji'i̱ Jesús, lo'o lcaa cha' nu cua ndyuna ya, cha' nu nchcui' yu lo'o ya.

LOS HECHOS 9:15

Nguxacui̱ ycui' nu Xu'na na cha' ji'i̱ Ananías li': ―Ntsu'u cha' tsaa nu'u̱ ca slo nu Saulo bi' ―nacui̱ Ni ji'i̱―. Cua ngusubi na' ji'i̱ yu cha' cua'ni yu cña jna' ―nacui̱ Ni―. Tsaa yu bi' ca slo ngu' xa' loyuu, tsaa yu ca slo nu laca xu'na loyuu tyijyu', lo'o jua'a̱ tsaa yu ca slo tya'a ma̱, nu ngu' Israel bi'. Ta yu cha' jna' lo'o lcaa ñati̱ ca su tya'a̱ yu, bi' laca cña jna' nu cua'ni yu.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

ROMANOS 1:14

Cua ngulo Ni cña 'na cha' tsa'a̱ chcui̱' lo'o ngu' xa' tsu', masi ndi'i̱ ngu' bi' quichi̱ tonu, masi ndi'i̱ ngu' tyijyu' la ca ne' quixi̱'; ngulo Ni cña jna' cha' sca ti cha' chcui' na' lo'o ngu', masi lo'o ngu' nu nchca tsa ji'i̱, masi lo'o ngu' nu ná ndyi'ya cuentya tsiya' ti.

ROMANOS 15:17

Xqui'ya Jesucristo ntsu'u tsa cha' nu taca chcui' na' lo'o cu'ma̱ nquicha'; taca chcui' na' ji'i̱ cña nu cua ngua'ni na' cuentya ji'i̱ ycui' Ndyosi, ni si'i cha' cua'ni tyucuaa ti' na' lo'o ma̱ laca si chcui' na' jua'a̱.

ROMANOS 4:2

Ycui' ca Abraham ni, ná ngua cua'ni yu cha' ca tso'o cresiya ji'i̱ ycui' ca yu cuentya ji'i̱ ycui' Ndyosi, ni ná ngua ji'i̱ yu xacui̱ yu cha' ji'i̱ ycui' Ndyosi cha' ngua ji'i̱ ycui' yu.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

1 CORINTIOS 9:14

Lo'o cuare, lo'o ncliji chalyuu ji'i̱ ya su ndya'a̱ ya tyijyu' cha' nchcui' ya cha' tso'o nu ji'i̱ ycui' Ndyosi lo'o ñati̱, tso'o si ta ngu' xi na tyiji̱ yu'u ji'i̱ ya chalyuu.

2 CORINTIOS 2:12

Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua.

COLOSENSES 4:17

Ndi'ya̱ chcui' ma̱ lo'o yu Arquipo tya'a na: “Cua ngua'a̱ lo ycui' nu Xu'na na jinu'u̱ cha' cua'ni nu'u̱ cña bi' cuentya ji'i̱ ycui' Ni”, ñacui̱ ma̱ ji'i̱ yu, “bi' cha' juani cua'ni cña ti' nu'u̱ cha' caca tso'o cña bi'”.