1 CORINTIOS 9:14 - Chatino Tataltepec

¹⁴ Lo'o cuare, lo'o ncliji chalyuu ji'i̱ ya su ndya'a̱ ya tyijyu' cha' nchcui' ya cha' tso'o nu ji'i̱ ycui' Ndyosi lo'o ñati̱, tso'o si ta ngu' xi na tyiji̱ yu'u ji'i̱ ya chalyuu.

1 CORINTIOS 9:14 ပူးပေါင်းရင်းမြစ်များ

SAN MATEO 10:10

ni ná lo'o quixu tyaja qui'ya ma̱ tsaa ma̱. Lo'o jua'a̱ ná qui'ya ma̱ chaca camxa, ni xa' caña, ni ná lo'o yaca tyu'u ya' ma̱ tsaa ma̱. Si cua nguxtyucua ma̱ ji'i̱ ngu', nga'a̱ cha' xacu ngu' ji'i̱ ma̱.

SAN LUCAS 10:7

Tyanu ma̱ toni'i̱ ji'i̱ ngu' tso'o bi', cacu ma̱ co'o ma̱ cua ña'a̱ ca na nu cacu ngu' bi'; sca ñati̱ nu ndyu'ni cña ni, ntsu'u chacuayá' ji'i̱ cha' cacu yu tyaja. Pana ná tya'a̱ ma̱ lcua ti toni'i̱ ji'i̱ ngu'.

SAN LUCAS 10:8

Lo'o tyalaa ma̱ sca quichi̱ su tso'o tsa chcui' ñati̱ lo'o ma̱, cacu ma̱ lcaa na nu ta ngu' ji'i̱ ma̱,

LOS HECHOS 18:3

Stu'ba ti ngua'ni Pablo cña lo'o ngu' bi' li', cha' cuityi ni'i̱ late' laca ngu'; bi' cha' ndyanu yu slo ngu' cha' cua'ni yu cña lo'o ngu'.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

1 CORINTIOS 9:11

Nu cña nu ndyu'ni ya cuentya ji'i̱ ma̱ ni, si'i sca cña nu taca ña'a̱ ma̱ ji'i̱ laca bi', ne' cresiya ji'i̱ ma̱ ndyaca cña bi'; pana taca tyi'u ti' ma̱ ji'i̱ ya, na laca nu lyiji ji'i̱ ya cha' tyiji̱ yu'u ji'i̱ ya nde chalyuu.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

1 CORINTIOS 9:16

Ná tso'o si tyucuaa ti' na' ji'i̱ ma̱ xqui'ya cha' ndya'a̱ na' nchcui' na' cha' tso'o nu ji'i̱ Jesús lo'o ñati̱, na cua ngua'a̱ loo Ni 'na cha' cua'ni na' cña bi'. Tlyu tsa cha' ti'í caca 'na si ná chcui' na' cha' ji'i̱ Jesús lo'o ñati̱.

1 CORINTIOS 9:4

Ntsu'u chacuayá' 'na cha' xñi na' xi na cacu na' lo'o na co'o na' caya' lo cña nu ndyu'ni na', ni na' ji'i̱ ngu' bi'.

2 CORINTIOS 2:12

Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua.

GÁLATAS 6:6

Lcaa tya'a na nu ndyaca tsa'a̱ na cha' tso'o nu cua nda Cristo bi', ntsu'u cha' ta na xi cha' tso'o nu ntsu'u ji'na cha' caja cua ña'a̱ ca na nu tyiji̱ yu'u ji'i̱ mstru nu ngulu'u cha' tso'o bi' ji'na.

1 TESALONICENSES 1:5

xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.