1 CORINTIOS 9:11 - Chatino Tataltepec

¹¹ Nu cña nu ndyu'ni ya cuentya ji'i̱ ma̱ ni, si'i sca cña nu taca ña'a̱ ma̱ ji'i̱ laca bi', ne' cresiya ji'i̱ ma̱ ndyaca cña bi'; pana taca tyi'u ti' ma̱ ji'i̱ ya, na laca nu lyiji ji'i̱ ya cha' tyiji̱ yu'u ji'i̱ ya nde chalyuu.

1 CORINTIOS 9:11 ပူးပေါင်းရင်းမြစ်များ

SAN MATEO 10:10

ni ná lo'o quixu tyaja qui'ya ma̱ tsaa ma̱. Lo'o jua'a̱ ná qui'ya ma̱ chaca camxa, ni xa' caña, ni ná lo'o yaca tyu'u ya' ma̱ tsaa ma̱. Si cua nguxtyucua ma̱ ji'i̱ ngu', nga'a̱ cha' xacu ngu' ji'i̱ ma̱.

ROMANOS 15:27

Chañi cha' tyucui tsa tyiquee ngu' bi' nda ngu' msta̱ bi'. Taca ñacui̱ na cha' ñi'ya̱ laca si na ndacui ti ngu' bi' ji'i̱ tya'a ngu', jua'a̱ laca cña nu ndyu'ni ngu' juani. Tya clyo ngu' judío laca nu cua nda cha' ji'i̱ Cristo lo'o ngu' xa' tsu'; xqui'ya cha' bi' ngua tso'o cresiya ji'i̱ ngu' cuentya ji'i̱ ycui' Ndyosi, masi ngu' xa' tsu' laca ngu'. Bi' cha' juani lo'o ngua ti'i nu ngu' judío bi', tso'o si xtyucua ngu' xa' tsu' ji'i̱ ngu' bi', cha' tya'a ñati̱ ji'i̱ Cristo laca ngu'.

1 CORINTIOS 9:14

Lo'o cuare, lo'o ncliji chalyuu ji'i̱ ya su ndya'a̱ ya tyijyu' cha' nchcui' ya cha' tso'o nu ji'i̱ ycui' Ndyosi lo'o ñati̱, tso'o si ta ngu' xi na tyiji̱ yu'u ji'i̱ ya chalyuu.

2 CORINTIOS 11:15

La cui' jua'a̱ lo'o ngu' nu ndyu'ni cña cuentya ji'i̱ nu xña'a̱ bi'; ná tlyu cña cha' cua'ni ngu' cha' xa' ña'a̱ loo ngu', ña'a̱ cuayá' nu ñilo'o ngu' bi' ji'i̱ xa' la ñati̱ cha' cña ji'i̱ ycui' Ndyosi laca nu ndyu'ni ngu' bi'. Pana nu lo'o tyalaa hora cha' caca cuayá' ji'i̱ ngu' lo'o ycui' Ndyosi, li' chcube' ngu' bi' ñi'ya̱ nu nga'a̱ cha' tyacua ji'i̱ ngu' xqui'ya cña cuxi nu cua ngua'ni ngu' lo'o ya̱a̱ ngu' chalyuu.

GÁLATAS 6:6

Lcaa tya'a na nu ndyaca tsa'a̱ na cha' tso'o nu cua nda Cristo bi', ntsu'u cha' ta na xi cha' tso'o nu ntsu'u ji'na cha' caja cua ña'a̱ ca na nu tyiji̱ yu'u ji'i̱ mstru nu ngulu'u cha' tso'o bi' ji'na.

FILIPENSES 4:17

Ni si'i cha' caja sca cha' xlya'be ti 'na nclyacua ti' na', tso'o la nti' na' si tyanu tso'o cha' ji'i̱ ycui' Ndyosi ne' cresiya ji'i̱ ma̱.