1 CORINTIOS 9:10 - Chatino Tataltepec

¹⁰ lo'o cha' ji'i̱ ya nchcui' Ni, ji'i̱ cuare nu ndya'a̱ ya tyijyu' cha' chcui' ya cha' ji'i̱ ycui' Ndyosi lo'o ñati̱. Ñi'ya̱ nu laca ji'i̱ ngu' nu nclya'a yuu lo'o toro, ñi'ya̱ nu laca ji'i̱ ngu' nu ndu'ni clacua, jua'a̱ laca ji'i̱ ya; lo'o cuare ntsu'u chacuayá' ji'i̱ ya cha' jña ya xi cha' tso'o nu ntsu'u ji'i̱ ngu' nu lo'o cua ndye cña ji'i̱ ya.

1 CORINTIOS 9:10 ပူးပေါင်းရင်းမြစ်များ

SAN MATEO 24:22

Pana cua nacui̱ ycui' nu Xu'na na cha' xti ti tsa̱ caca tyempo nu chcube' ngu' jua'a̱; si tyiquee' talo tyempo cuxi bi', nga'aa clyaá ni tsaca ñati̱ chalyuu li'. Pana tya'na ti' ycui' Ndyosi ña'a̱ Ni ji'i̱ ñati̱ ji'i̱ Ni, bi' cha' cua'ni Ni cha' xti ti tsa̱ caca tyempo cuxi bi'.

ROMANOS 15:4

Lcaa quityi nu nguscua jyo'o cusu' tya sa'ni la ni, nclyu'u quityi bi' ji'na ñi'ya̱ nu caca jatya na ji'i̱ sca cha' nu lijya̱ nde loo la; nda quityi cha' lo'o na ñi'ya̱ xtyucua ycui' Ndyosi ji'na cha' talo tsa tyiquee na laja lo'o ndu̱ ti' na ji'i̱ Ni.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

2 TIMOTEO 2:6

Chaca cha' ni, sca ñati̱ nu tlyu tsa cña ngua'ni lo xtya̱ ji'i̱ yu, clyo cacu ycui' yu na nu ndyu'u lo xtya̱ bi'.