1 CORINTIOS 9:1 - Chatino Tataltepec

¹ Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,

1 CORINTIOS 9:1 ပူးပေါင်းရင်းမြစ်များ

LOS HECHOS 13:2

Ngua sca tsa̱ nu lo'o tyucui tsa̱ ná ndyacu ngu' taju bi', xqui'ya cha' ngua'ni tlyu ngu' ji'i̱ ycui' Ndyosi nu Xu'na na. Li' nchcui' Xtyi'i ycui' Ndyosi lo'o ngu' bi': ―Ta ma̱ chacuayá' ji'i̱ Bernabé lo'o jua'a̱ ji'i̱ Saulo, cha' tsaa ngu' xa' quichi̱ cha' cua'ni ngu' cña nu ta na' ji'i̱ ngu' cha' cua'ni ngu' ―nacui̱ ycui' Ndyosi ji'i̱ ngu'.

LOS HECHOS 14:14

Ñati̱ nu ndya'a̱ tyijyu' nchcui' cha' ji'i̱ Jesucristo laca Pablo lo'o Bernabé ni, bi' cha' ngua xñi'i̱ tsa ti' tyucuaa ngu' lo'o nda ngu' cuentya ñi'ya̱ nu ndyu'ni ngu' quichi̱ bi'. Li' ngusaa' ycui' ca ngu' ste' ngu', cha' caca cuayá' ti' ngu' quichi̱ cha' ná tso'o cña nu ndyu'ni ngu'. Li' ngusna Pablo lo'o Bernabé ndyaa ngu' lcaa laja ñati̱ quiña'a̱ bi', cui̱i̱ tsa ngusi'ya lo'o ngu' ji'i̱ ngu' quichi̱ bi':

LOS HECHOS 14:4

Ná stu'ba cha' ji'i̱ ngu' quichi̱ lo'o tya'a ngu' li'. Ntsu'u ngu' nu ndaquiya' tsa ji'i̱ tya'a ngu' judío, lo'o jua'a̱ ntsu'u ngu' nu ndaquiya' ji'i̱ cha' nu nda ngu' nu ndya'a̱ nchcui' cha' ji'i̱ Jesucristo bi'.

LOS HECHOS 23:11

Lo'o ngua talya lye, li' ndyalaa ycui' nu Xu'na na slo Pablo. ―Cua'ni tlyu tyiquee nu'u̱ Pablo ―nacui̱ Ni―. Ñi'ya̱ cua nchcui' nu'u̱ cha' jna' nde quichi̱ Jerusalén re, jua'a̱ ntsu'u cha' chcui' nu'u̱ cha' jna' ca quichi̱ Roma.

LOS HECHOS 9:15

Nguxacui̱ ycui' nu Xu'na na cha' ji'i̱ Ananías li': ―Ntsu'u cha' tsaa nu'u̱ ca slo nu Saulo bi' ―nacui̱ Ni ji'i̱―. Cua ngusubi na' ji'i̱ yu cha' cua'ni yu cña jna' ―nacui̱ Ni―. Tsaa yu bi' ca slo ngu' xa' loyuu, tsaa yu ca slo nu laca xu'na loyuu tyijyu', lo'o jua'a̱ tsaa yu ca slo tya'a ma̱, nu ngu' Israel bi'. Ta yu cha' jna' lo'o lcaa ñati̱ ca su tya'a̱ yu, bi' laca cña jna' nu cua'ni yu.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.

LOS HECHOS 9:3

Ngusñi yu tyucui̱i̱ ndyaa yu ca quichi̱ Damasco bi' li'. Cua tyalaa ti yu quichi̱ bi', li' tsi tsiya' ca ngua'a̱ sca xee tlyu ji'i̱ ycui' Ndyosi slo yu; lcaa su ndu̱ Saulo ntyiji'i̱ xee bi' lo yuu.

LOS HECHOS 9:5

―¿Tilaca laca nu'u̱, Cusu'? ―nacui̱ Saulo. ―Jesús laca na' ―nacui̱ Ni―. Na nxu̱u̱ tya'a nu'u̱ lo'o na' laca ―nacui̱ Ni―. La cui' ca nu'u̱ ndu'ni cha' quicha ti' ycui' nu'u̱. Ñi'ya̱ nu ndu'ni sca toro, jua'a̱ ndu'ni nu'u̱; na ntyiji'i̱ quiya' toro la cui' se'i̱ su ndatu̱ ngu' yaca cha siyu' ni', lo'o jua'a̱ nu'u̱, ndu'ni ñu'u̱ ji'i̱ ycui' ca ti nu'u̱.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

ROMANOS 1:5

Tso'o tsa ngua'ni ycui' Ndyosi lo'o na' xqui'ya Jesucristo. Cua ngulo Ni cña jna' cha' tsa'a na' tyucui ña'a̱ chalyuu mala su ndi'i̱ ñati̱; chacuayá' ji'i̱ ycui' Ni tsa'a na' chcui' na' cha' tso'o ji'i̱ ycui' Ndyosi lo'o ñati̱. Nti' Ni cha' caja ñati̱ ji'i̱ ycui' Ni lcua ti se'i̱, ñati̱ nu xñi cha' ji'i̱ ycui' Ni, ñati̱ nu taquiya' ji'i̱ cha' nu nchcui' Ni.

ROMANOS 11:13

Lo'o cu'ma̱ ngu' xa' tsu' ni, nti' na' ta na' xi cha' lo'o ma̱. Ycui' Ndyosi laca nu ngusubi 'na, cha' tsa'a na' ta na' cha' ji'i̱ Jesús lo'o cu'ma̱ nu ndi'i̱ ma̱ xa' tsu'. Nchcui' na' lo'o cu'ma̱ jua'a̱, xqui'ya cha' ndulo tsa cña nu nda Ni 'na.

1 CORINTIOS 1:1

Pablo laca na' nu nscua̱ quityi re, lo'o jua'a̱ stu'ba ti ntucua na' lo'o Sóstenes tya'a ndyu'ni na' cña. Chacuayá' ji'i̱ ycui' Ndyosi ndya'a̱ na' nchcui' na' cha' ji'i̱ Jesucristo lo'o lcaa ñati̱.

1 CORINTIOS 10:29

Cu'ma̱ cua jlo ti' ma̱ cha' bi'. Chaca yu bi' tya lyiji caca cuayá' tso'o ti' yu, bi' cha' ná nti' na cha' tyu'utsu' yu ji'i̱ tyucui̱i̱ liñi si ña'a̱ yu cha' ndyacu ma̱ na bi'. Ná tyiquee' ñacui̱ ma̱ 'na li': “¿Ni cha' laca xcui' cuentya ji'i̱ xa' ñati̱ culacua ti' na'? Ntsu'u chacuayá' cua'ni na' ñi'ya̱ nu nti' na' cua'ni na'.

1 CORINTIOS 10:30

Si nda tsa na' xlya'be ji'i̱ ycui' Ndyosi cuentya ji'i̱ na ndacu na', ¿ni cha' laca chcui' ñati̱ cha' cuxi 'na lo'o ndacu na' ji'i̱ lacua?” ñacui̱ ma̱ 'na.

1 CORINTIOS 11:16

Si chcui' cuxi ngu' xqui'ya cha' ndyacu̱' hique ngu', tso'o si caca cuayá' ti' ngu' bi', cha' sca ti cuayá' ndu'ni ya ñi'ya̱ nu ndu'ni lcaa ñati̱ ji'i̱ Jesucristo lcua ti quichi̱ tyi ngu'.

1 CORINTIOS 3:6

Ñi'ya̱ laca sca ñati̱ nu cataa sca si'yu, lo'o li' chaca laca nu su'ba hitya su̱u̱ na cuiñii bi', jua'a̱ laca cuare lo'o ma̱; na' laca̱ nu ya̱a̱ ndacha' na' cha' bi' ji'i̱ ma̱ su clyo, lo'o tiya' la li' ñaa Apolos nda la cha' bi' lo'o ma̱. Pana sca ti ycui' Ndyosi laca nu ndu'ni cha' tyanu tso'o cha' bi' ne' cresiya ji'i̱ ma̱;

1 CORINTIOS 9:19

Ntsu'u chacuayá' cua'ni na' ni cña laca nu nti' na' cua'ni na'. Ná tucui ndatsaa 'na cha' cua'ni na' cña ji'i̱ ngu' nquicha'; pana nti' na' cha' quiña'a̱ la ñati̱ xñi ngu' cha' ji'i̱ Cristo, bi' cha' nda na' chacuayá' ji'i̱ cua ña'a̱ ca ngu' cha' tatsaa ngu' 'na.

2 CORINTIOS 10:7

Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

2 CORINTIOS 11:5

Ni si'i na cuxi la laca cha' nu nchcui' na', si'i na tso'o la cha' nu nchcui' nu xa' ñati̱ bi'; nti' ma̱ jua'a̱, masi cua nguñilo'o ngu' ji'i̱ ma̱ lo'o nchcui' ngu' cha' laca ngu' cña ji'i̱ Cristo.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

GÁLATAS 1:1

Pablo laca na' nu nscua̱ quityi re. Cña 'na laca cha' tsa'a na' chcui' na' cha' ji'i̱ Jesucristo lo'o lcaa ñati̱. Si'i ñati̱ chalyuu ti laca nu cua nda cña bi' 'na, si'i ñati̱ laca nu nguane 'na cha' cua'ni na' cña bi'; Jesucristo lo'o ycui' Ndyosi Sti Jesús, bi' laca nu cua nda cña bi' 'na. Ycui' Ndyosi ni, bi' laca nu ngua'ni cha' ndyu'ú Jesús chaca quiya' lo'o ngujuii yu.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

1 TESALONICENSES 2:6

Ná nti' ya cha' cua'ni chi̱ ma̱ loo ya, masi chacuayá' ji'i̱ ycui' Jesucristo ndyalaa ya slo cu'ma̱; si'i na nchcui' tyucuaa ti' ya lo'o ma̱, cha' loo laca ya ji'i̱ ma̱, ni si'i na tyixi ya cha' loo laca ya ji'i̱ xa' ñati̱.

1 TIMOTEO 2:7

Ngusubi Ni 'na cha' ndya'a na' nda na' cha' tso'o bi' lo'o ñati̱ cuentya ji'i̱ ycui' Ni, cha' lo'o ngu' xa' tsu' ndyuna ngu' cha' tso'o bi' li'; ndya'a na' ngulu'u na' ji'i̱ ngu' ñi'ya̱ caca xñi ngu' cha' ji'i̱ ycui' Ndyosi. Cha' liñi nscua na' nde, si'i cha' cuiñi nchcui' na'.

2 TIMOTEO 1:11

Cha' ji'i̱ Jesucristo, bi' laca cha' nu nchcui' na' lo'o ñati̱. Cua ngusubi ycui' Ndyosi 'na cha' ndya'a na' nclyu'u na' cha' bi' ji'i̱ ngu' xa' tsu' cuentya ji'i̱ ycui' Ni,